XL VI

mon, tôt ço, que an, ni aver devon, e tote la sejorie, que i an ni aver i deven, senes nulle re'tenence que no si artigon, tôt lo bieladge et tote la terre, ab totz sos dreitz, que a ni aver diu, que hom apele Bausaest, que es el comtad de Begor entre Seubanea e Quintilag et de Quintilag entré Borderes et de Bordères entré Ordz, lo colt, el no colt, las terras e las aigas, los intrads, els eisids, lo fust, el fruit, e la fulhe, la erbe, e la peire, et tôt quant terre leve del cel tro terre et de terre tro la jus abisme, à Dieu, à la maison del Temple de Bordères et a frai Bidal, qui laore ere comandador de l’avantclite maison, e a totz los frais, qui laore i eren ni ia i seran, en tal maneire que l’avantdite maison e aqueds que la maison goernaran del Temple de Bordères, que posquen far a tôt lor voluntad en quenieque maneire far bolan, ab coseil dels frais de la maison E l’avantdit A. de Lavedan e na Navarre, sa molher, aqui mezis quels ag liuran. ab fust e ab terre, els ne bestin, els i den tote aquere poestad, aisi cum ed la tenen, lo die ni tier la deven, e tote la î^ejorie que i aven, ni aver i deven ; tôt en aisi ag liuran à fray Bidal, qui laore ere comandador de Borderes e als fray s autres quiqui aqui eren presentements.

Aquest don e aqueste aumosne, qui avantdits es aisi cum devantdit es, dis l’avantdit A. de Lavedan, que ave feit A. d’Aragon, qui ere sos aviols, de cui l’avantdite terre ere, pro cui ed la tie. E l’avantdit A. de Lavedan dis que pro alguns mais e pro alguns puseuls, que en l’avantdite terre ave feit à l’avantdite maison de Bordères, que cono ge que pecad ave mortalment e que gran tort faze e ave feit, quare en l’avantdite terre âge feit nul mal ni nul passeul à la maison de Bordères; e l’avant dit A de Lavedan que dis qu’es cosella per paor que ago de sa anime, qu’en fos perdude, e de la anime de A. d’Aragon, qui fo son aviol, e so ligiadge qui apres lui sere. E per car troba certea sabence, cum per strumentz de cartes e per anfian testimonis, que l’avantdite maison de Bordères ne mustrare, ue n’ave, que l’avantdit sos aviols.

e cui la cause ere, ag ave dad, aisi cum avantdit es, per aumosne de si e de totz sos ligiadge e per da rezençon de sos pecads; e que ais l’avant-

dit A. de Lavedan que ave agut son coseil ab l’avantdite Navarre, sa molher, e ab son fils e ab de sos parents e ab de sos amigs; e qu’el coselhan que ed mezis afresquis lo don el fes que ia ere estad feid per son aviol e que queris perdon del tort e del mal que feit ave en l’avantdite terre à la maison del Temple de Bordères. E ab aitant l’avantdit A.

de Lavedan que bengo a Bordères, ab Navarre sa molher e ab sos amigs e que sen entrant en la gleise en lo poder de l’avantdit comandador e dels frais de la maison ; e aqui l’avantdit A. de Lavedan ab sos amigs e ab do sos parents, que aqui ago amenads, que quere perdon à frai Bidal. qui laore ere comandador e als autres frais, qui aqui eren e quende de jols en terre dejant lo comanai e qu’il auere qu’il perdoas lo mal el tort que conosse que feit ave en l’avantdite terre à la maison del Temple de Borderes e ab aitant lo comanai, els frais, qui aqui eren, qu’el perdoan; per ço car ed los confirmave, els ave afresquit, els afresquic ades l’avantdit don e l’avantdite aumosne de la avantdite terre que son ligiadge ave ja feit; e aiço feit, l’avantdit A. de Lavedan e na Navarre, sa molher, que juran sobre la Crodz e sobre los sauts Auvangelis, per lor mezis e per ligiadger, que laore aven ni gia auran, que ni ed mezis, ni lor ligiadger, ni autre hom per lor, ab ieg, ni sans ieg, nuis temps del mon contra l’avantdite donation no fesen ni no anasen, ni no dissosen ; auts disen sobre lo sagrament, que feit n’aven, que tant, cant bius fosen, a g faren bon à la maison de Borderes, e, quan id no fosen, ag leissarem manad e ordenad a lor ligiadger qui après lor sere, que totz temps del mon ne portasen ferme garence, en fosen ferms audors ; els ag fesen bon de totz los homes del mon laore, que obs los sere ades, si per abenture obs los ere E aiçô dit e feit, l’avantdit A. de Lavedan, que queri aqui mezis al comandai e als frais, qui aqui eren, que l’arcebossen en los bees de la maison ; el comandai, els frais, qui aqui eren, que l’arcebon per parçoer de totz los Des que la maison del Temple de Bordères ave feitz, ni faze ades, ni fara già nulhs temps deçà mar ni delaamar; e l’avantdit A. de Lavedan, aqui mezis qu’els mana ferme

