Délibération sur un Emprunt royal

Loches, 4 avril 1577.

(Le 4 avril 1577), par devant Jehan Baret, docteur es loix, cons^"" du Roy nostre sire, lieutenant gênerai et ordinaire au siège roial de Loches de mons. le bailly de Touraine... Les dicts manans et habitans de lad. ville et forsbourg's de Loches ont remonstré, pour les causes de leur opposition par eulx formée a ce que la somme de quinze cens livres tz de nouvel emprunt (1) soyt sur eulx départie et assize, que des et depuis le moys de janvier der-

(1) Cet emprunt était imposé par lettres royales du 17 février 1577.

fl

Phololypie Berthaud, Pari5

nier, il a esté par les esleuz (1) aud. Loches, en vertu de commissions du Roy, imposé, assis et departy sur l'ellection dud. Loches plus de soixante troys mil livres, dont la ville dudict Loches en porte sy grande partie qu'elle en est acablee, et ce, tant pour les tailles ordinaires que extraordinaires, grenier, g-endarmerye, pionniers (2), et pour la solde des soldalz du chastel dud. Loches, sans y comprandre la taille nouvellement faicte pour les fraiz et despence des députez des Estais de Touraine (3); lesquelles tailles et subsides il est impossible de payer, et encores moings la dicte somme de quinze cens livres d'emprunctz; d'aultant que par chascun jour les compagnies de gens de guerre, tant de cheval que de pied, passent, repassent et séjournent es parroisses de lad. ellection, pillent, voilent, ranczonnent et ruynent non seullement les bonnes gens du plat pays d'icelle ellection, mais aussy lesd. manans et habitans dud. Loches qui ont leurs mestairies, biens, bestiail et aultres facultez aux champs. Et ne se passe aulcun jour qu'il n'y ayt deux ou trois compagnies de gens de guerre en aulcunes paroisses de lad. ellection, laquelle est exposée, plus que le surplus dud. pais de Touraine, au passage du camp qui est en Guyenne (4). Davantage, les gages d'ofticiers, et rentes que plusieurs desd. manans et habitans dud. Loches ont esté contrainctz par emprisonnement de leurs personnes d'achapter du Roy, sont arrestez et ne peuvent estre aulcunement payez. Les marchans ne peuvent trafiquer et n'osent aller sur les champs de peur d'estre voliez. L'agriculture est délaissée par les laboureurs et aultres gens rustiques, en manière qu'il y a grande partie non seullement des terres et villages, mais aussy des bourgs qui soulloyent estre les meilleurs d'icelle ellection, lesqueulx ont esté délaissez, et son[t] a présent desertz et inhabitez. Et quant aux manans et habitans dud. Loches, ilz sont contrainctz de demeurer comme prisonniers en lad. ville, et y faire les gardes par

(1) Les Elus de l'élection. On a vu (p. 201) que ceux de la ville n'existaient plus.

(2) On donnait ce nom aux ouvriers attacliés à l'armée.

(3) Les Etats de Blois (voir p. 152).

(4) Voir p. 156.

chascun jour, sans oser aller sur les champs, pour la crainte qu'ils ont d'estre prins, voliez etranczonnez par les g-ens de g-uerre.

Davantag'e, lesdictz manans et habitans de lad. ville et forsbourg's de Loches opposans ont remonstré que le département dudict emprunt ou subvention demandé par le Roy, n'est raisonnablement et esgalement l'aicte, parce qu'il n'est raisonnable que lesd. opposans portent ladicte somme de quinze cens livres tz, et que les manans et habitans de la ville et forsbourgs de Tours ne portent que la somme de trois mil livres. U'aultant que c'est chose notoire que lad. ville et forsbourgs de Tours sont exemptz de tailles, et que le plus petit fortbourg de lad. ville de Tours est plus riche que toute lad. ville de Loches et forsbourg-s d'icelle ; et y a plus de douze bourgeois de Tours chascun desqueulx a plus de revenu que tous les habitans de lad. ville de Loches, qui est la plus petite ville de toute la g-eneralité de Lang'uedoil. Aussy n'est l'ellection dud. Tours sy subiecle au passage des g-ens de guerre. Et est très certain que des departemens, qui ont esté cy devant faictz, des empruntz ou aultres subventions extraordinaires que les Roys ont imposez sur les villes du bailliage et pais de Touraine, la ville de Tours en a très souvent porté la moictié. Davantage, il y a aultres villes et bourgs de lad. ellection de Loches qui sont cotisez particullierement aud. dernier emprunt, savoir est la ville de Beaulieu quatre cens livres, la ville de Gormery deux cens livres, la ville de Monthesor deux cens livres, la ville de Liguel deux cens livres.

Donné en l'auditoire de Loches, par nous lieutenant gênerai susdit, les jour et an que dessus.