QUITTANCE DU MÊME

QO décembre 1367.

Sachent tous que nous Jehan Stokez , chevalier englois, avons eu et receu de Jehan Bloville , recepveur de Valoignes pour mons. le roy de Navarre , la somme de trois cens frans d'or , pour certaine pencion que je preng par an du roy mon dit seigneur , lesqueilx trois cens frans m'estoient deubs de ceste Saint Michiel derrenièrement passée , de laqueille somme de trois cens frans dessus dis je quitte le roy, etc. Donné à Saint Sauveur , soulx nostre séel, le xx*

jour de décembre, l'an mil cccLxvir.

(Orig. à la Bibl. Imp., Cabinet des titres, 1'* série des originaux, au mot Stoke.)

107. LETTRE DE GUILLAUME DU MERLE, DANS LAQUELLE IL EST QUESTION DE DEUX SEIGNEURS ENYOYÉS PAR CHARLES V A SAINT-SAUVEUR.

QO juillet 1368.

Guillaume du Merle, sire de Messy, cappitaine général de par le roy nostre sire és bailliages de Caen et de Costentin , à nostre amé Renier le Coutelier, clerc du roy nostre dit seigneur et son viconte de Baieux, receveur général ou dit país des aides ordennés pour la redemption de feu le roy Jehan nostre sire derreniérement trespassé , dont Dieux ait l'ame, salut. Nous vous mandons que vous paiez et delivrez à Loys de Chaumontel, escuier, pour estre allé de Baieux à Saint Lo, du commandement de sire Aymar Bourgoise, trésorier de France, porter le double de deux lettres closes

Eee, qui avoient esté prinses sur un messager de mons. Charlles d'Artoiz , qui touchoient grandement l'estat du roy, à mons. de Vynay et mons. Pierre de Villers, qui aloient à Saint Sauveur le Viconte, du commandement du roy, par devers mons. Jehan de Chandos, affin que sur ycelles lettrez ilz eussent advis, la sommede trente soulz tournois... Donné à Caen, soux nostre seel , le xx* jour de juillet , l'an

mil cccrLx vin. (Orig. àla Bibl. Imp., Cabinet des titres, 1'* série des originaux,

au mot Chaumontel. )

108. MANDEMENT DU MÊME RELATIF A UNE RANCON QUE RÉ- CLAMAIT JEAN DE CHANDOS.

24 &oüt 1368.

Guillaume du Merle, sire de Messy , cappitaine général de par le roy nostre sire ou pais de Normendie par deca la rivière de Saine , à nostre amé Renier le Coutelier, clerc du roy nostre dit seigneur et son viconte à Daieux , receveur général ou pais dessus dict des aides ordenés pour la rédemption du roy Jehan derrain trespassé, dont Dieux ait l'àme | et pour le fait de la guerre , salut. Nous vous mandons que, tantost et sanz aucun délai, vous baillez et delivrez à Pierres le Beuf trois franz d'or, pour porter lettres closes de Caen à Paris, par devers le roy, faisant mencion de unes lettres que missire Jehan de Chandoz avoit envoiés à mons. Henry de Thieville, que le pais se aranconnast , affin que le roy nostre dit seigneur ordenast sur ce son bon plaisir.... Donné à Caen, soux nostre séel, le xxnu° jour d'aoust, l'an de grace mil