CHAPITRE HUIGTIESME
Un polerin emportant une petite pierre de ce Mont par dévotion, d’autant qu’il n’en avoil demandé permission aux religieux, est puny de maladie. (>'1
Un pelerin des quartiers dTtalie vint du temps du mesme Hildebert abbé en pèlerinage en cette eglise, où touché de dévotion il prit une petite pierre du rocher qu’il emporta avec soy s’en retournant, et la mit dans un autel de l’eglise du monastère voisin de son logis Mais, d’autant qu’il avoit esté si hardy que d’emporter cette petite pierre sans permission, Dieu permit qu’il ^tombast malade la veille de son arrivée en son logis, et jaçoit que tous les médecins employassent toute leur industrie pour le guérir ( car c’estoit un homme fort riche et qui n’espargnoit rien pour revenir à la santé ) si est-ce toutefois qu’ils ne luy purent donner aucun soulagement. Or advint que, quelques années après, deux religieux de ce monastère, l’un desquels avoit nom Bernard et l’autre Vidal, allèrent avec permission de leur abbé en pèlerinage au Mont-Gargan et passèrent par le village de cet homme où, à cause que la nuict approchoit , ils cherchèrent quelque hos-
1 Mss. Ilg Fol. 27 ù Fol 26. RR Fol. 143.
tellerie pour se loger. De quoy cet infirme adverty, sçachant qu’ils estaient religieux de ce Mont St-Michel, les supplia et contreignit de prendre son logis, où il les traicta fort lionnestement. Pendant qu’ils prenoient leur réfection, le malade leur dit que autrefois il estait venu en pèlerinage en ce Mont Sainct-ichel et que depuis son retour il avoit tousjours enduré quelque infirmité corporelle. A quoy ils respondirent qu’ils s’esmerveilloient fort de ce qu’il disoit, veu que non seulement ceux quiy venoient en pèlerinage sains s’en retournoyent très contens , joyeux et satisfaicts, mais aussy ceux qui y venoyent vexez de maladies en sortaient entièrement guéris. Mais, luy dirent-ils, n’auriez vous point esté vous mesme cause de cette maladie ? N’avez vous point rien commis sur les chemins, allant ou retournant ou estant au Mont, qui ait desplu à cet Arcange. Iceluy respondant que non, ils luy demanderont s’il n’avoit rien apporté de ce Mont comme pour bénédiction ? Il respondit qu’il s’estoit chargé en partant d’une petite pierre. A ce esté, dirent ils , avec le consentement de quelque religieux? — Non dit-il. — Gela sans doute , respondirent ils , est cause de vostre mal. De façon qu’ils luy conseillèrent de faire vœu à Dieu que , s’il luy plaisoit luy rendre sa pristine santé, il visiteroit ce sacré temple et rapporteroit luy-mesme cette pierre. Ce qu’il accorda de faire, hormis qu il dit qu’il ne reporteroit la pierre, mais qu’au lieu il ofîriroit à Sainct Michel plusieurs grands dons. Et les motifs qui le poussoient à dire cela estoient que depuis qu’il avoit apporté cette pierre , bien qu’il eut esté tousjours
malsain , neantmoins luy et toute sa famille avoyent prospéré en toute sorte de biens. Les religieux luy dirent qu’il ne fit aucune difficulté sur ce poinct, que, pourveu qu’il voulust s’accorder de la rapporter, qu’on la luy donneroit volontiers et toute autre chose qu’il demanderoit. A quoy, après s’estre rendu fort contraire, enfin il acquiesça, et fit vœu devant eux d’accomplir ce qu’ils luy conseilloient. Gela faict, le lendemain, les religieux poursuivirent leur chemin pour aller au Mont- Gargan, luy promettans qu’ils reviendroient par son logis et luy tiendroient compagnie. Ce qu’ils firent, et à leur retour le trouvèrent guery, qui les attendoit dès long temps, et estoit prest à partir. Le jour suivant, il se mit en chemin avec eux, et arrivé en ce Mont il mit la pierre sur l’autel St Michel, offrant quant et quant de ses biens, et l’ayant reprise avec consentement des religieux, il la remporta en son pays où il fit bastir une eglise et la mit dedans. Par ainsy il se porta bien le reste de ses jours, et toute sa maison abonda en prospérité, et reconnut par celte action, comme aussy tous ceux qui la virent, le soin que St Michel prend de conserver tout ce qui appartient à cette sienne eglise du Mont, puisqu’il chastie ainsy ceux qui sont si osez que d’y prendre quelque chose sans permission et faict croistre à veue d’œil les biens de ceux qui humblement et avec congé en prennent quelque chose par dévotion quoyque de petite valeur.
