Mss. commence

Traité du gouvernement de venise 275

parties, et par les secrétaires a ce députez, ilz le[s] font lire au Conseil en ceste manière : c'est assavoir qu'ilz commancent en une matière, et toutes les oppinions ou parties qui sont mises en escript de ladicte matière sont leues, et aucunes foys il n'y a que une oppinion de tous les Saiges, aucunes foys deux, aucunes foys plussieurs, et peuent avoir autant d'oppinions qu'il y a de Saiges, et encore le Duc, les conseillers et les chefz de Quarante peuent aussi mettre en escript leurs oppinions et parties, comme font les Saiges; et bien souvent aussi ilz proposent leur oppinion a part; mais le plus souvent les Saiges sont ceulx qui proposent lesdictes oppinions et parties. Après, lesdictes oppinions et parties sont disputées, et ceulx qui disputent vont monter en une chaire eminant, laquelle est appellée harengue, affin qu'il soit mieulx ] (f» 42 v") entendu; et chascun dispute et deffend son oppinion et reprouve les oppinions des aultres, et chascun dudit conseil peult aussi disputer en chascune matière et approuver et reprouver les oppinions et parties qui ont esté leues ; et s'ilz veullent proposer quelque chose de nouveau, ilz le peuent faire, mais seullement de bouche, pour ce que, excepté le Duc et les conseillers et chefz de Quarante et les Saiges, nul ne peult proposer par escript aucune oppinion ou partie. Et ausdictes disputacions sont faictes de très excellentes harengues, tant par ceulx du Colliege, que par ceulx du Conseil. Après, lesdictes oppinions et parties sont balottées avec autant de bouettes qu'il y a de parties et puis une aultre bouette en laquelle ceulx qui sont d'oppinion contraire a toutes les parties qui sont balottées mettent leurs balottes, et encores une aultre bouette en laquelle ceulx qui ne veullent estre ne d'une partie ne d'aultre mettent leurs balottes, et ceste dernière bouette s'appelle la bouette de ceulx qui sont indilFerens d'oppinion. En après, les balottes sont nombrées par les conseillers, et l'oppinion ou partie qui a plus de balottes est prinse, c'est assavoir qu'elle est délibérée faire aussy comme se contient | ladicte partie. Toutes foys il(f<'43) fault que les balottes de ladicte oppinion et partie soi[en]t plus que le nombre de la moitié de ceulx qui sont au Conseil ;

276 Al'PKNDIGE l

mais se aucune oppinion ou partie ne monte audit nombre de haloltes de plus ([ue la moitié, les parties seront balottez jusques a Iroys loys ; et se, par lesdictes troys foys nulle oppinion ou partie monte audit nombre de plus que la moitié, la matière est remise en ung autre jour ou les Saiges changent leurs oppinions en ladicte matière et les font rebalotter comme dit est dessus, jusques a tant que la matière soit expédiée; et tel et semblable ordre est observée en toutes les aultres matières qui se traictent audit Conseil de Priés en depeschant l'une après l'autre avec très grant ordre et diligence. Etj quant aux responses qu'il fault faire aux princes ou seigneurs ou ambassadeurs ou a aultres personnes de quoy est parlé dessus, le lendemain que lesdictes responses sont expédiées audit Conseil de Priés, ilz les font venir au Colliege, auquel par le Duc est faict un petit préambule louchant l'expédition desdictes responses, et puis par ung des premiers secrétaires se lisent lesdictes responses de mot a mot comme celles sont délibérées et prinses audit Conseil de (f"43 v°) Priés. I Cela aussi ne doibt point estre obmis que, en d'aucunes causes d'ymportance , les provisions et parties qui sont délibérées au Conseil de Priés sont aussi confermés au Grant Conseil alïîn qu'ilz soient plus fermes, et que au temps advenir ilz ne puissent estre retraictés que par grande difficulté, pour ce que les deliberacions et parties prinses au Conseil de Priés aucunes foys sont retraictées et reformées selon les oppinions de ceulx qui par succession de temps sont au Colliege. Et en ces confirmations qui se font au Grant Conseil est observée de point en point l'ordre de proposer et lire les parties et ainsy de disputer et finablement de balotter, comme se fait au Conseil de Priés. Toutesfoys il y a cette dlfFerance, c'est assavoir que, a proposer une oppinion ou partie au Grant Conseil, il fault qu'ilz soient du moins quatre conseillers qui la proposent; mais, quant elle est proposée, le Duc et les aultres deux conseillers et les troys chefz de Quarante, tous ensemble ou chascun a par soy, peuent proposer des parties en la matière qui a esté proposée par les quatre conseillers, comme dit est dessus, et icelles parties proposées par les aultres sont

