àuner l'él >fl

Qui de tous fut bien aliltré

Et puys se rendit cordelier

Car sa femme sans peu tarder,

Se mourut tout en ensuivant.

Et puys, Dyoscorus le grant

Fust joué par René Hubert,

Sergent du Roy, moult bien expert ;

Et le grant diable infernal

Fut, par André le Senescbal.

Monsieur, et sa noble contesse

Furent presens sans faire presse;

Au long de six jours; leurs trompectes,

Clerons, sonnans en choses faictes,

A toutes les belles entrées,

Et pauses, qui furent bien notées.

Tellement qu'a mont et a val

Il n'estoit honneur qu'en Laval.

Monsieur par son commandement

De Paris sieurs de parlement

Fist venir, a ses propres mises,

Pour de Barbe veoir les devises.

Tel pavillon avoit ou pré

Ou cent hommes eussent entré.