U DUCHESSE DE PARME AU PRÉVOT-LE-COMTE

MINUTE. — INÉDIT Liasse 56^ de la restitution autrichienne

Très chier et bien amé, pour donner responce à voz lettres du dernier du précédent, nous vous advertisséns qu'avons, par advis du conseil de Sa Ma**, ordonné bien expressément à deulx de Yallenciennes de ne faire empeschement à Tarchevesque de Cambray de recevoir l'abjuration que Daniel Dubois et Martin Maillard doibvent faire de leurs erreurs, comme escripvons aussy plus particuUièrement audict S' de Cambray.

Au regard de ce que avez commenché traiter avec les lieutenans des gens de cheval ayans tenu garnison en Yallenciennes pour le faict de deux pattars par chascun cheval, ce me viendra à plaisir que vous l'achevez avec eulx, en accordant les choses selon que vous avons requis par noz précédentes.

Quant est du payement des gens de pied pour les deux mois à eulx deubz, avons faict mectre un mémoire aux finances, affin qu'il soit incontinent advisé de leur dict ^payement, en quoy il n'y aura faulte, ce que leur pourrez faire entendre.

Et au regard de vostre payement, nous donnerons charge semblablement à ceulx des finances d'y pourveoir comme la raison voeult, vous recommandant au surplus tous les affaires selon la confidence qu'avons en vous et la vigilance dont usez, qui nous donne contentement et espérance que les choses iront méliorant.

Qui sera pour la fin, etc.

Au S^ de la Thieuloye.