DU 31 JANVIER 1564 ORIGINAL. — INÉDIT

Liasse LVI des Papiers d'État et de l'Audience restitués par

l'Autriche en 1862.

Madame, j'ay à mon arrivée en ceste ville, pour le premier et principal point de la résolution de Vostre Altèze, mandé devers moy, en présence de Mess" les conseilliers, aulduns personnaiges que j'entendois estre ydoines et qualliffiez pour, avecq le prévost le comte et celluy de ceste dicte ville, présent et advenir selon le renouvellement de la Loy, estre du conseil nouveau que Vostre dicte Altèze est résolue d^ériger suyvant la commission de ranXLIIII, pour avoir la cognoissauce, appréhension et judicature de ceulx qui contreviendront aux placcartz et ordonnances du Roy publyées sur le fait de la religion *. Tellement que après avoir oy les excuses de pluisieurs et les raisons aulcunement militantes en leur endroict, j'ay finablement trouvé deux bons personnaiges, gens de bien, de bonne vye et réputation, dont Tung se nomme Jehan Delcambe, et Taultre Samzon Villain, procureur du Roy et greffier dudict prévost le

* Voir, pour cette piôce, le n^ 133i)U de notre deuxième volume.

Il s*agit, on le voit, de donner une réglementation plus forte à la commission inquisitoriale et locale, qui avait été constituée pour la deuxième fois le 2 août 1562, mais qui ne fonctionnait plus guère depuis la mort de M^^ Jehan Hayne.

186 HtSTOIBB DBS TB0UBLB8

conte ^; mais comme en négociant sur ce point Ton a trouvé que, oultre et pardessus lesdicts commis, il y avoit suivant ladicte commission de Tan XLIIII ung semoneur ou caleng^ur, qui estoit le prévost-Ie-conte *, n'estant icelluy prévost lors audict conseil en qualité de juge, comme Ton entend le mectre maintenant, semble que présentement en ceste commission ledict Samzon Villain, qui est procureur de Sa Ma^, pourroit faire ledict office comm* il fait pardevantceulx de ladicte ville, et, en ce cas, ne trouverois hors de propos de choisir ou lieu dudict Samzon ung maistre Laurens Daco, tenant TescoUe de Tabbaye de S* Jehan, que je cognois personnaige bien ydoine et qualiffié à la déserviture de semblable office, et où que Vostre dicte Âltèze ne trouveroit requis de faire aulcune semonce aux criminelz, et que les juges pourroyent suppler à ce debvoir, attendu que ladicte commission dudict an XLIIII porte que lesdicts commis procéderont sommièrement et sans figure de procès ny observer aulcun train ou stil de procéder accoustumé, ledict Samzon me semble estre Tung des plus ydoines que j*ay sçeu trouver, combien quHl ait fort insisté de povoir estre excusé, alléguant pluisieurs raisons et meismes la cause de son indisposition, aussi que au respect de pluisieurs affaires et entremises qu'il a des particuliers S", avecq ses estatz de procureur de Sadicte Ma** et greffier dudict prévost-le-conte, il n'y pourroit bonnement entendre, s'estant toutesfois à la fin remis à ce que plaira à Vostre dicte Altèze lui commander» comme ont aussi fait les aultres après pluisieurs excuses et en estans grandement pressez.

* Sampson Villain fut un des membres de la commission extraordinaire, qui fût établie après le siège de 1567 et inonda Valeneiennes de sang.

2 Un membre qui donnait les conclusions et se portait demandeur dans les poursuites.

DB VALBNOIBNNES 187

Et, comme ceste négociation est traictée en présence du S' de te Thieuloye, auquel j'ay fait la remonstrance que me sembloit convenir à cest effect, il s'est finablement du tout excusé, disant que ses affaires dès maintenant ne comportoyent de se povoir assubjectir comme du passé, requérant ledict estât de commis continuelle présence, aussi que le Prévost-le-conte n*estoit dénommé en la commission dudict an XLIIII, dont suis esté certes le très-mary S pour la desréputation que je vois apparente audict conseil, lorsqu*on verra que ledict S' de la Thieuloye, qui a esté en la précédente commission, n'y sera pour Pheure comprins, y joinct que, en Tabsence des conseilliers que Vostre dicte Altèze entend y dénommer seuUement pour ung temps, le prévost de la ville qui se change et renouvelle d*an en an vouldra présider et estre le chief sur les aultres, ce que je trouverois de mauvaise conséquence, et il importe de beaucop que ledict conseil soit conduyt par auctorité, laquelle se trouve plus audict prévost-le-conte que aux aultres.

Et, quant au traictement desdicts commis, aulcuns trouvent estrange qu'ilz n'auront aucun sallaire, ains que après avoir servy UDg demy an, ilz seront en paine et pourchas pour leurs deniers, et aussi Vostre Altèze sçait la difficulté qu'il y a en finances, quant on demande argent. Parquoy me sembleroit et ausdicts conseilliers (à correction), que Vostre dicte Altèze feroit bien de doiz -maintenant désigner ce que chascun debvroit avoir selon sa qualité, et ce à charge de ceulx de la ville, en diminution de ce que Vostre dicte Altèze leur a demandé pour le payement des gens de guerre y estans, puisque c'est pour leur propre bien et repos.

Et semble qu'on pourroit ordonner au Prévost-le-conte * deux cens florins, au Prévost de la ville cent florins, à

1 Très affligé.

188 HISTOIBK DB8 TROUBLES

chascun des aultres commis. deux cens florins, et au greffier deux cens semblables florins par an. Je ne suis encoires esté après pour ledict gpreffier, mais comm* il y^ a icy assez d'estoffe, me faiz fort d*en avoir ung touttes et quantes fois qu'il sera requiz.

D'aultre part, Madame, j*ay proposé & ceulx de ceste ville aulcuns poinctz suy vant ma charge, et meismes sur Texhibition de leurs privilèges et enseignemens dont ilz se veuillent ayder, mais comme sur iceulxjen'ay encoires leur responce, je réserveray d'en advertir Vostre dicte Altèze par mes premières.

Et comme aulcuns soldatz de Tune des compaignyes estans en ceste ville ayent prins quelques livres deffenduz, desquelz ilz trouvarent chargé certain homme venant de Tournay vers ceste dicte ville, je n'ay vouUu laisser de joindre icy le cathalogue, ensemble ung desdicts livres intitulé la cincquiesme partie du receuil des martyres, et Tinformation sur ce tenue par lesdicts conseilliers, par laquelle Vostre Altèze verra ce qu'en est passé.

A tant, Madame, baiseray les mains de Vostre Altèze, pryant au Créateur maintenir icelle en bonne prospérité et longue vye.

De Valenciennes, le dernier de janvier 1563 '.

De Vostre Altèze, Très-humble et obéissant serviteur,

JaN de BERaHBS.

DB YALBNCIBNMBS 189