Transfert a Loches de la justice prevotale de courçav

Tours, 2 juillet 1593.

Veu par la Court la requeste a elle présentée par m' Jean Berneul, chanoine de l'église Sainct Martin de Tours et prevost de Coursay (1) en la dicte église, par laquelle, attendu qu'il luy est impossible, a cause des courses ordinaires des gens de guerre et rébellion de la ville de Selles (2) et aultres lieux circonvoisins, faire administrer la justice de lad. prevosté surles lieux, comme il souloit faire, il requeroit luy estre permis faire exercer sad. justice dans l'un des forsbourgs de la ville de Loches, en laquelle est le plus proche siège royal dud. lieu en l'obéissance du Roy, auquel les appellations dud. juge de lad. prevosté ressortissent ; conclusions du procureur gênerai du Roy, et tout considéré ;

La dicte Court, ayant égard a lad. requeste, a permis et permect au suppliant faire exercer la justice de lad. prevosté de Coursay, en tel lieu des faulzbourgs de ladicte ville de Loches qu'il sera ordonné par les officiers de justice dud. lieu, comme en territoire emprunté, et ce tant que les presens troubles dureront et sans tirer a conséquence (3).

(Arch. nat., X'» 9239, ^5.)

79. — Abolition pour l'affaire de la Guerche Monceau, le 6 septembre 1596.

Henry etc. Nous, sufûzemment informez du bon devoir,

(Il Coiirçay, près de Cormerv. — En octobre 159") le prévost de Courçay était François Le Pelletier (Serbat, les assemblées du clergé, p. 222).

(2) Voir p. 273.

(3) Dans le même temps, le 16 février 1593, messire Ciiarles d'O, abbé commendataire de l'abbaye de Saint-Julien de Tours, obtint de transférer à Bléré les plaids et assises de la chàtellenie de Cigogne « à cause des troubles et courses ordinaires des gens de guerre».

484 LOCHES AU XVl" SIÈCLE

fidellité et aiïection que noslre amé et féal le sieur de Saleon (1), cappitaine de cinquante hommes d'armes de noz ordonnances et g-ouverneur de nostre ville et chasteau de Loches, a faict durant tous les troubles passez en toutes les occasions qui se sont présentées, ayant par sa valeur faict plusieurs sig'nalez exploictz de g-uerre contre noz ennemys dont nous avons fort grand contentement ; et, advisant par luy aux moyens de continuer ce devoir et recogneu la maulvaise volonté du feu sieur de Villequicr, vicomte de la Guierche, contre nostre service, et les intelligences qu'il avoit avec le vicomte de la Guierche, son filz, gouverneur pour la Ligue de nostre ville de Poictiers, sur lesquelles il avoit fondé plusieurs desseings préjudiciables a nostred. service, et nozsubjeclz auroient descouvert que led. père prestoit toute faveur, argent, moyens et assistance, retraicte et passaige a ceulx du contraire party, et qu'il estoit sur le poinct d'exécuter l'entreprinze, par luy longtemps désignée, de s'emparer de la ville et chasteau de la Guierche, led. sieur de Salern, pour le bien de nostre service, l'auroit prévenu, se rendant maistre de lad. ville et chasteau, et dudit sieur de Villequier père qu'il auroit prins prisonnier de guerre ; duquel effort seroit ensuivie la deffaicte et mort dud. vicomte (2), qui estoit

(1) Sic pour Salerm (cf. p. 200, note 1).

(2) En 1633, Henri Louis Chasteigner, évêque de Poitiers, écrivit à Duchesne : « J'espère vous envoyer au vray ie discours de la défaicte du viconte de la Guerche, mal escrile par les historiens et novellement par M. Du Plex, qui a voulu en donner l'honneur au s' de Salern, parce qu'il est gascon et de son pays. Ledit s"" de Salern à ce combat ne mena que ifS ou 30 chevaux, qui estoient de la compagnie du Bois de la Vigne qui demeuroit à Yssoudun, et M. de Salern, qui n'estoit chevalier du Saint-Esprit ny gouverneur de province, n"eut eu garde de commander là où estoit mon père. Je scay que. Tan 1617, un commis de M. de Pontchartrain dit a un gentilhomme de condition, à Paris, chez M. de Pontchartrain. qu'il avoit fait la despesche par laquelle le Roy remercioit mon père de ceste défaicte, et que M. de Salern s'en estoit voulu prévaloir iniustement ; ce que le Roy avoit si bien discerné et l'ecogneu, et commanda que l'on en fist la despesche à mon père. » — Le récit du combat d'Isle, inséré dans YHist. des chasteignn's (p. 363 à 367), a été emprunté par Duchesne presque textuellement à une note de la main de l'évêque de Poitiers {Duchesne 33, î° 189 et 180. Cf. f» 181 et 266 v.).

