N" 28 LE MAGISTRAT AU MARQUIS DE BEBGHES

Correspondance de Hainaut et Cambrai, t. VWs, fo 95

»otgt;o«^

Hault et puissant seigneur, à la grâce de Vostre Seigneurie très-humbleraenl prions estre recommandez.

Hault et puissant seigneur, suivant que Vostre Seigneurie, à vostre dernier parlement de ceste ville, nous auroit recommandé le faict de la religion et empeschier les assemblées quy se faisoient es bois voisins, et cognoissans que la jurisdiction de ceste ville ne s'extendoit si avant, nous avons faict faire advertence par les connestables et les dizeniers aux bourgois et manans, soub leures connestableries et dizaines, affin d'eulx déporter d'aller esdicts bois ; aussy porter soing que leurs enffan3 ny ceulx de leure famille ny s'y trœuvent, leurs donnans à cognoistre icelles assemblées estre dépendues, desplaisantes t\ La Majesté et de forte dangereuse conséquence. Comme de ce et aultres noz dobvoirs Vostre Seigneurie a estée plus amplement advertie par M® Franchois d'Oultreman, Tung de noz pentionairs etgrefSlers. Non obstans lesquelz debvoirs néantmoins, lesdictes assemblées ne

252 HISTOIRE DBS TBOUBLBS

cessent, mais, comme nous entendons, s'augmentent de gens de diverse sorte des yilles et villaiges : ce que nous a semblé estre requis en advertirVostre Seigneurie.

Hault et puissant seigneur, nous prions le Créateur tenir Yostre Seigneurie en sa saincte garde.

De Yallenchiennes, ce vii« de may MD^'LXIII.

Davantaige, selon que Yostre Seigneurie a requis, nous vous envolons la copie du procès de Jehan de Hollande, dit mons' de Lesguille, nostre prisonnier * .

Les voz humbles serviteurs,

Prévost, jurez et eschevins de la ville de Yallenchiennes.

Suscription : A hault et puissant Seigneur Monseigneur mons' le marquis de Berghes, Chevalier de V Ordre, etc.

1 On a vu par la lettre de la ThieuUoye à la Gouvernante, en date du 4 mai, que le Marquis avait défendu qu*on poussât plus avant le procès de Tespion Jean de Hollande.