CHAPITRE TRENTE ET UNIESME
De Jean Le Veneur second commendataire.
Dès aussy tost que Jean de Lamps abbé fut mort plusieurs se mirent à courir la poste vers la ville de Rloys où estoit François premier, roy de France avec madame Louyse de Savoie sa mere pour demander à Sa Majesté d’estre nommez à cette abbaye. Mais personne d’eux n’emporta le prix, lequel fut réservé pour Jean Le Veneur evesque et comte de Lisieux qui suivoit la cour qui l’obtint selon que nous allons dire.
L’an mil cinq cent quinze, Leon dixiesme souverain pontife et le roy de France François premier s’entrevirent cà Roulongne la Grasse où sa Saincteté octroya à sa Majesté la nomination aux archeveschez, eveschez, abbayes et prieurez vrayment électifs sous certaines formes et conditions, lesquelles entre autres exceptoient cette abbaye qui avoit outre le droict commun d’eslire plusieurs privilèges des Papes qui confirmoient ce droict selon que nous avons desja monstré. Voicy les paroles du concordat du susdit pape Leon dixiesme et de François premier : «Léo episcopus, servus servorum Dei )),et plusieurs lignes après : « Demonasteriis vero et prioratibus conventualibus et vere electivis videlicet in quorum electionibus forma capitis quia propter serva-
tur efc confirmationis electionum hujusmodi solemniter peti consueverunt in regno, delphinatu et comitatn hujusmodi nunc et pro tempore etiam per similern cessionem vacantibus,illorum conventus ad electionem seu postulalionem abbatis seu prions procédera non possint, sed idem rex, illorum occurente hujusmodi vacatione, religiosiis ejusdem ordinis in œtate viginti Iriurn annorum ad minus, constitutum infra simile tempus sex mensium die vacationis monasteriorurn et prioratuum hujusmodi computendorum nobis et successoribus nostris aut sedi hujusmodi nominare et de persona hujusmodi per regem hujusmodi monasterio vacanti nominata per nos et successores nostros seu sedem hujusmodi provideri. » Et quelques lignes après:
« Per prœmissa tamen non intendimus in aliquo prœjudicare capitulis ecclesiarumet conventibus monasteriorum et prioratuum hujusmodi privilégia à sede apostolica proprium eligendi prœlatum obtinentibus, quominus ad electionem episcoporum ac abbatum et priorum juxta privilégia eis concessa libéré procedere possint juxta formam in eorum privilégia contentani. » On voit par là quel droict les roys de France avoyent de nommer aux abbayes et que celles qui avoyent des privilèges du St Siégé d’eslire leur abbé n’y estaient point comprises. Partant les couriers susdits ayant adverty le royet madame sa mere de la vacance de ce monastère, ce qui restait à faire à leurs Maj estez estait de s’enquérir si cette abbaye n’avoit point de privilèges pour eslire ses abbez. Ce qu’ils firent et premièrement madame Louyse de Savoye mere du Roy
envoya la lettre suivante aux religieux et donna charge au porteur de les advertir que son intention estoit que l’Evesque de Lizieux fut leur abbé.
« De par madame Regente en France,
Chers et bien amez, nous avons présentement esté adverbe du trespas de vos Ire feu abbé et pour ce que le roy, nostre très cher seigneur et fils et nous aurions à singulier plaisir qu’il vous feust pourveu en son lieu de quelque bon, vertueux et honorable pasteur pour vostre abbaye et vous bien régir, administrer et aussy qu’il feust personnage seur, loyal et feable audit seigneur et à la couronne de France aiiisy que «vous sçavez que la situation de vostre abbaye le requiert et pareillement le temps qui court à présent ; à cette cause nous vous prions et mandons bien expressément suivant le pouvoir à nous donné par nostre seigneur etfilsqu’incontinant ces présentes receues vous ayez à depputer deux ou trois religieux d’entre vous pour venir icy devers nous et par eux nous envoyer vos privilleiges d’oslire, si aucun en avez, afin de les veoir et visiter par le conseil de nostre dit seigneur et fils, et s’ils sont bons et vallables soyez seurs qu’ils vous seront conservez et gardez comme il appartient. Mais cependant et jusques à ce que nous ayons faicts veoir iceux vos privileiges et dit et déclaré à vos dits depputez le voulloir et intention de nostre dit seigneur et fils sur le faict et elec-
tion ou postullation de vostre futur abbé, gardez sur tant que vous aymez le bien de vous et de vostre ditte abbaye d’eslire ou postuller en aucune maniéré, vous â advisant que après que aurez entendu ce que nous | avons à dire à vos dits depputez cognoistrez que avons ^ vostre ditte abbaye autant en bonne recommandation que nul autre de ce royaume et de sorte que avez cause d’estre grandement contents et satisfaicts. Donné î à Bloys ce dixiesme décembre. Signé : Louyse, et plus bas : Robertet. »
Un courrier fut incontinant depesché pour apporter celte lestre et l’Evesque de Lisieux qui desiroit passion ement estre abbé de ce monastère à cause du revenu, de peur que cette lettre n’eut assez d’authorilé en obtint trois jours après une autre du roy telle que s’ensuit :
