Envoi de délégués pour la Ligue

Loches, 27 janvier 1577.

(Délibération du 27 janvier 1577, en présence de Jehan Baret.).. La matière proposée, et lecture faicte des lettres du Roy données a Bloys le douziesme jour du présent moys, et des lettres de monsieur de Ghavig-ny du vingt troisiesme jour du dict moys, a esté délibéré et conclud que ledict lieutenant particulier, avec ledict Boissimon eschevyn, et procureur et recepveur de la ville, se transportent en la ville de Tours le jour de mardy prochain, vingt neufiesme du présent moys, pour eux trouver le lendemain au logis de monsieur de Ghavigny, et entendre de luy la volunté du Roy, dont mention est faicte par les dictes lettres, et icelles rapportées, afin que, eulx estans de retour et la volunté de Sa Majesté entendue en l'assemblée de ceste ville, puisse estre sur ce délibéré par les manans et habitans de ceste dicte ville et forsbourgs ; et que la ville ne peult envoyer a présent plus g-rand nombre, d'aultantque la ville n'a moyen de faire grandz fraiz,aussy que tous les assistans ont esté d'advis qu'ilz ne povoyentet ne debvoyent donner plus grand pouvoir ou aultre mandement ausdictz lieutenant particullier, Boissimon, et recepveur de ville, ne a aultres qu'ilz y pourroyent envoyer, sinon que celuy cy dessus, jusques ad ce qu'ilz ayent entendu quelle est la volunté de Sa Magesté : et a esté aussy conclud que le procureur de ville fera les fraiz et despence dudict voiag-e, qui luy seront allouez en ses comptes.

(Loches, F 95.)