party dud. Poictiers avec ses trouppes pour exécuter lad. entreprinse. De quoy ayant eu advis par led. sieur de Salern, et considérant son affection et service, que auroit reussy au grand bien et solagement de noz subjects, luy aurions verballement permis d'accorder et composer avec led. sieur de Villequier, tant de sa rançon que de tout ce qui auroit esté prins audict lieu de la Guierche, ayant esté lad. prinze advenue par sa dilligence. Et combien que ce soit chose accoustumee en pareilles occasions et que la despence des rançons et biens prins demeurent au preneur, neantmoings, craignant d'en estre recherché pour n'avoir eu de nous lad. permission par escript et lettre autentique, il nous a requis luy vouloir sur ce pourveoir. Nous, bien memoratif de lad. permission, et voullant icelle avoir lieu pour la mesme considération que dessus, et désirant gratiffier et traicter favorablement led. sieur de Saleon pour le mérite de cesd. services, avons advoué et advouons d'abondant, partant que besoing est ou seroit, lad. prinse de la ville et chasteau de la Guierche, composition de rançon, deffaictes des trouppes et mort dud. vicompte, et tous autres exploictz et actes faictz sur ce subject et ce que s'en est ensuivy, comme chose louable et digne de mémoire et recompense, et ayant le tout entreprins, faict et exécuté de nostre exprès commandement, n'entendant que led. sieur de Saleon et ceulx qui l'ont assisté et suivy, en soient ne puissent estre recherchez, poursuiviz ne molestez, estant led. cas advenu en guerre ouverte et contre l'un de noz plus obstinez ennemys. Et ou il se trouveroit quelques informations, decretz, proceddures et jugemens avoir esté pour raison de ce faictz, les avons mis et mettons au néant, cassez et revocquez, imposant silence ' a nostre procureur gênerai et tous autres, des poursuittes que l'on vouldroit faire par raison de ce, et ordonné toute audience estre desnyee a tous ceulx quy en vouldroient faire plainte et recherche, puis que tel acte, digne de rememoration et apportant louange de la valeur de celuy quy l'a exécutée, est reussy a nostre grande commodité et soulagement de noz subjectz. Sy donnons en mandement a noz amez et feaulx conseillers les gens de nostre court de Parlement de Paris, et tous autres noz justiciers et officiers

qu'il appartiendra, que ces présentes ilz ayent a faire enregistrer, et le contenu g'arder, observer et entretenir, sans souffrir qu'il y soit contrevenu, et du tout joyr et user plainement et paisiblement led. sieur de Salern et ceulx qui l'ont suivy et assisté, sans souffrir leur estre faict ne donné aulcun trouble ne empeschemenl au contrere ; et a nostre procureur gênerai d'y tenir la main a ce que le contenu en soit effectué. Car tel est nostre plaisir. En tesmoing de ce, nous avons faict mectre nostre scel a cesd. présentes.

Donné a Monceaux, le sixiesme jour de septembre, l'an de grâce mil cinq cens quatre vingtz seize, et de nostre reg"ne le huictiesme. Sig-né : Henry, et sur le reply : Par le Roy, Forget; et scellées sur double queue de cire jaulne,du grand scel.

Reg"istrees, ouy le procureur g-eneral du Roy, pour jouyr par l'impétrant du contenu. A Paris, en Parlement, le quatorziesme jour de décembre, l'an mil cinq cens quatre ving-ts seize. Sig-né : Voysin.

(Arch. nat., Xi* 8642, f 324 v.)