UT

Perot de Lanecanne , Bernard de Mescrens, Picrres l'Archier , Jaquet Certain , Guillaume de Souplainville , Eliot de Montosay,Ogier de Moncla, Jehan de Cambernon, Perolet le Conte, Bernard de Julien, Jaquemin Rouxel, Bardollet de la Barthe , Jehan d'Auverne , Perot d'Ausserens, Bertrannon de Puscalvel, Nico de Basan, Pey de Gaige, Raymonet Bourdost, Jehan de Haulteville, Bernardon de Germeneau , Pierres du Rutier, Jaquet le Viconte, Jehan Blancart, Bertran Hupin, Regnault, Guillaume de Baliros, Guillot de la Fontaine , Renry d'Autigny, Raymon Hagniac, Gouyer de Champaignie, Guillaume Regnault, Pierres de Cours , Tollet du Pont, André Guychart , Guillaume le Combatant, Raynion, Regnault de Laa, Regnault Guillaume, Regnauton de la Cassaigne, Pierres du Val et Mathieu Daspe , archiers, tous de la grant ordonnance du roy nostre sire, dela rctenue et charge de hault et puissant seigneur monsseigneur l'admiral de France, logiés au dit lieu de Saint Sauveur et illec environ, lesquelz congneurent et confessérent avoir eu et receu , chaiscun en droit soy, de Pierres Lendet, recepveur desaides et tailles en la viconté deValloingnes, c'est as-

savoir pour le droit et sallaire de chaiscun homme d'armes ,

pour son logeys et utencilles, pour ung cartier d'an commen-

chant le premier jour de juillet et fenissant le derrain jour

de seplembre. derrains passés, la somme de soixante soulz

tournois, et pour chaiscun archier trente souls tournois, qui

vallent en somme toute la somme de six vingtz livres

lournois..... Ce fut fait et passé le xu° jour d'octobre , l'an

mil quatre cens soixante et ung. — DE LASTELLE.

(Oriz. a la Bibl. linp., Cabinet des titres, 2* serie des originaux , au mot Aidie. )

257. REMISE D'UNE SOMME DE CENT LIVRES ACCORDÉE PAR CHARLES VIII AUX HABITANTS DE SAINT-SAUVEUR, EN CON- SIDÉRATION D'UN INCENDIE DONT ILS AVAIENT ÉTÉ VICTIMES.

13 février 1484.

Charles , par la grace de Dieu roy de France.... Pour pitié et compassion de la grant misère et pouvreté en laquelle sont de présent constituez les manans et habitans du bourg Sainct Sauveur le Viconte, en la viconté de Valoignes, à l'occasion de l'accident de feu qui puis naguéres est advenu en icelui bourg, dont sont bruslez jusques au nombre de xLu mesnagiers et six ou sept vings maisons, avecques tous leurs blez, biens, mesnaiges et utencilles, nous à iceulx avons donné et quicté, donnons et quictons par ces présentes la somme de censlivres tournois , suzet en déduction de la somme de deux cens trente livres tournois, en quoy ilz sont tenuz de reste au receveur de noz tailles en ladicte viconté , pour raison des sommes à quoy ilz ont esté imposez à icelles tailles.... Donné aux Montilz lez Tours, le xit* jour de février l'an de grace mil cccc quatre vings et trois, et de nostre régne le premier. — CHARLES.

Par le roy en son conseil, ouquel les gens des finances

estoient : BRINON.

(Original à la Bibliothèque Impériale, Lettres de Charles VIH , à la date du 13 février 1485, v. s.)

938. DÉNOMBREMENT DE LA BARONNIE DE SAINT-SAUVEUR ET DE NÉHOU, BAILLÉ AU ROI PAR BAPTISTE DE VILLEQUIER,

Q1 juin 1528.

