M. LE PRINCE A DUMONT, A UNCHAMP

Bruxelles, 4 février 1657.

... Dites encore une fois à M' de la Roque S*. Chamarant qu'il recevra le mesrae traictement sans nulle différence que celuy qu'on fera à M' de Chenaille, qu'il en peut escrire à la cour si bon luy semble, ce que je laisse à son choix, ne prétendant pas luy rien commander là dessus, mais seulement luy dire cecy comme par advis, car je serois fasché d'estre obligé de luy faire quelque mauvais traictement avant de l'en avoir adverty, atEn qu'il y puisse remédier. Il ne faut point qu'il croye qu'il n'y ait nul rapport entre luy et M"" de Chenaille; car tant qu'il n'y a point de quartier estably pour les prisonniers de guerre, il n'y a point de différence entre eux et les prisonniers d'estat, tesmoing le traictement qu'on a fait à plusieurs officiers de mes trouppes qu'on a retenu 3 ou 4 ans durant à la Bastille dans des cachots, avec menace de leur faire tous les jours leur procez ... B. N.