EN
Cy après ensuient la composicion faite par nous Colart Destouteville chevallier seigneur de Torchy conseillier du roy nostre sire et capitaine du chastel Darques par vertu des lectres du dit seigneur pour le fait du motage deu audit chastel avec les raeiinans et habistans des villes et parroisses de la dicte chaslellerie lequel motage iceulx habistans doivent de sept ans en sept ans la dicte composicion faite du consentement diceulx mennans et habistans en la présence de Jaques le Rennoisie viconte darques cest assavoir nombre des feux pour chacune paroisse a chacun feu tauxe a dix sols tournois pour le temps dessus dit selon ce et par la manière qu'il est contenu et desclairie en ce rolle cy après et les sommes des dictes compositions par nous bailliez a recepvoir audit viconte pour estre emploiees es repparacions dudit chastel selon ce et par la manière que par nous a este devise apellez a ce les maistresdes œuvres et autres ouvriers desquelles lectres du roy nostre dit seigneur la teneur ensuit.
Charles par la grâce de Dieu roy de France a notre amc et féal chevalier et chambellan le sire de Torchy capitaine et
PIECES JUSTIFICATIVES
chastellain de nostre chastel darques salut et dilleetion II «>t venu a nostre congnoissance que le* habistans de la chapellerie qui ou temps passe ont acoustume et sont tenus de faire de sept ans en sept ans le motage du dit chastel nonl aucunement fait le dit motage depuis quatorze ans ença pour ce que len ne les y a aucunement contrains durant le dit temps pour cause de longues trêves qui ont este entre nous et nostre adversaire dEngletcrre ou aultremeut pour quoy nous vous mandons et commandons se mestier est que tous les habistans de la dicte chastel lerie et autres qui sont tenus a faire ledit motage vous contrangnies et fêtes contraindre sans delay par toutes \oie> deues et raisonnables et ainsy quil est acoustume a faire le dit motage ainsy que tenus y sont et quil est acoustume dancienneté et toutesvoies en cas que ilz vouldroient composer a paier pour ce aucune somme de deniers qui vous semblast estre raisonnable et suffisant nous voulions et consentons que a ce les receves et que les deniers de la dicte composicion vous fêtes recevoir par nostre viconte d Arques et pour iceulx estre convertis ou prouffit repparacions et empiremens de nostre dit chastel ainsy que vous verrez que sera miex et plus nécessaire estre fait. Et nous mandons aussy au dit viconte que les deniers de ce reçoive et iceulx convertisse au prouffit de nostre dit chastel selon vostre ordonnance advis et regart et non aultre part sur peine destre recouvre sur lui tout ce quil auroil converti aultre part et ce qui par vostre ordonnance sera par lui paie et emploie ou prouffit dessus dit nous voulions estre aloiie es comptes du dit nostre viconte par nos âmes et feaolx
gens de nos comptes a Paris en une fois vidymus de ces
présentes soulz seel royal et certifficacions de vous des
poieroens quil aura sur ce fais de ce faire vous mandons
a tous nos justiciers et officiers que a vous et a vos cotnmi* et députez en ce faisant obéissent et entendent diligemment. Donne a Rouen le dix septième jour de novembre lan de grâce
mil c.cc un** et xix et le vingtième de nostre règne. Ainsy signe par le roy a la relaciun de son grant conseil euquel vous le patriarche dalixandrie mons. Almaury dorgemont el autres estiez.
