DU 17 SEPTEMBRE
ORIGINAL. — INÉDIT Correspoadance de Hainaut et Cambrai, t. V^is ^ P 11
Madamme, & la Grâce de Yostre Altèze très humblement prions estre recommandez ;
Madamme, nous avons reçeu les dernières lettres qu'il a pleut à Vostre Altèze nous envoïer, affin d'examiner et presser de près Jacques Lestarcquy, nostre prisonnier, touchant rassemblée faicte en sa maison, et avérer pour le moins ceulx quy sont allé quérir à Homaing Tinsensé, comme plus amplement est contenu par icelles dactées du XVIIP jour du mois d'aoust dernier. Obéissans à vostre commandement et désyre y contenu, nous avons envoïé quérir audict Homaing les tesmoings ci-devant oïz sur cest affaire, et les deux aultres quy n avoient esté oïz en la première information pour cause de leure absence Ihors ; lesquelz, au plus tost que nous a esté possible les avoir, nous avons recollé et oy, meismes leurs monstre ledict Lestarcquy et Jehan Godon, noz prisonniers, pour sçavoir s ilz n'auroient esté quérir
1 La copie, avec quelques variantes, est au registre 191^*3^ fo 21.
audict Hornaing Tinsensé, ou ledict Godon esté avecque les aultres en ladicte assemblée. Davantaige nous avons de rechief interroghuié ledict Lestarcquy, et le mené au lieu extraordinaire, le lié et mis pierres aux jambes, et tellement apresté et pressé qull ne restoit que le thirer ; lequel, non obstant ce, auroit persisté en sa responce et dénié en cognoistre aulcuns, comme, de tout ce, porra apparroir par la copie desdicts debvoirs cy-joincte et enclose. Voïans laquelle constance dudict Lestarcquy, et que, par le recollement desdicts tesmoings de Hornaing, se trouvoit que la femme de nostredict prisonnier à leure venue leur auroit déclaré son marry estre absent, et ignorant de leure dicte venue, ne l'avons thiré et torturé. Quant à Simon Fauveau, dénommé par les dépositions desdicts testmoings d'avoir esté audict Hornaing, et aultres qu'avons heu conjecture y avoir esté, ne les avons peu présentement interroghuier ny confronter, pour cause de leure absence de ceste ville jusques ores ; n'aïans aussy sçeu cognoistre tîeulx désignez par signes par la déposition desdicts testmoings. Et avons en ce faict tel debvoir, pour le tout avérer, que nous est possible. Partant, nous envoions à Vostre Altèze nostre dernière besoingnié par M' Franchois d'Oultreman, nostre greffier et pentionaire, affîn de poursuivre ordonnance sur ce, et ce qu'il plaist à Vostre Altèze estre faict dlceulx noz deux prisonniers; supplians Vostre Altèze prendre de bonne parte le debvoir par nous en ce faict. Madamme, nous prions le Créateur tenir Vostre Altèze en sa saincte garde. De Vallenchiennes, ce XVII® de septembre 1561.
Les voz três-humbles et obéissàns serviteurs, Prévost, jurez et eschevins dk la ville de
Vallenchiennes.
Suscrîption : A Madamme Madamme la ducesse de Parme et Plaisance, etc., régente et gouvernante, etc.