TRAITK DU GOUVERNEMENT DE VENISE 'Il I

appellées scontres , et sont balottées | lesdictes parties et (f»4^) scontres ensemble, comme dit est dessus; et au Conseil de Dix est observé semblablement ledit ordre en toutes les matières qui se traictent et proposent, et sont disputées et balottées , comme il est observé au Conseil de Priés et au Grant Conseil, excepté que au Conseil de Dix, pour proposer quelque oppinion ou partie, il faut qu'ilz soient du moins deux chefz dudit conseil ou quatre conseillers, ou ung des chefz avec deux conseillers. Mais, quant l'oppinion et partie est proposée, le Duc et les aultres conseillers, et celuy des chefz qui n'a point proposé ladicte oppinion et partie, peuent tous ensemble ou chascun de par soy mettre le scontre et faire balotter, comme dit est dessus. Il fault aussy entendre que aux causes criminelles les advocateurs du commun peuent aussy proposer des oppinions et parties au Grant Conseil et [au] Conseil de Priés et au conseil de Dix et au Conseil de Quarante criminel, comme il sera déclaré cy après quant on traictera de l'office desdits advocateurs. Et aussy ne doibt estre obmis une chose qui est assez notable, que les matières qui se traictent au Conseil de Priés et au Conseil de Dix, s'il fiuilt qu'ilz soient tenues secrettes, nonobstant que esditz conseils, il y ait grant nombre | de gentilz hommes et (f' 4'i vj secrétaires, comme est dessus declairé, toutesfoys lesdictes matières sont tenues bien secrettes, tellement que jamais ne sont publiées, ne personne n'en peult riens entendre, synon quant la Seigneurie veult qu'elles soient manifestes.

Ds la chancellerie de la Seigneurie de Venise. Cap. xvj.

Par ce que dessus est faicte mention en plussieurs lieux des secrétaires, il est a propos que, devant que je vienne a parler des offices particulières, de dire quel([ue chose de la chancellerie et des secrétaires de la Seigneurie de Venise, laquelle chose est de grande importance au gouvernement de ladicte Seigneurie. En ladicte chancellerie, par les loix et ordres qui ainsi le disposent, a cent secrétaires, c'est assavoir cinquante ordinaires et cinquante extraordinaires, desquelz le premier

