Le Roi a la Ville

Paris, 10 septembre 1587.

De par le Roy, chers et bien amez, nous vous sçavons très bon gré de la lettre que nous avez escripte par ce porteur, et des advis que nous avez donnez par luy, et aussi du bon debvoir que vous faictes pour faire assister de vivres et de ce que vous pouvez, le sieur de Lavardin [et] ceulx qui sont avec luy dans la Haye (1). En quoy nous

(1) Voir p. 203. — La table des mémoriaux de la Ch. des comptes mentionne, à la date de sept. 1588 : « Affranciiissemenl aux iiabitanls de la Haye en Touraine, et autres paroisses dénommées dans l'avis des trésoriers de France à Tours, de toutes tailles, subsides, etc., pour deux ans » (PP. 122).

462 LOCHES AU XVl^ SIÈCLE

VOUS asseurons, suivant ce que nous escrivez et que nous a aussy dict ced. porteur de vostre part, que vous continuerez de tout vostre possible, et ferez aussy tout ce qui se pourra pour travailler les trouppes du roy de Navarre, et pour leur résister comme bons et loiaulx subjects que vous nous estes, si tant estoit qu'ils venissent vers Loches, ou le cappitaine... (1) s'en va pour y faire aussi tout son debvoir, tant pour nostre service que pour vostre seureté, conservation et des lieulx circonvoisins ; pour laquelle nostre très amé beau frère, le duc de Joieuze, fera aussi tout ce qu'il sera possible, comme avant le retour decedict porteur vous vous serez apperceuz,y estant notred. beau frère arrivé pour assembler les forces qu'avoins ordonnées pour cest effect. Et pour ce que nous escrivons amplement a nostre dict beau frère par led. cappitaine, nous remectant a luy, nous n'estendrons davantaig-e ceste cy, que pour vous recommander tousiours vostre bon debvoir, en bons et loiaulx subjects que vous nous estes, vous asseurant que nous vous grattifirons volluntiers en tout ce que nous pourrons, dé bien bon cœur. Donné a Paris, le x^ jour de septembre 1587.

Du Roy aux officiers de justice, maire, eschevins et habbitans de Loches.

(Bibl. nat., fr. 3394, f 36.)