TRAGEDIE

LE Christianisme faisoit de beaux progre/^ dans la Perse dépuis la paix qu'Arcadius Empereur de l'Orient auoit liée auec Isdegertes Roy des Perses, quand TEuesque Âudas poussé d'vn zèle, dépouillé de cette science dont Sainct Pol le veut reuôtu, abbatit en plein jour vn pyrée, qui estoit vn Temple où les Perses adoroient le feu, & sousleua vne si furieuse tempeste qu'elle faillit à submerger l'Eglise de Perse dans le sang: car le Roy l'ayant condemné ou à rebâtir ce Temple^ ou bien à mourir^ il préféra vne mort illustre à vne l&che repentance, dr repara ce deffaut de la prudence de la chair par vn courage qui u'auoit rien de la terre. Les Mages voyant enseuelir peu à peu leur authorité soubs les cendres de leurs pyrées, portèrent l'esprit du Roy à vne cruelle persécution, laquelle après auoir épanché beaucoup de sang, fondit enfin sur deux illustres Seigneurs de la Cour de Perse. Le premier qui estoit Prince du sang Royal s'appelloit Hormisdas,& le second estoit vn Suenes, qui passoit en authorité 6i en puissance, tout ce qu'il y auoit de considérable dans la Perse.Le Roy n'ayant pu les gaignerparses caresses condemna premièrement Hormisdas à garderies Chameaux de l'armée dans laquelle occupation il finit ses jours, la mesme tempeste donna sur Suenes, qui auoit & femme & enfans^ ce qui faisoit croire au Roy qu'il seroit aisé de le surmonter, ou par l'amour coniugal, ou par la force de la douleur; mais ayant employé toutes ses machines contre luy sans l'esbranler tant soit peu, pour le ietter dans l'extrême ignominie, il donna toutes ses possessions 6t ses charges à son valet, & le condemna à seruir en qualité d'esclaue dans vne maison, de laquelle il estoit Seigneur, & où il g'estoit veu suiuy de plus de mille seruiteurs, qui composoient le train ordinaire de sa maison. Dieu qui prend plaisir de voir combattre à genoux ces grands courages que la fortune ou plustost la prouidence a renuersez, permit que la femme de Suenes à la persuasion de tous ses parens,& du Prince mesme consentit à épouser son ancien esclaue, ât se seruir de Suenes son véritable mary comme d'un valet. Voila l'argument qui sert de subjet à ce petit poème tragique. Il sera aisé de connoistre en suite ce qu'il y a d'adjousté, ou pour la decence,ou pour la splendeur du Théâtre.