278 ArPEM)icE I

et le principiil est nppclé le Grant ciiancellier, lequel, combien qu'il ue soit du nombre des gentilz hommes des Venissiens, toutes loys il est tenu en grand honneur et reverance, tant entre lesdlz gentilz hommes comme entre les aultres gens (f°45) et I liabitans de la cité de Venise. Ledit Grant chancellier entre ordinairement en tous les conseilz et autres lieux ou va le duc de Venise, et les aultres secrétaires sont ordonnez et députez une partie a escripre et a enregistrer ce qui se faict audit Grant Conseil, et une partie a escripre et enregistrer aussy ce que se fait au Conseil de Priés, et semblablement au Conseil de Dix et au Conseil de Quarante, et aussy ce qui est fait au Colliege; lesquelles escriptures et registres sont tenues avec grant ordre ; les minutes des lettres sont enfueillez ensemble; les registres des élections qui sont faitz au Grant Conseil et aussy au Conseil de Priés sont tous séparez ; les registres des loix, des ordres et des aultres choses qui sont délibérées au Grant Conseil sont aussy séparez, et aussy ce que est délibéré au Conseil de Priés et au Conseil de Dix, tout séparé ; les choses qui se tralttent et font secrettement sont enregistrées a part. Lesdiz secrétaires tiennent aussy des coMiMEMORiALLEs OU sout enregistrez tous les traittez de paix et alliance et d'aultre convention qui, par la Seigneurie de Venise est traitté et conclud. Tous lesquelz registres sont (f'iS v) en parchemin bien escriptz et mys par | ordre en telle manière que, sans difficulté, il se treuve par escript tout ce qui a esté fait tout le temps passé, voire de 400 et 500 ans. Après, le Grant chancelier et les secrétaires qui entrent au conseil de Dix, qui sont environ quatre par nombre, sont de plus grande condicion que les aultres. Après, ceulx qui servent au Conseil de Priés, qui sont environ vingt par nombre ; et les dessusdiz vingt servent aussy a la Seigneurie et au Colliege. Toutesfoys chascun d'eulx a son office distraicte a part très bien ordonnée. Du nombre desdiz secrétaires les ungs sont envoyez avecques le capitaine gênerai de mer, avec les proçedadores, qui sont députez a la guerre par mer et par terre, et aussy avec les ambassadeurs et aultres semblables ; et son office est d'escripre les lettres et aultres choses qui

TR\ITÉ DU rrOUVER>EME]NT DE VENISE 279

sont traictées par celiiy avec qui ilz sont envoyez. En ladite chancellerie sont beaucoup qui seullement ne sont pas instruitz en la langue ytalique et latine, mais aussy sont instruitz a la langue grecque et en tout aultre langaige, en telles manières que toutes les lettres qui sont escriptes a ladicte Seigneurie de Venise, en quelque langue que ce soit, sont I leues et interprétées par ceulx de ladicte chancellerie, (f» 46) sans pourchasser aultres gens de dehors. Ledit Grant chancelier est eleu par le Grant Conseil, par le scrutine des conseillers, c'est a dire que chascun des conseillers en élit ung, et tout y est balotté par ceulx du Grant Conseil avec bouettes et balottes comme dit est; et celuy qui a plus de balottes est eleu Grant chancelier, et les aultres secrétaires sont eleuz par le Conseil de Dix. Neantmoins lesdites élections sont laictes par le conseil dudit Grant chancellier, faicte premièrement bonne information de ceulx qui sont eleuz ; et personne n'est eleu s'il n'est natif de la cité de Venise. Le Grant chancelier a de gaiges chascun an troiz cens escuz, et environ douze des aultres secrétaires deux cens escuz chascun an, chascun d'eux. Les aultres ont gaiges moindres, chascun selon leur condition. Lesdiz secrétaires ont ungf aultre prouffit, c'est assavoir que tous ceulx qui obtiennent des privileiges ou concessions de grâce, des lettres ou aultres semblables choses qui sont expédiées par ladicte chancellerie, pavent pour ladicte expédition certaine somme d'argent ordonnée par les loix et ordre de ladicte chancellerie, et ce payement | monte chascun an grant somme d'argent, lesquelz (f» ',f, v») argens sont mis en ung coffre a part, et est party entre le Chancelier et les aultres de ladicte chancellerie selon la porcion de leurs gaiges ; et ceulx qui obtiennent lesdiz privileiges et aultres choses dessusdictes payent pour le seel, qui est de plomb, 16 deniers ou environ, mais si ladicte bulle est d'argent ou d'or, ilz en payent plus, selon la valleur de ladiete bulle ; et celuy qui tient ledit seel ou bulle gaigne chascun an pour ledit office environ 400 escus ; et est esleu [par] le duc de Venise et demeure audit office toute sa vie. Et par ce que dessus est faicte mention de bulles d'or, d'argenl et de