obediencee leial qui tendre a Savantdite maison de Bordères, tant quant biù fos, e que observare lo don e l’aumosne, qui avantdit es, que son ligiadger dize que ave feite e ed mezis que l’ave afresquid ades; e l’avantdit A de Lavedan, per que totz temps fos tengud ferme, mes de boas manadors e bones fizances à l’avantdit comaudador et à la maison del Temple de Bordère, çô es per saber : Pelegri de Lavedan, Formadges dels Agles, Boos Tizon, en tal maneire, que, si nuis hom bive, ni dize, ni faze contre l’avantdite donatio, ni faze nulle aren, qui fos contre l’avantdite maison de Bordères, per pleid de gleize, ni per pleid seglau, ni per nulle autre maneire, l’avant dit A. de Lavedan los ne portas ferme garence e a g pleideras, eis ag defessos a si mezise mesion en qualque manieire contre l’avantdite donacio bengos hom laorè, que obs los sere ades ; perô, si nols ag fan bon aisi, cum avantdit es, que mana et que s’obliga els autreia à los avantdites fizances sobre si e sobre tote sa eres tad e sobre totes sas causas mobles e no mobles. que a ni avera, or que les aie per totz logs, per amende e per drece de l’avantdite donacio e de l’avantdite aumosne, si bone nols ag, face, que las avantdites fizances ne pagassen CC. marcs d’argent a l’avantdite maison del Temple de de Bordères e als frais, qui laores seren, e las avantdites fizances que manan bonaments à frai Bidal, qui laore ere comandador de Bordères que, si l’avantdite donatio no fazen bone, cum avantdit es, que CC.

marcs d’argentpagarenalui oaqueds qui apres lui seren comandadors de l’avantdite maison laore, qu’els ag domandasen à lorboluntad, sil’avantdite donatio nols poden far bone.

Aquestes fizances, qui avantdites son, fon amendas à Tarba, al cab del Pont de Lador. prob la Mesaria. E aqui que fo Fortanier, fil de l’avantdit A. per ço car à Bordères no podon estre ensems ab las fizances.

Or l’avantdit A. e na Navare, sa moller, agden aisi cum avantdites, a tcstimoni de A. R. de Coarase, Abesque de Begore. e A. de Coarase, Bescons d’Aster, e de n’Auger d’Osun, A. de Gaioo, n’Arnaud B. de Laured, W. R. del Mont, W. R. Dader. B, Capera de Bordera, Marii de Bordères, frai Fortz cam-

brei, frai R. de Pezenas, frai R. de Coost claver, frai Père A Sabater.

que vengo a Tarbe l’avant dit A. de Lavedan e son fil Fortaner; e aqui aisi, cum avantdit es, l’avantdit Fortaner, que a g liura a foere a costume de la terre e que i de totz sos dreitz, que i ave ni aver i devo, à Dieu e à la maison del Temple do Bordères, tôt en aisi ag liura h l’avantdit comandai. e aiço feit, l’avantdit A. e son fil Fortaner bonements e agradeiraments qu’en den e qu’en meton las avantdites fizances, aisi cum avant dit es, h l’avant dit comandai, e qu’els manan que id las ne guararen de tout dann ; e, aiço feit, l’avantdit A de Lavedan e son fil Fortaner que pregan a A. R. de Coarase, Abesque de Begore, e a Pelegri de Lavedan, e a A deCoerase Bescons d’Aster e à Boos Tizon, que en aqueste carte metesen lorssaieds e id que a fon. Aquestes testimonis fon aperads en aiço A R. de Coarase Abesque de Begore, A. de Coarase, Bescons d’Aster, R. G. de Lavedan, Pelegri de Lavedan, A. R. d’Asped, R. A. d’Asped, W. A. de Laaspoi, B. Civade de IJeisag, R. de Cassagie Guassio de Serres, W. Ponts de Laneule, R. de Pomees, Bi. Centod, P. de Bielenbids, A. Guallad de la Ciutad. Aquestes testimonis bin e auzin quand l’avantdit A. de Lavedan e son fil Fortaner ag den aisi, cum avantdites, e que meton las avantdites fizances, perqu e totz temps ag fesen bon aisi cum avantdit es. Actum annoDorr.ini MCCLI.

Factum fuit in mense febroarii.

Symone de Monteforti tenente locum Comitis Bigorre, A. R. de Caudarasa Episcopo Bigorre; A. de Clarag notarius civitatis Tarviæ scripsit hoc utriusque consensu.

Donation de Geys a l’Ordre de Saint-Jean (1300) i.

In nomine Domini nostri Jesu Christi. Amen. — Conoguda causa sia als presens e als abiederes que mosenhor Em. Ber. Bescons d^Aster, en A. W, soo frai, e Ber. d’Aster filh d’el davantdit Vescons edonzels, per lor e pels lors e après de lor, en