CHAPITRE DOUZIESME

Un homme pnny de mort pour avoir voulu temererement demeurer la nuict en cette eglise Sainct Michel K

Anciennement personne n’osoit entrer dans l’eglise de ce Mont-St-Michel, ny mesme le portier, après avoir fermé le soir les portes d’icelle n’osoit les ouvrir la nuict et jusqiies à ce qu’il fut temps de sonner pour aller à matines. Et certe l’antiquité n’avoit point introduit ceste coustume en vain, ains meue du respect qu’elle portoit aux anges, n’osant comparoir en la présence de ceux qui durant ce temps obscur de la nuict remplissoyent toute l’eglise d’une lumière plus claire que le soleil et chantoient trés-melodieusement des motets angéliques, ainsy qu’on a remarqué par plusieurs centaines d’années Or en toute saison se trouvant des hommes qui ne croyent s’ils ne voyent, un jour quelques uns doutèrent de cette merveille jusques à ce qu’un d’entre eux (nos manu-scripts ne disent de quelle

* Ms. II g f 15 et RR. f 138 —

Dans la première rédaction du travail de Dom Huynes (Mss. Français, 18.948 Bibliothèque nationale) ce chapitre porte le numéro 2 et fait partie du traité second.

’ Dès long temps cette constance ne se garde plus selon que l’on voit dans Le Mansel. Elle se pratiquoit aussy au Mont Gargan comme onvoit par l’hystoire.

qualité ou condition estoil cet homme ) les mit tous hors de doute, mais à ses despens ; car iceluy, devisant avec les sacristains, vint à leur demander pourquoy on ne permettait à aucun de demeurer la nuict en l’eglise, et à dire qu’il s’en esmerveilloit fort, attendu que cela ne se pratiquoit en aucune autre eglise jusques là mesme qu’en quelques unes les sacristains y prenoyent leur repos. A ces demandes ils respondirent que cette coustume s’estoit introduite , à cause du respect qu’on portoit en ce lieu aux anges lesquels, bien qu’en tout temps ils fussent présents en cette eglise, la remplissoient particulièrement la nuict d’une telle clarté que les yeux des mortels estoient trop foibles pour la regarder. Mais luy, ne faisant cas de cette response, dit hardiment, non sans témérité, qu’il y demeureroit volontiers une nuict entière, si on luy permettoit. Ce qui appresta à rire à toute l’assistance qui estimoit qu’il tenoit tels discours pour rire et non à autre fin. Mais voyant qu’il persistoit et asseuroit qu’il ne manqueroit d’executer ce qu’il disoit, alors ils en allèrent parler à leurs anciens, lesquels en firent quelque difficulté, et n’y voulurent condescendre jusques à ce qu’importunez par ce jeune homme, enfin ils luy permirent. Luy, bien joyeux et ignorant le malheur qui alloit tomber sur sa teste, se prépara par un jeusne de trois jours et, ayant lavé son corps, entra sur le soir dans l’eglise, et se cacha en un coin d’icelle. Ainsy caché, voicy sur le minuict que ce présomptueux se sentit frapé d’un fort-grand frison, puis aprez, espouvanté par certaines visions lesquelles il ne peut raconter, tomba par terre, tout pasmé d’ef-

froy. Abbatu de cette sorte, il vit toute l’eglise resplendir d’une lumière incomparable, et St Michel comme se pourmenant autour du sacré temple avec la Sainte Vierge, pieuse mere de miséricorde, et l’apostre St Pierre, porte-clefs du royaume celeste. Estant par la frayeur de cette vision estendu par terre presque à demy-mort,il entendit St Michel se plaindre à la Vierge et à St Pierre de ce qu’il sentoit en son temple une très-puante odeur comme d’un corps mort. Ce pauvre homme n’estimant que cela se dit de luy, tachoit de regarder de quel costé c’estoit, lors que voicy soudainement qu’il vit le St Arc ange s’approcher de luy avec un visage fort severe et que desjà il le prenoit de près. De fuir il ne pouvoit, voire mesme il luy estoit impossible de se mouvoir de la place. Tout ce qu’il peut faire fut de prier avec plus de dévotion qu’il put qu’on luy pardonnast. Lors la Ste Vierge, consolatrice des affligez, et l’apostre St Pierre, voyant ce pitoyable cryminel tant humilié, eurent compassion de sa misere et prièrent l’Arcange de luy pardonner ce péché de présomption. Ce que refusant, disant qu’une telle injure faicte à luy et aux esprits celestes ne se passeroit point sans estre puni, ils le supplièrent qu’au moins il luy donnas! du temps pour faire penitence d’un tel delict Mais l’Arcange se montrant difficile à condescendre à cette priere, la saincte mere de Dieu respondi pour ce jeusne homme et le cautionna, puis s’inclinant vers luy dit : « Golibert, pourquoy avez vous esté si outrecuidé que d’entrer en la connoissance de ces secrets des citadins du ciel ? Levez’vous[et sortez de

l’eglise au plus tost, et estudiez vous de satisfaire, selon que le pourrez, aux esprits celestes de l’injure que vous leur avez faict. » Cette vision estant disparue et iceluy ayant repris tellement quellement ses forces, ouvrant une des portes de l’eglise, sortit et se jetta sur le pavé du porche et demeura là jusques au temps des matines, auquel le resveilleur, entendant sonner l’heure, entra en l’eglise pour sonner et commença aussy à chercher d’un costé et d’austre ce faiseur de guet, et ne l’ayant pu trouver, après avoir cherché partout, il commanda sur le champ aux serviteurs de courir après, pensant qu’il s’en fut fuy et eut dérobé quelques sainctes reliques ou ornements. Mais sortans de la porte ils le trouvèrent devant eux, si debile et abbattu qu’à grand peine pouvoit-il quelque peu respirer. Ils en advertirent incontinant leur maitre, lequel grandement esmeu de compassion vint et s’enquit de luy comme il se portoit. Il luy respondit qu’il se portoit fort mal et raporta d’ordre tout ce qui s’es toit passé, sçavoir est ce qu’il avoit enduré, veu et ouy et comment la Saincte Vierge s’estoit obligée pour luy. Le soleil estant levé, il dit la mesme chose à tous ceux qui accoururent là pour le voir, confessant son péché devant tous, et les deux jours suivants, l’ayant continuellement pleuré , le troisiesme, il trespassa.