CERTIFICAT DE MATHIEU DE VARENNES, CAPITAINE DE SAINT-SAUVEUR
QO octobre 1381.
Je Mahiet de Varannes , cappitaine de Saint Sauveur le Viconte , sertiffye à tous à qui il appartendra que le xui jours d'octobre , l'an quatre vins etung , il chat deux travées de la maison séante ou petit chastel de Saint Sauveur , pour ce que elle portoit d'un des costés sur la douve des focés d'entre le grant chastel et le petit, et la dicte douve ly foy. En laquelle maison estoient les besons en tonniaux et en queues, desquelz besons il en ot effondrés douze tonniaux , treize queues , et n'an porent estre recuillis de bon que dix tonniaux , et fut le remenant tout perdu. Et ce sertify par ces présentes , sellées de mon propre seel, mis en ces presentes lettres , le xx* jours d'octobre , l'an dessus dit.
( Original à la Bibl. Imp., Cabinet des titres, 2* série des originaux, au mot Varannes.)
232. LETTRES DE CHARLES VI CONSTATANT QUE LE VEXIN FRANÇAIS AVAIT CONTRIBUÉ AUX DÉPENSES DU FAIT DE SAINT-SAUVEUR.
Q1 juin 1382.
Charles, par la grace de Dieu roy de France, à tous ceux qui ces presentes lettres verront, salut. Les nobles [et] bourgeois du país du Vexin le Francois nous ont humblement supplié, comme, de s(i] long temps qu'il n'est mémoire du
contraire , ils soient et aient esté tous jours tenus pour François, et en toutes les assemblées qui faites ont esté pour le fait de la guerre et pour la defence de nostre royaumeappellez à contribuez aux aydes qui pour les causes dessus dites ont esté ordonnées lever comme François , sans aucunement estre comprins avec ceux de la duché de Normandie , excepté depuis huict ans en ca, ou environ, qu'ils ont contribué aux fraiz et missions qu'il a convenu faireau pais de Normandie pour le rachapt du fort de Saint Sauveur (1) le Viconte , pour le siège de Cherbourg , pour l'abatement des forteresses que le roy de Navarre avoit au dit pais , efc....... Donné à Mellun, le xxi* jour de juin, l'an de grace mil ccc quatre vinset deus, et le second de nostre règne.
(Recueil des ordonnances, V1,659.)
933. VENTE FAITE A CHARLES VI PAR LOUIS DE HARCOURT DES DROITS QUE CE SEIGNEUR POUVAIT AVOIR SUR LE DO- MAINE DE SAINT-SAUVEUR.
18 janvier 1384.
A tous ceuls qui ces lettres verront , Audoyn Chauveron , chevalier, conseiller du roy nostre seigneur et garde de la prévosté de Paris, salut. Savoir faison que , par devant Jehan Fourgaut et Pierre de Montigny, notaires du roy nostre dit seigneur ou chastelet de Paris,..... noble et puissant homme monseigneur Loys de Harecourt, viconte de Chasteauleraut , chevalier, affirma..... que , comme par certain
(4) L'édition porte « Saint Damien. »
traictié efc (1)... Depuis lesquels accort, octroy et convenances....., et aussi que les diz chastel et ville de Saint Sauveur furent mis en l'obéissance du roy Charles nostre seigneur deirainement trespassé , comme il sont en l'obéissance du roy nostre seigneur qui est à présent , eust et ait acordé au roy nostre seigneur , qui à présent est, qu'il eust et ait tout le droit que icelui viconte avoit, povoit et devoit avoir és diz chastel, ville, appartenances et revenues de Saint Sauveur le Viconte....., pour la somme de.vint mile frans d'or une foiz, que le roy nostre dit seigneur, qui est à présent , lui acorda faire paier , et parce lui eust octroyé et acordé à lui en faire vente, cession, transport et delessement perpétuelment ; pour ce, icelui monsieur Loys de Harecourt , viconte de Chasteauleraut ,... .. recognut et confessa par devant les diz notaires lui, sanz fraude ou decepcion quelconque , avoir vendu..... au roy, nostre dit seigneur , pour lui, ses hoirs, ses successeurs ou ayans cause , tout le droit, raison et seigneurie qu'il avoit, povoit et devoit avoir... ès diz chastel, ville, revenues , appartenances et appendances quelconques du dit lieu de Saint Sauveur le Viconte...Ce fut fait et passé lelundi dix huit jours du mois de
janvier , l'an de grace mil trois cenz quatre vinz et trois. (Oriz. aux Arch. de l'Emp., J. 211, n. 58.)
