LE PRINCE A LE TELLIER

8 juin 1G49.

M*" de Bouillon m'est venu faire plaincte de ce que M** de Fabert n'avoit pas entièrement exécuté les ordres de la cour sur le subjectdes prisonniers qui sont dans Sedan, et m'a prié de vous escrire pour faire commander audit sieur de Fabert pendant son séjour à la cour d'exécuter le traicté qui a eslê faict pour ce regard ; vous m'obligerés d'y vouloir donner ordre ^n sorte que ledict sieur de Bouillon puisse en recevoir contentement. 11 m'a aussy faict entendre que ces gens d'Auvergne estoient allés à la cour au préjudice des défenses de W le Cardinal et des ordres de M*' le Chancelier ; je vous prie de les renvoyer sans rien faire, mais leur faire seulement cognoistre qu'ils debvoient satisfaire à ce qui leur estoit mandé. B. N.