CHAPITRE VINGT QUATRIESME
Un homme sourd et muet dès sa naissance recouvre l’ouye et la parole dans cette eglise ^
La mesme année, le lundy du vingt huictiesme jour de juin , veille de St Pierre et St Paul, entre le temps de nonne et vespres, une bande de pèlerins composée de vingt sept personnes tant hommes que femmes arriva en cette eglise, et estoit partie d’un village nommé Sap au diocèse de Lizieux. En icelle il y avoit un homme aagé de vingt cinq ans ou environ, natif de la ville de Caen , sourd et muet dès sa naissance, selon
‘Mss. Il» Fol. 41, A Fol. 31. RR Fol. 184.
son tesmoignage et de tous ceux qui l’avoient connu et demeuré avec luy, envers lequel Dieu fit paroistre sa puissance. Car dès aussitost qu’il se fut mis à genoux i devant l’autel St-Michel, incontinant sa langue fut déliée et ses oreilles débouchées, et s’en allant auprès la chapelle St-Jean l’Evangeliste il ouvrit sa bouche avec un fort grand bruit et rugissement et dit : Sainct Michel, aydés moy. Ce qui remplit d’admiration tous ceux qui l’avoyent connu, et le bruit de ce miracle se divulgant de tous costez, les religieux furent appeliez pour voir cette merveille. Iceux s’enquirent diligemment tant de cet homme que de ceux de sa compagnie comment le tout s’estoit passé et apprirent par leur serment qu’iceluy avoit esté muet et sourd depuis sa ; naissance jusques alors. Pour voir si cela estoit vray, ils luy demandèrent comment on le nommoit. Il res- I pondit qu’il ne sçavoit, et entendant la populace qui ! disoit qu’il le falloit nommer Pierre à cause que ce jour là estoit la veille de St Pierre , il dit qu’on l’ap- 1 pelleroit Pierre et non autrement. Cela faict , on le j retint plusieurs jours en ce Mont pour mieux connoistre I si la vérité estoit qu’il n’avoit ouy ou parlé jamais et , estant très évidente , on rédigea par escrist ce miracle que nous avons icy descript succinctement.