De par le Roy,
Chers et bien amez, nous avons présentement esté adverty du trespas de vostre feu abbé et pour ce que avez peu entendre et cognoistre par ce que vous a en dessus escript nostre très chere et très amée dame et mere le vouloir et le désir que nous avons à ce que nostre amé et féal conseiller l’evesque de Lizieux duquel nous avons autant ou plus de fiance que de prélat de cestuy nostre royaume soit pourveu de vostre ditte abbaye, ainsy qu’il est très requis et necessaire,
attendu la grande et grosse importance dont nous est laditte abbaye prochaine et limitrophe de nos ennemys et le temps de guerre et hostilité qui court de présent, à cette cause nous vous prions et mandons très expressément et sur tant que desirez nous obeyr et complaire que ayez à depputer deux' ou trois bons personnages d’entre vous pour venir là part que serons et par eux nous envoyez vos privileiges d’eslire, si aucun en avez, afin de les faire voir et visiter par nostre conseil et s’ils sont bons et vallables les vous conserver et garder comme il appartient, ausquels vos depputez nous dirons et ferons entendre plus amplement nostre vouloir et intention qui ne cedera seullement aus grant bien, prouffit et utilité de vous et de vostre ditte abbaye mais de tout nostre pays de Normandie. Parquoy derechiéf vous prions et mandons aussy le faire sans cependant et jusques à ce que ayons veu et faict veoir vos dits privilleiges procéder à aucune élection ou postullation, et gardez que à ce ne faictes faute sur tant que craygnez nous desobeyr et desplaire. Donné à Bloys le treiziesme jour de décembre. Signé ; François, et plus bas : Robertet avec un paraphe. »
Auparavant que cette seconde lettre fut arrivée les religieux, s’estoient desjà assemblez en chapitre où ils avoyent faicts la lecture de la première et après avoir meurement pensé au contenu d’icelle avoyent conclu qu’il falloit obéir et traicter cet affaire amiablement avec telles personnes aux prières et vouloirs desquelles il ne faict bon contrevenir. Et se pressèrent encore davantage entendant la lecture de cette seconde. Donc
tant le prieur que le couvent envoyèrent à Bloys trois des premiers d’entre eux à sçavoir Thomas Roussel chantre, Michel Danneville aumosnier, et Louys de Festan infirmier chargez des susdittes bulles des papes et privilèges des roys de France touchant le poinct de l’election, outre plusieurs autres lettres qui montroient évidemment comme en tout temps les religieux de céans s’estoient maintenus courageusement en l’obéissance des roys de France contre tous les efforts des ennemys. Iceux furent benignement receus à Bloys et le roy commanda à son chancelier et autres de son conseil d’examiner très exactement tous les papiers et bulles qu’ils apportoient. Ce qu’estant faict, enfin le chancelier avec l’advis du conseil conclut pour la valeur des bulles qu’ils apportoient (car qui pourroit aller au contraire seulement au seul aspect des fulminations qui y sont), et le roy renvoya les desputez bien contens en ce monastère avec toutes leurs bulles, lesquelles nous voyons encore saines et entières, leur accordant et à tout le couvent qu’ils esleurrent un abbé conformement à leurs privilèges et leur donnant la lettre suivante pour apporter à leurs confrères :
« De par le Roy,
Chers et bien amés, en satisfaisant et obéissant à ce que vous avons cy devant escript et mandé, vos depputez sont venus par devers nous lesquels nous ont ap-
porte vos privilleiges d’eslire que avons faicts veoir par nostre conseil vous advisant de la bonne diligence et obéissance que en ce vous avez faicte et démontrée, vous avons sçeu et sçavons très bon gré et sommes bien délibérez de ne la mettre en obly, mais la recognoistre envers vous et vostre eglise de sorte que aurez cause d’estre bien contens et satisfaicts. Et quand à l’election ou postullation de vostre futur abbé nous avons été et sommes bien contens que, suivant vosdits privilleiges, ayez à y procéder, espérant que en refaisant aurez bon regard à l’importance de vostre ditte abbaye, et combien elle touche à nous et à nostre royaume et le besoin qu’il est que en icelle soit pourveu de personnage en qui nous ayons totale confiance. Donné à Bloys le premier jour de janvier. Signé: François, et plus bas, Robertet avec un paraphe. »
Les depputez contents tellement quellement du bon accueil qu’on leur avoit faict et de la lettre confirmative en apparence de leurs privilèges retournèrent en ce Mont où ils dirent à tous leurs confrères combien ils s’estoient comportez diligemment en cette affaire, puis leur firent faire la lecture de la susditte lettre, de quoy ils eussent été sans doute fort contens, si ces depputez n’eussent eu parole du roy de leur dire de bouche que son vouloir estoit qu’ils postulassent Jean le Veneur evesque de Lizieux pour leur abbé. Et cet evesque et comte, de peur que les religieux y manquassent ou retardassent trop l’affaire, impetra du roy une autre lettre le quatriesme de janvier laquelle fut apportée par un courrier exprès qui arriva en ce Mont presque