Soubs la souveraineté et vraie obéissance du roi, nostre souverain seigneur, nous Baptiste de Villequier , chevalier , viconte et seigneur de Saint Sauveur le Viconte, Néhou et de la Guerche en Touraine, conseiller, chambellan ordinaire du roi nostre dit seigneur, confessons et avouons tenir par foi et par hommage du roi nostre dit seigneur la dicte viconté , seigneurie et chastellenie du dit Saint Sauveur le Viconte et Néhou. Laquelle viconté et seigneurie du dit Saint Sauveur est d'ancienneté venue et écheue au roi, nostre souverain seigneur, par confiscation de Godefroy de Harcourt, et la dicte terre de Néhou pour le premier partage acquis par prince de noble recordation le roi Jehan , que Dieu absolve, et dés lors jointe et incorporée ensemble en un mesme corps de baronnie , seigneurie et chastellenie, en tous droits de gardes, monnéages, guets, services , jurisdictions, hautes justices et autres droitures , dignités, prééminences et libertés quelsconques, soubs le nom d'icelle viconté et bailliage de Saint Sauveur le Viconte, à cause de la démolition et abbatement que fit faire icellui roi Jehan du chasteau dudit lieu de Néhou , pour la proximité d'icellui et du chasteau et place fortedu dit lieu de Saint Sauveur, pour le bien et utilité du pays. Et après, icelles terres ainsi jointes furent données à nos prédécesseurs par le feu roi Charles septiesme, pour [en] jouir en ligne masculine. Et nos dits prédécesseurs et suecesseurs yssans et procréés en légitime inariage [les ont] ainsi depuis tenues et possédées annuellement en tous droits, tant de haute justice, jurisdiction , bailliage et viconté, gardes d'enfans soubsaagés, droits de monnéages et autres droitures, ainsi que depuis la dicte union

faite eu précédent d'icelui don et de la descente des Anglois auroient esté tenues et possédées.

Icelle seigneurie , viconté et chastellenie de Saint Sauveur et Néhou, jointe et unie comme ditest,[est) tenue par le service de cinq chevaliers au ban du roi nostre dit seigneur , à cause de sa duché de Normandie, dont le chef est assis en la viconté de Vallognes, et s'extend en la viconté de Carentan, Bayeux et Avranches. Et en icellui lieu de Saint Sauveur est forte place et chasteaux, l'un nommé le petit chastel et l'autre le grand chastel.

Auquel premier chastel fut fondée anciennement par les seigneurs du dit lieu une église ou chapelle, où furent mis pour servir à Dieu les religieux de l'abbaye du dit lieu de Saint Sauveur. Et aprés fut l'abbaye qui de présent est au dit lieu de Saint Sauveur fondée au lieu où elle est de présent, et y furent les religieux qui premièrement avoient esté fondés et mis en ladite chapelle transmués et translatés par Néel le viconte, seigneur de Saint Sauveur , et autres seigneurs ses successeurs, et leur fut donné certain nombre d'acres de terre, leur dicte abbaye et maison séante dedans, avec un aulnoi et un autre bois nommé la Plesse, pour leur ardre et amesnager, la chasse et garenne d'icelle Plesse reservée au dit s:signeur fon(da]teur. Aussi leur fut donné un moulin à eau, assis sur la chaussée du dit lieu de Saint Sauveur , avec la tierce partie de l'eau dessus du dit moulin , en temps que les moulins de la dicte seigneurie et le dit moulin ne pourroient mouldre ensemble pour la secheresse et abbaissement des eaux, avec le droit des moutes sur leurs hommes resséans. Et à cause d'icelle fondation nous et nos successeurs et héritiers sommes vrais patrons et fondateurs de la dicte abbaye, et en icelle devons estre receus toutes fois qu'il nous plaist aller en icelle abbaye. Et si sont les religieux du dit lieu, aprés l'abbé décédé, subjets nous apporter les clefs d'icelle abbaye, et icelle mettre en nostre garde et protection jusques à ce qu'il y en ait esté

E. zu MR

éleu un. Devons estre présens et y avoir voix comme l'un des religieux de la dicte abbaye. Et aussi sont subjets, toutes les fois que nous sommes en nostre place de Saint Sauveur , venir dire messe chascun jour de l'an, devant nous ou la dame nostre espouse , en nostre dit chasteau , jar l'un des religieux de la dicte abbaye ; et en nostre absence de la dicte ville et chasteau de Saint Sauveur, sont iceulx religieux subgets dire ou faire dire en nostre chasteau trois messes la semaine , c'est à scavoir aux Jours des dimanche, mercredi et vendredi, et à icellui jour de dimanche faire eau benoiste et pain benoist , ainsi qu'en tel jour est accoustumé. Et à cause de leur pesquerie à anguilles sont tenus payer en nostre comptoir et recepte le nombre de dix sols de rente mansois, qui vallent vingt sols tournois ; et plusieurs autres rentes, à cause de plusieurs autres terres qu'ils tiennent de la dicte seigneurie de Saint Sauveur.

