CAPITULATION DU CHATEAU DE SAINT-SAUVEUR

Q5 mars 1418.

Cy enssuyt le poyntement dit, traictié et accordé le xxv*

e jour de mars, l'an mil cccc et dix huit, par entre nous Johan de Robessart et Guillaume de Beauchamp, chivalers, commis par le trés hault et puissant prince nostre trés

redoubté seigneur le duc de Gloucestre, d'une part, et d'autre part noble homme mons. Robert de Fréville , chivaler et capitaine du chastel de Seint Sauveur le Visconte. Est dit, traictié, promis et accordé, tant de l'une part comme de l'autre, par le fourme et manére qui ensuyt :

Primérement est dit et accordé que le dessus dit mons. Robert de Fréville, chivaler, par le consentement de touz les chivalers et escuiers de sa ditte garnisoun et fortresse , que il rendra és mains de nostre trés redoubté seigneur le duc de Gloucestre, ou és mains de ses commis , le dessus diz chastel et fortresse de Seint Sauveur le Visconte , nostre dit seigneur à le recevoir, pour et en nom du roy son souverain seigneur et frère, sur laquelle rendue notre dit trés redoubté seigneur y ferra mettre tiel garnisoun ou dit chastel et fortresse come il lui plaira.

Et quant est du terme et de jour de la dite rendue, mons. Robert de Fréville, chivaler et capitaine du dit lieu lui soubmettra d'icellui jour et terme à la grace, volenté et boun plaisir du roy nostre souverain seigneur et de nostre dit trés redoubté seigneur le duc de Gloucestre.

Item est dit , traittié et accordé que le dessus dit capitaine, les chivalers et escuiers de la ditte garnison qi s'en voudront partier le jour de la rendue de la ditte fortresse, partiront franchement, lour corps saufs, avecques lour chevaulx, armures et tous lour autres biens propres queconques, hors mys lour artielerie et les autres armures que proprement sont ordonnez pour l'esteuf , défense et sauf garde du dit lieu, duquelleartielerie le dessus dit capitaine promettra, sour sa foye et honnour, que entre cy et l'eur de la rendue n'en serra fait ne souffre estre fait nullz bruilleries , romperies, transportementz ne autre distruction queconques. Et sv est entendu que les dites artieleries (1) sont arcs, flèches,

(1) Ici s'arréte le fragment de cette piece qui a été publié dans Rymer , edition de Londres, 1709, IX, 563.

arbalestres, viretons, baudoux et autres abillementz pour arbalestres, canons, poudres et tout autre manére de trait et abillementz de guerre , qui présentement sont et ont esté ordennez pour la saufgarde du dit chastel et fortresse de Seint Sauveur le Visconte.

ltem est dit, traictié et accordé que les vivres qi sont eu dit chastell demoureront le jour de la dite rendue en la dessus dite forteresse, et ovecque ce promettra le dit mons. Robert de Fréville, chivaler, comme dessus, que d'icelles ne sera fait ne souffert estre fait entre cy et le jour de la rendue transportement ne autre distruction queconque, més en useront les dessus dits d'iceulx vivres raisonablement et comme ils fesoient 'et souloient faire au devaunt de ceste presente composition.

Item soit tenuz le dessus dit cappitaine mons. Robert de Fréville , chivaler, de faire assembler en une seule maisoun, dedens la ditte fortresse , encontre l'eure de la rendue , tout l'artielerie d'icelle. |

Item pareillement est dit et accordé que les dames et damoiselles et tous autres dedens la ditte fortresse partiront le jour de la rendue, lour corps sauf, ovecque lour biens propres queconques , hors mys comme dessus.

Item est dit, traittié et acordé que les dessus dit capitaine et gentilz hommes!, chivalers, escuiers et autres de la ditte garnisoun promettront que, le jour de la rendue dudit chastell de,Saint Savour le Visconte, baillerontet rendront au commis de nostre dit trés redoubté seigneur le duc de Gloucestre toutz les prisonners janglois soubgiés , vassaulx , obéissans et autres tenans la partie d'Engleterre, qi présentement sont en dit chastell de Seint Sauveur le Visconte , ou aillours , en leurs soubgections ; soit entendu que , s'aucuns prisonners comme dessus soient par ceulx de la ditte garnisoun transportez ou envoiez hors, qu'ils les renvoyront quérir , en faisant plaine deliverahce d'iceulx prisoners.

