CHAPITRE VINGTIESME

Deux enfans empeschez par leurs parents de venir visiter cette eglise meurent de regret K

La mesme année au diocese de Sées proche le village nommé Eschouchié, il y avoit deux enfants lesquels desiroient fort venir en pèlerinage en ceste eglise et vouloient au plus tost se mettre en chemin quoyqu’ils n’en eussent la permission de leurs parens. Ce que considerans leur pere et mere, ils voulurent refréner ce désir tant vehement, lequel, ainsy qu’il leur

1 Mss. llg Fol. 38, RR. Fol. 189.

sembloit, excedoit les bornes de la modération. A ceste fin il les enfermèrent sous la clef dans une petite chambre, esperans que cette subite émotion s’adouciroit. Et certe elle s’adoucit voyerement, ou plustost s’esteingnit du tout, mais bêlas! d’une estrange maniéré. Car quelque peu de temps après, leur pere allant voir s’ils n’auroient point changez de resolution, en ouvrant les portes de la chambre, les trouva roides’ morts gisans par terre, ayant les mains estendües vers le ciel comme s’ils eussent imploré l’ayde de St Michel, lequel (ainsy qu’il est croyable) receut leurs âmes et les conduisit au ciel : une tant ardente dévotion leur ayant esté réputée pour méritoire.