Demande d'un Prévôt des maréchaux

RÉSIDANT A LoCHES

Loches, 13 avril 1558.

Aujourd'huy, en jugement, le procureur du Roy ad ce sieg"e nous a faict remonstrer par advocat dud. Seigneur, en présence du procureur-recepveur et esleuz de la ville et communité de Loches, que cesle ville est située sur le grand chemyn des postes tendans de Guyenne a Paris, en laquelle l'une des postes est assise ; qu'il y a plusieurs personnages tant de cheval que pied, voicturiei's et chartiers, ayansde coustume passer par ceste ville, [quijontlessé ledict grand chemyn pour ce qu'il y a près de ceste ville plusieurs bois, buissons, garennes, tailliz, fors et espez, fréquentés plusieurs foys des brigans, volleurs, questeurs de chemyns, qui sacag'ent, destroussent et aucunes foiz exceddent et tuent les passans, allans et venans, non seullement les estrangiers, mais aussi ceulx du pays ; a quoy est difficille de résister, pour la négligence ou empeschement du prevost des mareschaulx de Touraine et de ses archers demourans a Tours, employez ailleurs, et n'ont cheminé en ceste ville et ressort que quelques foys l'an (1), passans et chevaulchans le pais sans faire en ceste ville aucun arrest ou séjour. A ceste cause, pour obvier a telz inconvenientz, affm que le pais soit tranquille, libéré et netoyé de telle vermine, qui chascun jour augmente et mqltiplie, a dlct qu'il estoit utile et

(1) En juin 1556 •> Michel Laurent, lieutenant du prevost des mareschaulx de ce pais et bailliage de Touraine, avec ses hommes et sept chevaulx [a] résidé l'espace de huict jours, a la requesle des officiers, nianans et habitans decested. ville, pour faire ses chevaulchees en la forest êtes environs de ce pais, pour la multitude des volleur.s, brigans et larrons qui habondent et régnent en ladicte forest et aullres lieulx circonvoisins ; en quoy faisant en ont prins quelques ungs, (lesquelz ung nommé Olivier Fouaissier fut ce jourdluiy brizé et rompu sur la court et exécuté a mort, et lequel a faict certains advertissemens de ses complices et volleurs et de ceux qu'ilz fréquentent en manière que ce jourdliuy en fui .;ncore prins deulx ...» ( Loches, 7^îii).

318 LOCHES AU XVl^ SIÈCLE

nécessaire supplier le Roy de faire ériger en ceste ville et ressort de Loches et eslection d'icelluy, ung prevost des mareschaulx ou lieutenant dud. prevost de Tours, avecques ung- g-reffier et cinq ou six archers (1), pour servir non seullementachastier telle manière de gens et pugnir ceulx que l'on pourra appréhender coulpables de telz crimes, mais aussi pour tenir la main forte pour exécuter les mandemens du Roy et de la justice contre les rebesles. et, pour y pourveoir, a sommé les habitans de ceste ville es personnes desdessusd. procureur et esleuz ; lesqueulx ont dict que ce seroit une chose louable et proffittable aux habitans dud. Loches et eslection dud. Loches, pour les causes susd. qui sont vraies, notoires et manifestes, que l'érection susd. feust faicte, et que pour la soulte desd. prevost, greffier et archers Ton print la somme de six centz soixante dix-sept livres, tant solz, qui a acoustumé estre levée avecques les tailles de l'eslection dud. Loches, pour partie de la soulte du prevost, greffier et archers de Tours, actendu que aultrement ilz ne font leur debvoir, et que s'est chose fort dure de bailler gaiges des deniers de leur ville et communité a gens qui ne leur font soulaigement condigne aux deniers qu'ilz recoipvent d'eulx, et ne vacquent a garder le corps et biens des habitans, de plusieurs vacabons qui conversent non seullement par les chemyns, mais aussi par ceste ville et forsbourgs tant de nuict que de jour, faisans

(1) Un édit de septembre looo (Xia 8620, f» 138) venait de rétablir en Touraine un prévôt des marécliaux provincial, avec deux lieutenants, un greffier et douze arcliers. A la suite de la chevauchée de juin 15.^6, les habitants de Loches estimèrent qu'ils n'étaient pas suffisamment protégés contre les malfaiteurs, et émirent le vœu qu'un lieutenant, un greffier et six archers fussent établis à demeure dans leur ville. Il s'agissait d'une augmentation du personnel institué par l'édit. Le nouveau prévôt provincial de Touraine, Claude de la Ferté, s' d'Auzans, rédigea en ce sens une supplique, qui, le 6 avril 1556 (l.o57), fut approuvée par le conseil privé, siégeant à Villers-Coterets. Cette décision royale provoqua une délibération de la ville, rédigée en mars 1538, et dont nous rapportons ici la teneur.

Le lieutenant du prévôt, ainsi créé, fut « estably en l'élection, ressort et maga-;inde Loches >». Cette charge fui exercée par Pierre Riboten 1372 et 1391 (cf. p. 125, note 1), et par Jean Sainct en 1599 et 1602.

plusieurs excès, forces et viollences et murtres tant aux g-ens du pais que passans. Pour ouyr lesquelles sommations et remonstrances et délibérer de ce que dessus, lesd. procureur du roy, et Grégoire Leboiteulx, procureur et recepveur de lad. ville et communité, ont faict appeller Thomas Boissimon, Boniface Gormasson, Gilles Boilly, Pierre Gaullepied, Pierre Morin, Pierre Pillei, Pierre Rady, Pierre Leboiteulx, Jehan Blonde, Jehan Ravier, Jehan Berthereau, Gilles Gochaix, Joachim Boillard, Sebastien Clavier, Bertherand Gesve, Gilles de la Reberliere, Guillaume Bouschet, Loys Gaultier, Gilles Robin et Rolland Lecourt, habitanset eschevins (1) de lad. ville, lesqueulx se sont comparuz en leurs personnes, fors lesd. Thomas Boissimon et Gormasson esquelz a esté donné default ; nonobstant lequel et leur absence, avons ordonné et ordonnons que sera proceddé a la délibération de ce que dessus, et reserve ausd. procureur du roy et Leboiteulx, procureur susd., a faire raison des amendes par eulx requises contre lesd. defaillans, suivant ce qui en a esté dict en Tassig-nation qui avoit esté baillée ce jourd'huy, matin. Et ce faict, tous lesd. habitans, après avoir oy la lecture de ce que dessus, et avoir particullierement et chacun donné leur advys, ont avecques nous declairé qu'ilz estoient de l'advys cydessus, et qu'il soit procuré par led. procureur de la communité envers le Roy, nostre Sire, l'érection d'ung' office de prevost des mareschaulx ou lieutenant résident en ceste ville de Loches, pour remédier aux incursions qui se font tant en ceste ville de Loches et forsbourg's que aultres lieulx circonvoisins, fors led. de la Rebertiere qui a dict qu'il se rapportoit ad ce qui en avoit esté faict et délibéré a la dernière assemblée.

Donné et faict a Loches, en l'auditoire royal dud. lieu, a heure de quatre heures après midy, par nous Jehan Moreau, licencié ez loix, an tien advocat, expédiant la jurisdiction royal dud. Loches pour l'absence de mons' le bailly de Touraine et de ses lieutenans aud. Loches, le Irei-

(1) On a vu (p. 289 et s.) que depuis l'été 1549 la ville avait vingtquatre consuls, qualifiés presque aussitôt d'échevins.

ziesme jour d'apvril mil v^ cinquante huict après Pasques.

Degrilles, greffier.

(Loches, P 2.)