aussy tost que les susdits depputez. Voicy la teneur de cette lettre :
€ De par le Roy
« Chers et bien amez, combien que nous ayons ditet déclaré aux depputez que avez envoyé devers nous avec vos privilleiges d’eslire lesquels vous avons renvoyé, nostre voulloir et intention sur le faict de la postullation de vostre futur abbé et que ne facions aucun doubte que suivant icelluy nostre voulloir et désir ne postuliez nostre amé et féal conseiller l’evesque de Lizieux duquel, comme vous avons cy devant faicts entendre, nous avons autant ou plus de fiance que de prélat qui soit en cestuy nostre royaume, outre les bonnes meurs, vertus, mérités, pureté de vie et autres bonnes et louables qualitez qui sont en sa personne, sçaura aussy bien régir, administrer et gouverner vous et vostre abbaye à l’honneur de Dieu et descharge de nostre conscience que nul autre que nous sçachions, neantmoins pour ce que c’est chose que nous avons autant à cueur que nulle autre et que pour l’importance dont nous est vostre ditte abbaye ne pourrions aucunement souffrir estre pourveu en icelle de personnage que ne cognoissions envers nous et nostre royaume loyal et fidelle, ainsy que nous est icelluy nostre conseiller, à cette cause avons bien voulu vous escrire encore la présente vous priant et mandant bien
expressément et, sur tant que desirez nous complaire et satisfaire et que desirez le bien de vous à de vostre ditte eglise, que ayez prompLemer-t ci sms de^ày a demander et postuller pour abbé nostre dit conseiller evesque de Lizieux et non autre et pour aucunes bonnes causes que ne vous pouvons de présent escrire, et vous prions vous diligenter et avancer de promptement et incontinant après que vos dits depputez seront arrivez par devers vous, faire laditte postullation sans la mettre en longueur ne différer en aucune maniéré et icelle faicte l’envoyez incontinant par devers nous par aucuns d’entre vous et gardez que à ce ne faictes fautes. Car tel est nostre bon plaisir. Donné à Bloys le quatriesme jour de janvier, signé : François, et plus bas : Robertet avec un paraphe. »
Cette lettre tant absolue impetrée à la grande instance de Jean le Veneur mit hors de peine les religieux de beaucoup pensera se résoudre. Car ne vaut-il pas mieux perdre une partie que de perdre le tout. Ils s’accordèrent donc tous à la volonté du roy et esleurent ou plustost consentirent que le susdit evesque de Lizieux fut leur abbé cornmendataire lequel ne sçachant 1 élection faicte de sa personne despecha derechef un courrier pour apporter encore une lettre telle que s’ensuit.
« De par le Roy
« Chers et bien amez, auparavant que vos depputez fussent venus par devers nous avions despesché nostre
amé et féal conseiller et president à Rouen le sieur de Goulonces pour aller par devers vous et vous dire, remontrer et déclarer le grand voulloir désir et affection que nous avons tant à cueur qu’il n’est possible de plus, comme avez peu entendre parce que vous avons cy devant escript et que vous aurons dit vosdits depputez. Neantmoins avons bien voulu vous escrire et prier derechief tant affectueusement que faire povons que le plus promptement et diligemment que faire ce pourra vous ayez à procéder à la postullation de nostre dit conseiller l’evesque de Lizieux, car pour aucunes causes que ne vous povons à présent escripre il est requis que ainsy ce fasse, en croyant et adjoustant pleine et entière foy à ce que vous en dira sur ce de par nous ledit sieur de Goulonces, comme feriez à nostre propre personne. Donné a Bloys le septiesme janvier. Signé : François, et plus bas : Robertet avec un paraphe. »
Ainsy ce fit l’election de Jean le Veneur evesque et comte de Lizieux ' ] ainsy fut admis en cette abbaye le second commendataire. Dieu sans doute permit cet infortune pour punir les religieux et leur faire porter tant leurs fautes que celles de leurs devanciers qui avoyent partagé le bien du monastère par entre eux exigeant des menses abbatiales, des revenus particuliers pour chaque officier, créant des prieurs pour aller demeurer seuls en des maisons particulières et leur donnant des rentes [particulières pour y vivre à leur
i Fils de Philippe le Veneur et de Marie Blossetselonquedit Pierre Frizon en son livre intitulé Gallia purpurala p. 582.
volonté; bref les abbez voulant paroistre par dessus les evesques en leurs ornements pontificaux et par dessus les séculiers et grands seigneurs en leurs habits et en leur suite. Mais les commendataires vescurent-ils mieux? Helas! ces desordres s’accrurent bien davantage. Quiconque desire voir leurs comportements en general, qu’il lise le premier tome du recueil general des affaires du clergé de France imprimé à Paris l’an mil six cent trente six chez Anthoine Vitray. Là il reconnoistra la perte et decadence de tous les monastères.