Item pareillement seront et sont tenuz tous les dessus dits

iu EO —

de la ditte garnisoun de franchement acquiter tant les dessus dits prisoners que leurs plèges , sans ce q'acune empeschement aus ditz prisoners soit mys à present ne en temps à venir, soit par sommer, requérir ou demander , més finablement tous ceulx de la ditte garnisoun de renoncer tant as dits prisonners que à leurs pléges, tous leurs foiez, promesses et serementz qu'ils puissent avoir faitz à cause de leur prinse, et ce soit fait etaccompli sanz fraude ou mal engin.

Item sont tenuz les dessus dits capitaine mons. Robert de Fréville, chivaler, et les chivalers , escuiers et gentilx hommes de la ditte garnisoun et fortresse d'en promettre que, au jour de la rendue du dit chastel de Saint Sauveur le Visconte, bailleront et feront bailler aus commis de nostre dit trés redoubté seigneur de Gloucestre tous les renyés anglois natifs, galoys, yroys et gascoins qi autreffois ont tenu la partie d'Engleterre , et toutz aultres qui autreffois ont fait obéissance au roy de France et d'Engleterre nostre souverain seigneur, si aucuns présentement en y a eu dit chastel de Seint Sauveur le Visconte.

Item est traittié et accordé que le dessus dit capitaine et autres de la dite garnison deit promettre, sur leurs fois et honneurs, que , entre cy et l'eur de la rendue de le dessus dit chastel , pour nulle manére des requestes , mandementz ne commandementz , ne recevront ne ne souffreront estre receux dedens la ditte fortresse de Seint Sauveur le Visconte nulle puissance ne compaignie de gens d'armes ne de trait , synon seullement ceulx qi présentement sont ou dit chastel.

Item seront tenuz le dessus dit capitaine et tous ceulx de la garnisoun que , au jour propre de la rendue d'icellui chastell, tous ceulx qui ne voudront demourer soubz l'obéissance come dessus, partiront et vuideront du dit chastel de Seint Sauveur le Visconte dedens heure de vesprez.

Item à toutz leschivalers et escuiers , gentilz hommes et

autres de la ditte fortresse de Seint Sauveur le Visconte qi voudront demourer , attendre et devenir hommes lieges et vrais obéissaus et soubgiez à nostre dif souverain seigneur le roy de France et d'Engleterre , nostre dessus dit trés redoubté seigneur de Gloucestre, par puissance et auctorité à luy doné du rov, soun seigneur et frére , si accordera et accorde , à tous ceulx de la condicion dessus dite, pour leur très humble soubmissioun d'obéissance tous leurs biens meubles, terres, héritages et pocessions , tant dedens ledit chastel comme dehors, hors misez les terres qui auront esté données par le roy nostre souverain seigneur devaunt ceste présente composicioun, et les dessus dits, aprés leur hommage et obéissance fait, en joyr et user paisiblement comme de leur propre chose et comme ils fesoient au devant de la rendue.

Item sont tenus les dessus dit capitaine et les gentilz hommes de la ditte garnison que, pour ce présent apointement bien et loiaulment entertenir, bailleront et envoyront au dessus dit nostre redoubté seigneur de Gloucestre six gentilz hommes, chivalers et escuiers des plus notables du dit chastell et garnisoun de Seint Sauveur le Visconte, comme pour hostages , lesquelz seront rebaillez audit mons. Robert de Fréville , chivaler, à l'eure de laditte rendue.

Item est dit et traictié que , pendant entre cy et l'eur de la rendue , ne sera fait de l'une partie ne de l'autre nulle guerre queconque.

