M. LE PRINCE A LE TELLIER

Namar, 6 avril 1653.

La lettre qui a esté escnte à M. de Vaubecourt soubz le nom du Roy touchant les S" de Vineuil et Joly faisant plustosl cognoistre la passion du cardinal Mazarin que les volontez de S. M., j'ay creu n'estre pas obligé d'y rendre la mesme déférence que celle que je doibz avoir et que j'auray toute ma vie pour tout ce qui viendra directement de la 'part de S. M. ; et je la croy trop pleine de justice pour me taxer d'aucun manquement au respect que je luy doibz si je vous dis que l'intérest des prisonniers qui se font pour mon subject m'empesche de pouvoir changer la résolution que j'ay prise de faire un pareil traictement que celuy qu'ils recevront à tous ceux da party contraire qui sont présentement ou qui pourront cy après tomber en mes mains... A. G. [Minute,)

Bl. LE PRINCE A DUMONT, A LINCHAMP.

Bruxelles, 4 février 1657.

... Dites encore ane fois à M' de la Roque S^ Chamarant qu'il recevra le mesme traictement sans nulle différence que celuy qu'on fera à M' de Chenaille, qu'il en peut escrire à la cour si bon luy semble, ce que je laisse à son choix, ne prétendant pas luy rien commander là dessus, mais seulement luy dire cecy comme par advis, car je serois fasché d'estre obligé de luy faire quelque mauvais traictement avant de l'en avoir adverty, aflBn qu'il y puisse remédier. U ne faut point qu'il croye qu'il n'y ait nul rapport entre luy et M' de Chenaille ; car tant qu'il n'y a point de quartier estably pour les prisonniers de guerre, il n'y a point de différence entre eux et les prisonniers d'estat, tesmoing le traictement qu'on a fait à plusieurs officiers de mes trouppes qu'on a retenu 3 ou 4 ans durant à la Bastille dans des cachots, avec menace de leur faire tous les jours leur procez ... B. N.