CHAPITRE SEPTIESME
Saint Aubert faictbastir une petite eglise, puis va au devant des sainctes reliques et est tesmoin du miracle arrivé en une femme aveugle; bref, voulant dedier l’église, est adverly que Dieu l’a dediée.
Sainct Aubert qui auparavant que d’envoyer au Mont-Gargan avoit applany, assisté de l’ayde divine, toutes les difficultez qui se rencontroient au lieu où il faisoit bastir l’église et qui sçavoit de quelle grandeur la vouloit l’arcange St-Michel commença à la faire eriger, y aydant aussy liiy mesme, dès aussy tost qu’il eut envoyé les chanoynes susdits au Mont-Gargan, et la fit bastir non point superbement ou avec beaucoup d’artifice, ains simplement en forme de grotte, capable de contenir environ cent personnes, désirant qu’elle fut semblable à celle que le glorieux St Michel avoit luy mesme creusée dans le roc du Mont-Gargan, et nous voulant montrer par là que ce n’est point tant aux temples extérieurs que Dieu requiert de la somptuosité et magnificence comme en nos cœurs qui sont
les temples du Sainct-Esprit, lesquels nous devons eslever bien haut par des desvotes et frequentes prières et les parer et orner de toutes les sainctes vertus. Et pour dire vray, l’experience journalière nous apprend assez que là où sont les temples les plus somptueux, c’est là où nous sommes les moins dévots, la corruption de nostre nature estant telle que de faire repaistreet entretenir nostre vaine curiosité des choses mesmes dont nous devrions nous exciter à louer et remercier Dieu, et ainsy, au lieu d’estre venu honorer Dieu et ses saincts dans leurs temples, nous nous trouvons avoir passé notre temps à regarder vainement ce qui y estoit de plus curieux à nos sens. Mais retournons à nostre histoire.
Au temps que le messager envoyé de la part des chanoynes annonça leur arrivée, St Aubert pensoit à dedier le temple qui depuis peu estoit achevé. Mais à raison de ces nouvelles il jugea qu’il seroit plus à propos, auparavant que de passer plus outre, d’aller au devant des sainctes reliques. Tous donc se préparèrent et l’evesque se revestit de ses habits pontificaux, et descendant de la montagne allèrent jusques à Beauvoir où les chanoynes qui avoyent apporté les sainctes reliques , voyant de loin venir cette procession et entendant dire que leur St Prélat y estoit furent au devant, se jetterent à ses pieds pour recevoir sa bénédiction et luy rapportèrent succinctement ce qui leur estoit arrivé depuis leur départ, avec esperance de luy en parler plus au long, lorsque la commodité s’en presenteroit. Je passe icy sous silence les affections dont un
chacun se sentoit touché; car qui est celuy qui les pourroit vrayment exprimer, veu mesme que ceux qui y estoient presens eussent bien eu de la peine à les expliquer? Tous estoient épris d’une dévotion sans pareille et saisis d’une joye indicible. Enfin après que un chacun eut révéré les sainctes reliques, on parla de les apporter en ce Mont. Tous prirent leur rang pour marcher processionnellement. Et, ô vertu divine ! afin que, un chacun reconnut clairement les riches thresors qu’ils possedoient, à peine une femme aveugle qui se faisoit conduire pour accompagner les sainctes reliques estoit parvenue sur les grèves, qu’elle recouvra la veue par la vertu d’icelles, dont un chacun demeura fort esmerveillé et conceut encore une plus grande dévotion envers icelle ; et dès ceste heure pour n’oublier jamais un tel miracle, et aussy à cause que cette femme, dès aussytost quelle commença à voir s’escria : « Qu’il faict beau voir j ! on nomma le village d’où elle estoit Beauvoir, qu’on nommoit auparavant Asteriac. La procession estant arrivée au haut de ce Mont, on colloqua les sainctes reliques decemment en l’eglise, puis un chacun se retira ès petits logis et cabanes qu’on avoit bastys autour d’icelle, attendant le lendemain pour en faire la dédicacé. Mais la nuict, l’Arcange s’apparut à St Aubert et luy dit qu’il avoit esté présent et tous les Esprits celestes à la dédicacé qu’en avoit faict le Seigneur de toutes choses et partant qu’il n’avoit qu’à y entrer et à y offrir ses vœux et prières ^ . Le jour
' Les bons et anciens manu-scripts de ce Mont varient en cet endroict, les uns disants que St Aubert la dédia, les autres que ce fut le
venu, le vigilant pasteur advertit son cher troupeau de ce qui luy avoit été dit, et entrant dans l’eglise prit les sainctes reliques qu’il avoit mis en un lieu decent, ainsy que nous avons dit, et les colloqua sur l’autel St-Michel dans une chasse, puis commença à chanter l’office canonial avec ses chanoynes et à y dire sa messe. On voit encore aujourd’huy dans la chapelle Notre-Dame sous terre, qui est dessous la nef, l’autel . quoy qu’à demy demoly, sur lequel ce sainct célébra, et cela seul nous reste de tout ce qui fut basty pour lors et de l’eglise que nous disons que St Aubert fit construire en l’honneur de St Michel où est maintenant cette chapelle.