Item est dit, traittié et accordé par les commis du très hault et puissant prince le duc de Gloucestre que au dessus dit capitaine , gentilz hommes et autres de la dite garnisoun et fortresse qi voudront partir le jour de la rendue, sanz vouller demourer en l'obbéissance comme dit est, de leur faire bailler plusours lettres de sauf conduyt, pour franchement partir et aller hors de l'ost du roy de France et d'Engleterre, nostre souverain seigneur, sans ce q'aucun empeschement leur soit mys, en corps n'en biens.

zc 450 —

Et pour ceste presente appointement bien et loialment entretenir, par fourme et manére comme dessus est desclaré, ai ge le dessus dit mons. Robert de Freville, chivaler , capitaine du dit chastell de Seint Sauvour le Viscont , pour moy et és nons de tous mes compaignons, gentilx hommes, chivalers, escuiers et autres de la ditte garnisoun et forteresse , mys à ces présentes le see] de mes armes, devaunt le dessus dit chastel de Seint Sauvour, le dit xxv* jour de mois et en l'an susdit.

( Copie rapportée de Londres par Bréquigny, à la Bibl. Imp., Collection Moreau, vol. 666, p. 92.)

249. ALLOCATION DE 30 S. T. A UN MESSAGER QUI ÉTAIT ALLÉ PRÉVENIR LE CAPITAINE DE SAINT-SAUVEUR D'ÉTRE SUR SES GARDES.

Q7 janvier 1480.

Jehar, de Assheton , chevalier, bailli de Costentin , au viconte de Carenten , salut. Comme puis nagaires Andrieu Alixandre , messagier, demourant à Carenten, soit allé à Chierebourg et Saint Sauveur le Viconte porter noz lettres closes par devers les cappitaines des lieux ou leurs lieux tenans , touchans les nouvelles de certaine course et chevauchée que l'en disoit avoir esté entreprinse à faire par les Francois, et autres ennemis et adversaires du roy nostre souverain seigneur, en son pais et seignourie, affin de y mettre resistance , et de son dit voyage nous ait rapporté la responce à Coustances, en quoy il a vacqué parmi le tout par l'espace de cinq jours entiers , nous à icellui avons tauxé et tauxons la somme de six soulz tournois pour jour, etc. Donné à Carenten , soubz le seel aux causes du dit bailliage, le xxvir* jour de janvier, l'an mil cccc et dix neuf.

(Orig. à la Bibl. Imp., Quittances, à la date du 27 Janv. 1419, v. S.)

9N0. NOTES DE M. DE GERVILLE SUR L'ENQUÉTE QUI FUT FAITE POUR CONSTATER LES PERTES ESSUYÉES PAR L'ABBAYE DE SAINT-SAUVEUR LORS DU SIÉGE DU CHATEAU.

La

En 1420 , par la permission du duc de Bedford, il se tint une assemblée des trois états du duché de Normandie à Rouen, au mois de janvier. Il s'en tint une autre au mois de février 4422 à Vernon (1). On y nomma des commissaires pour s'enquérir des pertes et des défalcations à faire sur l'imposition des religieux de Saint Sauveur.

L'enquéte eut lieu à Valognes en 1423 par devant Guillaume Auber, licentié en decrets, chanoine et official de Coutances , et Guillaume Herment , prétre, son promoteur. Elle remplit un rouleau de six aunes de long.

Le à septembre, Henri de Hestehan, escuier, de la ville des Pieux , âgé d'environ soixante ans , dépose savoir que le chàteau de Saint-Sauveur fut assiégé quarante sept ans avant ; que les Anglais tenaient ce château ; qu'il fut attaqué par les Francais commandés par Sylvestre de la Chervele , alors évèque de Coutances, « et plures nobiles viri , scilicet Johan de Vienne, Yvon de Galles et Bertrand de Claquin ; » que cesiége fut long temps soutenu; que les Anglaisavaient, avant ce siége, fait détruire les bâtiments adjacents, et entre autres l'abbaye, de peur que les assiégeants ne s'y logeassent pour les incommoder ; que les religieux et l'abbé s'étaient d'abord retirés au monastère de Notre-Dame du Vou prés Cherbourg , et puis dans l'ile de Jersey.

(1) Les assemblées du mois de janvier 1421 à Rouen et du mois de février 1425 à Vernon sont mentionnées dans le travail de M. Charles de Beaurepaire sur Les états de Normandie sous la domination anglaise , p. 9 el 16.