Et en icelle seigneurie de Saint Sauveur et Néhou avons droit de guet et monnéage sur tous les hommes resséans et demeurans soubs]la dicte viconté et seigneurie de Saint Sauveur et Néhou, et sur les baronnies de l'Angle de Néhou et Orglandes, parties de la dicte baronnie de Néhou , fiefs et arrière fiefs mouvans et dependans de la dicte seigneurie et baronnie de Néhou, à cause d'icelle union faicte par icelui feu roi, depuis confirmée par ses trés nobles successeurs rois de France, et spécialement par le dit feu roi Charles septiesme , comme par ses lettres patentes en forme de chartre, vérifiées et expédiées tant par les gens des comptes, trésoriers de France , que par les officiers du roi nostre dit seigneur au bailliage de Costentin , est plus à plein porté et contenu , toujours ainsi et depuis l'union faicte par icelui roi Jehan; entretenues et possédées en tous iceux droits, droitures, dignités et libertés tant de monnéage et haute justice qu'autres choses.

A cause de laquelle haute justice avons autorité et puissance de cognoistre, juger et déterminer par nos juges et

officiers de toutes matières mobiles et héréditaires, criminelles et civiles, reservées celles qui par autorité et prééminence de la couronne et de la duchée de Normandie appartiennent au roi nostre dit seigneur ; dont nos prédécesseurs et nous ayons joui et possédé, et encore en jouissons de présent, et ainsi en jouissent et doivent jouir nos heritiers et successeurs. Et en icelle ayons haute justice à quatre pilliers, et pillori pour punir malfaicteurs. Mesme avons plusieurs siéges de plaids en nostre dicte seigneurie, c’est à scavoir au dit lieu de Saint Sauveur, de Fréville, Sainte Marie du Mont, les Pieux, Vrasville et Mortain ; en un chascun desquels il'y a sergents fieffés, reservé à Fréville, qui ont puissance de faire tous exploits à office de sergent appartenans, et subjets à cueillir lesamendes chascun en son siége.

Et à cause de la dicte seigneurie et baronnie de SaintSauveur avons plusieurs piéces de bois, haies et buissons, en defends d'ancienne té , c'est à scavoir un bois près du dit lieu de Saint Sauveur nommé le Petit Parc , la haie d'Aurreville, les Vaingneries, le grand clos de Houllebec et le petit clos, la Plesse , le bois de Hautmesnil , le tout assis et situé en ]a parroisse de Saint Sauveur, qui emportent dangers et forfaictures si aucunes personnes prenant bois ou bestes y sont trouvées non coustumières. Et si aucuns des hommes coustumiers en nos forests coustumières y sont trouvés prenant bois, ils sont subjets en amendes arbitraires, et de leurs bestes , si trouvées y estoient , subjets en deux sols d'amende pour piéce, toutes les fois qu'elles y sont trouvées, dont la taxation est faicte par nostre verdier au dit lieu. Et aussi avons forests coustumiéres , de grande et spatieuse estendue, aux quelles nos hommes resséans au dit lieu de Saint Sau- . veur, Rauville et Catheville en portion , et mesme les hommes du seigneur de Taillepied , sont coustumiers et communiers, et y peuvent prendre bois pour leur ardre etamesnager, en payant l'amende pour ce accoustumée, c'est à sçavoir : par charretée de faouc , trois sols tournois ; par charretée de

