CHAPITRE DOUZIESME

Un homme perclus de scs membres est giicry en cette cgliseU

L’an mil cent quarante-six , le mercredy après l’octave de la Résurrection de nostre Seigneur, sur le inidy, un pelerin nommé André natif de la ville de Foulgeres, veint visiter cette eglise par dévotion, ayant les bras, les pieds et tous les doigts retors et les nerfs tellement retirez que difficilement pouvoit il manier quelque chose. Et voicy que soudain entrant en icelle, son baston avec lequel il s’appuyoit tellement quellement s’eschappa de ses mains et se sentit, d’autre part, tellement tourmenté et gehenné en toutes les parties de son corps qu’il ne sçavoit de quel costé se tourner, que dire ou devenir. Seulement s’escrioit-il de toutes ses forces, et jettoit des profonds soupirs si horribles, vehemens et espouvantables qu’il esmouvoit à compassion et droit les larmes non seulement de ceux qui estoient autour de luy mais aussy de ceux qui l’enten-

* Mss Ilg, Fol. 32 A Fol. 16 RR. Fol. 148.

doient de loin. Prosterné ainsy devant l’autel St Michel, il imploroit l’ayde de ce St Arcange et le supplioit d’interceder pour luy envers nostre Seigneur. Enfin ces clameurs estant quelque peu appaisez, un des religieux qui estoit venu à ce bruit l’interrogea comment cette infirmité luy estoit arrivée. Et iceluy luy respondit en ces termes : Le jour devant la cene de nostre Seigneur, chauffant le four, pour cuire du pain pour ceux de ma famille, je devins soudainement tout gourd et roide, ainsy que voyez, et lors comme si mille lances m’eussent transpercez, je tombay par terre comme mort. Quelque temps après revenu à moy, je me résolus de venir en pèlerinage en ce Mont et de supplier les religieux de prier Dieu pour moy. Mais, ô malheureux que je suis! voilà maintenant que je sens deux fois autant de douleurs. Le sacristain nommé Richard, qui entendait ce propos, luy conseilla de se confesser, luy disant qu’en la confession tous pechez sont nettoyez et que, s’il faisait ce qu’il luy conseilloit, il recouvreroit au plus tost la santé tant de l’ame que du corps. Ayant donc faict venir un prestre nommé Martin, il luy déclara et confessa tous ses pechez avec grands soupirs et abondance de larmes , et en receut l’absolution; puis aspergé par trois fois d’eau benite, à la troisiesme fois, soudain les doigts de ses mains craquetans se remirent en leurs lieux ordinaires et naturels avec une telle vehemence , que cet homme de douleurs et d’angoisses tomba en pasmoison et comme mort devant l’autel. Ce qui fut cause qu’on appella vistement tous les religieux lesquels , estans

venus , la douleur de cet homme estant quelque peu appaisée , rendirent grâces à Dieu et à St Michel de ce que ses membres estoient si bien rejoincts et le consolèrent : Et finalement, ayant petit à petit recouvré ses forces, s’en retourna sain et joyeux en son pays.