Protestation de Geriziers contre Baret

Loches, 21 décembre 1567.

Du vingt ungiesme jour de décembre mil cinq cens soixante sept, en la court du Roy nostre sire a Loches, fut présent, estably et soubzmis, honnorable homme maistre Jehan de Geriziers. licencié es loix, lieutenant criminel audict lieu, sieur de la Gaulterie, lequel a faict et constitué ses procureurs maistres Pierre Moreau et François Nepveu, et chascun d'eulx seul et pour le tout, et o pouvoir spécial de comparoistre ce jourdhuy et aultres jours par davant honnorable homme maistre Jehan Baret , lieutenant ordinaire et civil audict Loches, en 1 assignation qui a esté baillé audict constituant par Jehan Boulin, soy disant clerc de la ville et communité dudict Loches, pour veoyr eslire ung- mayre, esleuz, procureur et recepveur de la dicte ville et communité dudict Loches, au lieu de ceuix qui y sont de présent, dire et desclairer qu'il ne peult et ne doibt comparoir par davant led. sieur lieutenant Barret, pour la cause de suspition qu'il entend proposer par devant le Ptoy et nos seig^neurs de son conseil privé et de sa court de Parlement de Paris, en ce temps mesmes des g'uerres civilles qui sont contre le Roy et son royaulme par ceulx de la nouvelle religion prétendue reformée, de laquelle led. Baret lieutenant est l'ung- des chefs de ce pays, comme il est tout commung et notoire, et que par les gouverneurs et lieutenans du Roy, tant en la ville de Tours, ausd. Loches et chastelz, que aultres villes de ce royaulme, les aiïaires publicques desd. villes et communiiez et pour le service du Roy leur ont esté interdittes et défendues ; et mesmement en ceste dicte ville dudict Loches, tant aux premiers troubles que es presens, ladicte interdiction luy a esté nommément faict, comme il est congneu a chascun des officiers du Roy et de lad. ville et communité dud. Loches, mayre. eschevins, esleuz et aultres principaux de ladicte ville ; et partant protester par led. constituant de nullité de tout ce qui sera faict par davant led. Baret, et

PIÈCES .IL'STIKICATIVES 347

ainsi le remonslier, et faire corriger le tout quand et par davant qui il appartiendra, en ayant mesmement esgard que a présent le Roy, nostre Souverain Seigneur, et nosseig'neurs de son conseil aux plus g-randes affaires et gueres de son royaulme, sont empeschezaucamp du sieur Roy, qui est au pays de Ghampaigne, Bourgongne, Picardye et aultres lieux de ce royaulme; et est d'avis que lesd. officiers de lad. ville et communité qui sont de présent soyent continuezfi) jusques a ce que led: sieur Roy puysse estre adverty de ce que dessus, a la fin de ceste guerre et venue en ce paysde monseigneur le marquis de Villars, cappitaine desd. ville et chastel dudicl Loches, conseiller de Sa Maiesté, estant de présent en guerre et au service dud. sieur Roy; et generallement etc, promettant etc, recours etc. jusque etc. (2).

Ainsi sig'né :J. de Geriziers, constituant, J. Moreau, et

ROUCHET.

(Loches, délib. 1564-1567.)