AMOUREUSE
S'amant veult vivre en consolation
Et acquérir des biens grande habundance, Il serve Amours en vraie entention ;
Car c'est celuy qui ses subjects avance, Tant et large, puissante et honorable ;
Et qu'il soit vray par sa vertu louable, Son serviteur de touz vices absente,
Puis le conduit en la joieuse sente
De Doulx Regard, ou par plaisance heureuse Desir luy vient qu'a damme Amour s'asente, Ou grâce maint et douleur plantureuse.
Et puis que Amors par bonne affection
Donne aux loyaulx de ses biens congnoissance, Amans luy doibt en humble intention Hommaige faire et rendre obéissance ;
Car de deux cueurs en fait ung véritable, D'’ung seul penser et volenté fiable :
Et le couart de hardement contente.
L'amant qui cuide est loing de son entente, Mais quant il a pensée cremeteuse,
Pitié le tient delez elle en sa tente,
Qui pour amans conforter et songneuse.
Dont doibt amant, sans variacion, Servir Amour de toute sa puissance, Lequel donne sens et discrétion
A son Servant, S'il y voit ignorance ;
Et se Envye luy veult estre nuysable,
Il trouve Espoir courtois et delectable :
Et au surplus tant de biens lui présente Que ce Mercy estoit de luy présente
Et voulsist estre envers luy rigoreuse, S'a il assés de biens qu’en son cueur ente Pour le tenir en leesse amoureuse.
Aussy Amours à domination
De son servant tenir en attemprance, Et à en luy telle perfection
Que plus de biens à en sa gouvernance Plus en donne de voulenté estable ; C'est la sourse de joye incomparable, C'est la mine de noblesse évidente, C'est le patron de humilité prudente, “ C'est le miroir de doulceur gracieuse, C’est le tresor ou aymant prent la rente De souflisance et paix délicieuse.
Dame sans per, d'umble condicion,
Fleur de beaulté, ou mise ay m’esperance, Amours m'aprent que, sans deception,
De mon cueur soit fait sur vostre aliance, Pour ce qu’en vous maint doulceur amiable, Laquetle m'est sur toutes agréable ;
Pour quoy je crains que chose violente
Je ne face, dont vous soyés dolente,
Car j'en aroie au cueur painne angoisseuse, Tant me souffist vostre riant jouvente,
Si vous supply que me soyés piteuse.
PRINCE DU PuY, raison est que j'augmente De bonne amour la puissance excellente Et la doulceur qu'est en dame joieuse,
À celle fin que par leur grace sente
Les biens qui sont en mercy savoureuse.
SERVENTOYS !
Forme du serventoys. — Et est dit serventoys pour
ce qu'il doibt
estre servant devant et derriere à une amoureuse, comme il s'ensuit, car cestui serventoys est servant devant et derriere. Et se font ces serventois à Lisle en Flandre, le premier dimanche devant
l'Assumption Notre-Dame; et doibvent parler de
. Notre-Dame et de la Passion Nostre-Seigneur.
S'amant veult vivre en consolation, Il doit avoir en son cueur souvenance Comment jadiz par suspiration Saint Jean vit ou saint Ciel la semblance D'une femme bénigne et charitable, Affublee du soleil delictable, Qui couronne portoit de œuvre excellente, Faicte de x1 estoiles, rice et gente,
ù Et enfanta par vertu glorieuse | Ung royal filz de majesté prudente, Ou grace avoit et doulceur plantureuse.
Et puis qu'amour par bonne affection A Saint Jehan donna la congnoissance De celle femme ou est discretion, Vray amant doibt avoir ferme Creance
l’'Assumption
4. Ce serventois est « servant devant » à l’amoureuse, parce que le premier vers
de chacun de ses couplets est le même que le premier vers
de chacun des
couplets correspondants de J’amoureuse; il lui est « servant derrière » parce que
le dernier vers de chacun de ses couplets est le même que le chacun des çouplets correspondants de l’'amoureuse.
dernier vers de
Que c'est la vierge authentique et loyable, A laquelle Saint Gabriel feable
Salut donna plain de grace evidente, Disant : « Marie, en toy est‘la jouvente De Dieu le filz par vertu precieuse,
Pour ce que t’es pucelle paciente,
Qui pour amans conforter est songneuse. »
Dont doibt amant, sans variation,
La digne femme avoir eu ramenbrance Que Dieu vesti par contemplation
Du pur soleil, qui est signifiance
De chasteté, dont vesture a notable ; Les estoilles de sa couronne estable Sont loyaulté, foy, paix, raison, solvente, Grace, pitié, concorde sapiente, Doulceur, mesure, humilité heureuse, Discrétion et amour qu'elle augmente.
Pour la tenir en liesse amoureuse.
Ainsi Amours a domination
De ceste femme avoir a sa plaisance,
Qui effanta sans deffloration Ù
Le benoît filz, ou est toute puissance ; Lequel depuis prit mort dure et grevable Pour réparer le grand peché dampnable D'Adam qui prist le g'oust du ftuit de l’ente Par le conseil d'Eve inobediente
Dont ils furent en chartre tenebreuse
Et perdirent par leur meffait la sente
De souffiscence et paix delicieuse.
Dame sans per, de humble condicion, Femme royale, en qui maint attemprance, Par Dieu le pere, ou est perfection,
Vous estes mise en lieu de suffisance,
. Ou vous rengnés en gloire pardurable,
Lez vostre filz bening et charitable ; Ou quel lieu que de vous soit présente Toute la joye, et on vous lè présente
Car son amour de vostre cueur prèz ente, Si vous supply que me soiés piteuse PRINCE, Cilz est eureux qui met s’entente A bien servir la Vierge savoureuse, Car en la fin ses biens servans contente, Tant que jamais n'aront paine angoisseuse.