ss SN RES

chesne et houx , six sols tournois; par charretée de mort bois , comme houx , tremble et autre bois non portant fruit, dix huit deniers ; le tout sans en pouvoir vendre, transporter ni aliéner hors les fins et limites accoustumées, ni y commettre aucune fraude ni abus , soubs peine de forfaicture de la dicte coustume ; sans ce qu'en icelles forests coustumières aucuns autres que nos dits hommes et resséans y puissent prendre bois et mettre bestes, sur peine de forfaicture, s'ils n'y ont esté ou aient esté accensés ou arrentés par nous ou nos prédécesseurs. Et aussi sont subjets acquitter et tailler leurs bestes aumailles deux fois l'an, c'est à scavoir le dimanche des Brandons et le dimanche de Quasimodo, pour chascune beste un denier, le tout devant nostre verdier du dit lieu de Saint Sauveur ; et aussi acquitter devant nostre dit verdier , quand nostre pasnage écheoit, toutes leurs bestes porchines, sur peine de forfaicture , et en devons avoir de sept un et du surplus jusques à dix , ets'ilsn'enont

jusques au dit nombre de sept, ils en doivent huit deniers . pour porc. Auxquels herbage et taillage sont sujets à comparoir en personnes tous nos dits hommes, et faire serment de loyaument garder les droits de nos dictes forests et seigneuries ; et aussi y sont subjets à comparoir en personne le sieur curé de Taillepied et le seigneur du dit lieu ; les hoirs Pierre du Hecquet, parquiers de la dicte haie d'Aurreville ; l'aisné du fief Angot, dit Belle mère , que tient à présent Jehan Belloy, fils Philippot, à cause duquel il est sergent subjet à la garde de la dicte haie d'Aurreville; et le fief Dame Agnès, que tient Jehan Messent ; le fief Guillain, que tient maistre Jehan Maurice; les hoirs Jehan Blondel, à cause d'une maison qui fut Henri Langlois ; le fiefau Compte, que tient ledit Jehan Messent ; le fief Vastel , que tient Jehan Mustel ; le fief au Guernetier , que tiennent les hoirs Jehan du Val; le fieu de l'Angle, que tiennent les hoirs Michel Paisant; le fief au Blond, que tient Estienne le Gambu à cause de sa femme ; le fief de l'Auney , que tiennent les hoirs

Remonnet Morin; le fief Chuquet , que tient Estienne le Cresp; le fief Clement le Prevost, que tient Richard Enguerran; le fief de Percy à Fréville, que tient Simon le Loué ; le fief Hamelin, que tient Suplice Dossier, au dit lieu de Fréville; et aussi doivent comparoir aux prochains plaids ensuivans des dits herbages. Et au dit pasnage doibvent comparoir en personne le dit seigneur de Taillepied, le seigneur de Mary, le seigneur de Turqueville, le seigneur de Tournebut, le seigneur de Saint Remi des Landes, le seigneur de Liéville, le seigneur de Saint Jehan dela Riviére, le seigneur de Say , sur peine d'amende arbitraire, et autres nobles tenans ; et mesme aux prochains plaids ensuivans du dit pasnage pareillement doibvent les dits aisnés sus nommés comparoistre personnellement ; et doibvent estre les dits aisnés montés à cheval, une espée en leur costé, une verge blanche et uns gans neufs à leur main, leurs chevaux ferrés des quatre pieds, sur peine de dix-huit sols d'amende pour chascun clou qui defaudroit ; et mesme y doit comparoir le seigneur de Vastigny, qui doit visiter les pieds des dits chevaux; et aussi le prévost fieffé du dit lieu de Saint Sauveur, qui est subjet à faire la loge pour tenir le dit pasnage , dont le bois, qui doit estre mort bois , lui demeure ; le tout sur semblable peine d'amende arbitraire. Auquel pasnage les dits aisnés et prévost sont francs, et en icelui sont iceux hommes coustumiers subjets , et doivent amener toutes leurs bestes porchines, et les acquitter en la forme ci devant déclarée. Et quand il y a nombre de pores competent dont en doivent (1) avoir, les dits hommes en doivent choisir deux , et nous le tiers ; et pour iceux prendre et mener en nostre parc sont subjets les tenans du fief aux Morels , du fief du Hoc , du fief au Douyez, du fief Bavoise , du fief Piédechien, du fief au Vallois, du fief au Roi, du

(1) Hl faut sans doute lire . dont en devons avoir.