Les Français avaient emporté beaucoup de pierres de taille du monastère et des éditices qui en dépendaient. « Circa monasterium erant plures sumptuosi tuelli plumbei, in humo edificati, per quos aqua affluebat in pluribus locis ipsorum monachorum et manerii edificiorum , quos tuellos ceperunt Francigene pro faciendo pila plumbi. »

Colin la Garde dépose que les Anglais, durant le siége, avaient brulé et détruit l'abbaye et les bâtiments qui en dépendaient , pour empécher les Francais de s'y loger, de maniére que les moines et l'abbé n'avaient pas un lieu à l'abri pour y poser la téte; que les Anglais avaient emporté dans la forteresse beaucoup de pierres de taille, pour les lancer avec leurs engins. « Caperunt Anglici lapides taillie ut projicerent ab ingeniis.... Francigene accenderunt ignem sub una e turribus castri, que turris sic funditus eversa fuit, fueruntque combuste nove campane , quarum una habebat octo buccellos ad mensuram Sancti Salvatoris. »

Des religieux de Saint-Sauveur se retirèrent d'abord à l'abbaye de Cherbourg, ensuite à Jersey, où ils avaient quelques revenus , d'autres étaient allés chercher dans des monastères étrangers une subsistance qu'ils ne pouvaient trouver dans le leur. A leur retour, l'abbé. et ses religieux avaient trouvé leur maison en ruines. A l'époque de l'enquéte , malgré tous leurs efforts et toute la dépense qu'ils avaient pu faire, ils étaient encore contraints de célébrer l'office divin dans le refectoire.

Les moines et l'abbé qui s'étaient retirés à Jersey avaient été forcés d'abandonner cette retraite, parce que le roi d'Angleterre y avait fait séquestrer leurs biens.

Les premiers moines qui revinrent à l'abbaye y avaient fait construire un appentis contre un mur ; ils y faisaient du feu pour leur cuisine et couchaient sous des voütes : « el jacebant sub certis voutis que adhuc superfuerant. » Un des témoins dépose qu'il ne leur restait pas alors de quoi acheter

ur, morceau de viande : « unde emerent peciam mutonis vel aliarum carnium (1). »

251. ACTE MENTIONNANT L'INVITATION QUE LE DUC DE BED- FORD AVAIT ADRESSÉE AUX HABITANTS DE SAINT-SAUVEUR DE SE FAIRE REPRÉSENTER AUX ÉTATS DE NORMANDIE.

3 septembre 1427.

L'an de grace mil cccc et vint sept , le tiers jours de septembre, par devers nous Michiel Durant, viconte de Rouen, fut présent en sa personne Richart Imgouf , messagier à pic, demourant en ceste dicte ville de Rouen, lequel recongnut et confessa avoir eu et receu de Pierre Surreau, receveur général de Normandie, la somme de six livres tournois, qui deuz lui estoient pour sa paine et salaire d'avoir esté du dit lieu de Rouen és villes de Honnefleu, Caen, Bayeulx, Carenten , Valongnes, Cherebourg , Coustances, et lieux de Grestain, Trouart, Cerysi , Lausnoy , Montehourg, Saint- Sauveur-le-Viconte et Saint-Lo , porter lettres closes de par monseigneur le régent le royaume de France, duc de Bedford , adressans aux gens d'église, bourgois, manaus et habitans des diz lieux , contenans qu'ilz fussent devers mon dit seigneur le régent et conseil du roy nostre sire en ceste ville de Rouen en ce présent mois de septembre, ouquel voiage il a vacqué , allant, demourant et retournant, seize jours , dont il doit avoir, pour chacun des dizjours la somme de sept solz six deniers tournois , montent les diz jours à la dicte somme de vi livres tournois , de laquelle le dit Richart ce tint pour content et bien paié , et en quitta le roy nostre

(1) On ignore ce qu'est devenue l'enquéte analysée par M. de Gerville.

sire , le dit receveur général et tous autres. Donné l'an et jours dessus diz. PETIT.

(Original à la Bibl. Imp., Quittances , à la date du 3 septembre 1427.)