MONTLUC, EVEQUE DE VALE^XE, A M. DE CORDES

Toulouse, 20 juin 1566.

Monsieur, j'ay receu la lettre que vous m'avés escript de Laval du 5* du passé, de laquelle je vous mercie. Je suis icy à combatre tous les jours des gens qui sont plus foiz et plus fantasticz que n'est Bûcher Pierre , car il recx)gnoist en sa conscience qu'il est fol. Et ceux-cy sont cent foys le jour en colère

de ce qu'ilz sont trop sages, et vous puis bien asseurer. Monsieur, que sans moy ceste ville estoyt sur le poinct d'estre saccagée, mais, Dieu mercy, il n'y a point eu de mal, de quoy le Roy m'en a sceu fort bon gré et m'en donne la louenge par lettres qu'il m'en a escript. Je ne feray pas long séiour en ce pais, et espère d'arriver à la court à la fin du moys d'aoust.

Monsieur, il y a eu de la folie à Pamyés, où les huguenaudz ont tué beaucop des catholiques, et le demeurant chassé hors de la ville, et tout est venu pour une dance. A Foixles catho^ licques ont faict le semblable.

l'amiral a m. de gordes.

Saint-llaur, 24 juin 1566.

Mons. de Gordes, je vous eusse plus tost faict responce à la lettre que vous mavèz dernièrement escripte , si je me fusse trouvé à propoz quant Ion vous a dépesché où qu'il est allé quelques-ungs par delà, ce que je n'ay peu faire de tant que jestoys à Paris. 11 y a plusieurs particuiaritez que je vousvouldroys bien faire sçavoir, mais nous sommes en ung temps quil ne fait pas bon escripre. Je vous diray seullement quil y a quinze jours quil y eut une alarme en ceste court, à cause de quelque compaignye de gens que Ion disoit estre assemblée à Paris par Monsieur Dandelot, mon frère, et moy, dont il y eut des mareschaulx commys pour sen enquérir et informer. Et croy quilz ne trouveront pas ce que Ion eust bien voulu. Je ne doubte4)oint que vous nen eussiez esté bien adverty. Jefaictz mon comte de séjourner encore quelque temps en ceste court, mais je ne vous puys encore asseurer combien ce sera, car je me gouvemeray selon ce que je verray et au doigd et l'œil. J& vous prieray au demeurant, Mons' de Gordes, de faire entière*ment estât de moy comme de lun de voz meilleurs et plus seurs amys.