N^64 LA GOUVERNANTE AU ROI

MINUTE. — INÉDIT Papiers d'État et de TAudience. — Liasse 100.

Monseigneur, Vostre Majesté pourra se

souvenir, (s'il luy playse), comment sur le besoing que, au commencement du dernier trouble en la ville de Vallenchiennes, se trouvoit de lever quelques six enseignes de gens de guerre, il fuîst advîsé que, pour ceste charge, le S'' de Blonde! estoit fort à propos, et cestes, si tost que luy eu fust parlé, s'y employa avec la promptitude que tousjours il s'est laissé trouver en choses concernant vostre service, mais Vostre Majesté pourra aussi réduyre en mémoire comment, ayant led^ Blondel déjà quasi levé

DB VALBNCIENNES 329

tous lesd. gens, se meit difficulté au faict de ceste charge, de façoa qu elle n eust progrès, ains, s'accommodant led^ Blondel aux occurrences de alors, fust très content de postposer son particulier à ce que se disoit lors convenir pour vostre service, non sans son notable intérest, se présentant et offrant à ce que pourroit occurrir pour le service de Vostre Majesté,; et mesmes sur ce que s'est bruit par deçà qu'icelle faisoit lever gens pour Afrique, aiant du temps de feu l'empereur, (que Dieu ait en gloire), servi en la mesme contrée sur la mer, il est venu s'offrir de s'y trouver. Mais comme je doubtois si, le recommandant à ceulx ausquelz Yostre Majesté a commis cette charge, pour ne leur estre cogneu, il seroit celle part respecté conforme au mérite de ses services précédens, m'ayant semblé et luy dict qu'il feroit myeulx d'attendre aultre occasion, il s'y est volontiers acquiescé. Ce que, Monseigneur, j'ay bien voullu représenter à Vostre Majesté, pour à icelle faire cognoistre la bonne affection et volunté dud' Blondel à vostre service, laquelle lui est grandement accreue, aiant entendu par aulcuns ses amis le compte que Vostre Majesté a tenu de luy, à laquelle, à la pryère dud^ Blondel, je n'ay sçeu délaisser de le recommander autant que puys par ce mot, et la supplier le voùlloir tenir en favorable recommandation et souvenance, pour employer ceste sienne bonne affection et volonté, s'en offrant occasion. Et, en oultre, puisque pardeça il y a si peu de moyens de récompenser gens de service et qualité, et que, pardelà, se offrent à Vostre Majesté journellement plusieurs occasions de recognoistre ses bons serviteurs, du nombre desquelz eestuy mérite d'estre compté et tenu, qu'icelle Vostre Majesté soit servie d'avoir mémoire de luy, et luy faire sentir, venant & propos le guerdon qu'il mérite.

Et, pour fin de ceste, je me recommanderay très humblement & vostre bonne grâce, et pryerai le Créateur

830 HISTOIRE OBS TBOUBLBS

donner, Monseigneur, à Vostre Majesté très bonne et longue rye.

De Bruxelles, le xyiii«"« jour de juing 1564.

(Sans signature.)

En marge de la main du secrétaire : f Et puys bien € asseurer Vostre d. Majesté que la mercède qu'elle lui € fera, il Temployera au service d'icelle. •

Et au bas : au Roy, pour Blondel.