CHAPITRE VINGT HUIGTIESME

Une mere empesche sa fille de venir en pèlerinage et pour cela perd la parole, puis invoquant St lAlichel la recouvre ^

La mesme année, la femme d’un nommé Richard Hugier, de la parroisse de la Poterie au susdit diocese de Eayeiix. empescha sa fille de venir en pèlerinage en cette eglise. De quoy cette fille grandement affligée, perdit la parole, tomba en pasmoison et son visage devint comme noirrastre. Peu après, par la miséricorde de Dieu, et à cause de l’ardente dévotion qu’elle portoit à St Michel, elle recouvra la parole et revint à soy, mais, tout incontinant, sa mere cessa de parler et depuis ne put oncques dire un seul mot jusques à ce que, venant avec sa fille visiter ceste eglise, elle fit son oraison devant 1 autel St-Michel où elle recouvra la parole. Ces quinze derniers miracles furent faicts entre la Pentecoste et le sixième jour de juillet suivant. Et

1 Mss. Ilg Fol. 46 A Fol 37. RR Fol. 188.

certes on pourroit dire que St Michel en avoit donné un signe lors que la derniere feste de la pentecoste de l’an susdit, il fit paroistre une grande clarté sur le clocher de ceste eglise, le ciel estant remply de tonneres et d’esclairs et les cataractes des deux semblants se vuider pour abismer ce rocher ^ . Ces tempestes neantmoins ne firent aucun tort, non pas mesme au plus petit logis, ce qui fut tenu pour trèsmiraculeux. Que si depuis la fondation de ceste eglise et l’apparition de St Michel à St Aubert il se fut rencontré des personnes qui eussent couché par escript chaque année tous les miracles faicts en ceste église, comme nous voyons avoir esté faict ceste année, nous en voyrions maintenant un nombre infini.