2S() API'KMilCK I

|)l(nul), est assavoir que toutes les lettres qui sont escriptes au nom du duc de Venise, toutes sont escriptes en parchemin, et le seel d'icelles est de l'un des dessusdiz metaulx, mais quasi tontes en plomb ; et d'une part dudit seel est gravé monseiiineur saint Maïc en forme de homme, et le Duc devant luv, et d'anltre costé est escript le nom du Duc et ces parolles en latin : Sehastianus Ziuni, Dei i^rdtia dii.v Venetiarci/ti, etc., ([ui est a dire « Sébastian Zien, par la grâce de Dieu duc de (fo 47) Venise, etc. ». Et affin que | lesdiz secrétaires, mesmement les jeunes, avent cause de eulx faire doctes et bons clers, la Seigneurie tient ung grant clerc lequel tous les jours lit ausdiz secrétaires diverses leçons en grammaii-e et rethoricque, et ledit clerc a de gaiges de ladicte Seigneurie troys cens escus chascun an, et y en a aus.si d'aultres clercs et docteurs payez de ladicte Seigneurie, lesquelz lysent tous les jours a diverses heures en gramayre et rethorique, et aussy en logique et philosophie et en aultres ars liberaulx et sciences jusques a théologie ; et celuy qui a plus petis gaiges a deux cens escus, chascun an, mais la plus grant partie desdits docteurs a troys cens escus chascun an.

Des juges de forestier et de leur offiee. Cap. xxix,

(l'o 76) Il y ^ u"g aultre ofllce auquel il y a troys gentilz hommes qui sont appeliez juges dk fouestiers, l'office desquelz est a juger toutes les causes des forains, c'est assavoir, se aulcun prétend avoir quelque chose de quelque ung estrangler, il est fait adjourner et font son procès audit office; et procèdent lesdiz officiers par demandes et responses et aultres actes judiciaires jusques a la fin de la sentence, comme dessus est dit des aultres juges, et sont esleuz par le Grant Conseil par ([uatre mains d'élection, et demeurent 16 movs audit office, et ont huvt movs de contumace, et gaignent environ 400 escuz pour chascun d'iceulx par ledit temps de 16 moys; et le lieu de la résidence de son office est au palays, et tyennent

THAITK DU GOl VKR>'I:MENT DK VENISE

ledit office tous les | jours au matin, et ont des notaires et (f- 76 v) aultres officiers, comme il est dit des aultres juges.

])es banquiers (Vescriptcs. Cap. xxxij. (f" 78)

Et pour dire quelque chose des banquiers [d']escriptes, desquelz est faicte mencion au chapitre précédant, et est chose de grande importance a la cité de Venise, il est assavoir que les banquiers dessusdiz sont communément troys ou quatre, et ont en leur banque très grant somme d'argent de particulières personnes, lequel argent est laissé a demourer a ladicte banque, seullement pour la commodité d'iceulx a qui apartient ledit argent et sans point de gaing d'iceulx; lesquelz gens a qui est ledit ai'gent sont marchans la plus grant part, et, selon ce qu'ilz achatent ou vendent quelque marchandise ou qu'ilz font aultre contract ou il advient' quelque pavement ou desboursement d'argent, ilz Ibnt ledit payement ou desboursement d'argent ausdictes banques, et pour la plus grant part sans aucune numeracion d'argent, mais seullement en escript, c'est assavoir que lesdiz banquiers ou ilz ont aucuns créditeurs en leurs livres ] et comptes, si lesdiz cre- (•" "8 v") diteurs veullent distribuer et bailler leurdit argent a quelque ung, lesdiz banquiers, escripvent en leurs livres par façon que celuy qui doit avoir l'argent demeure créditeur de ladicte banque et l'aultre est acquicté par la somme qu'il a distribuée; et lesdits livres sont tenuz en très grant et très bel ordre, et leur^ est badlé planiere et certaine foy, comme s'ilz estoient faitz par main de quelque grant et auctentique notaire, ne jamais ou temps passé, il [n'] ait été trouvé ausdiz livres point de tromperie ne de faulceté. Et pour ceste cause plussieurs marchans qui tout le jour achatent et vendent leurs marchandises pour le pris de grant argent, affin qu'ilz n'ayent point de payne tout le jour de nombrer leur argent pour faire ledit paiement, et après, pour n'avoir pas la payne de