VIII. — HENRI III

Aux Maire et Echevins de la ville de Bourges. De par le Roy.

Chers et bien amez , nous avons reçeu vos dernières par ce porteur l'un de vos concitoyens et eschevins sur l'occasion de la charge et eslection de Maire de vostre ville dont nous désirons que vous feissiez eslection de trois capables d'icelle charge pour par nous estre ordonné et arresté celuy que voudrions y demeurer. A quoy néanmoins n'avez salisfaict ny suivy nostre susdite intencion , chose dont n'avons eu occasion d estre contaus. Toutes fois considérant comme il nous a esté humblement remonstré qu'il n'y a eu auculne faulte de vostre bonne volonté en cest endroict , mais que en eslisant nostre cher et bien amé Jacques Gassot , sieur de Deffends luy seul pour lad. charge de Maire , vous avez estimé et cogneu faire bonne et convenable eslection, nous avons pensé vous satisfaire et accorder queled. Gassot demeure Maire. Nous le renverrons bientost par de là , et selon que y escherra vous faire scavoir nostre voulloir et intencion pour le bien de nos affaires et services , vous le scaurez par luy. Cependant continuez à estre soigneux de vostre ville et pourvoyez que tout se porte bien. Escrit à Paris , le ii« jour d aoust 1575.

Henry, de Necfvillb.