LES CONTENTS. IH

Gexeviefve. — Jo n'ay pas peur, Dieu mercy, que ma servante en ' parle, je me fie bien en elle. Mais je crains. Françoise. — Que craignez-vous 2

Geneviefve. — Que sc^ay-je?

Françoise. — Vous estes une amoureuse peu hardie, vous n'avez pas encores monté sur l'ours.

Geneviefve. — Je crains que Basile, se voyant seul avecques moy, ne veuille entreprendre quelque chose sur mon honneur. Que m'en conseillez-vous? N'ay-je pas occasion de craindre?

Françoise. — Geneviefve, m'amie, je vous ayme comme ma propre fille, et serois bien marrie que Basile, que j'ayme aussi connue mon fils, eust fait en vostre endroit chose qui ne fust à faire; mais asseurez-vous aussi que je le cognois tel et si bien complexionné qu'il ne voudroit pour mourir faire rien qui soit contre vostre volonté, et seroit marry de vous avoir tiré un cheveu de la teste que vous ne luy eussiez mis premièrement le bout en la main. Je vous scay bon gré, toutesfois, de ce que vous m'en demandez mon advis, car on dit comnmnément : Conseiile-toy, et tu seras conseillé; et on ne srauroit trop apprendre, principalement des vieilles gens, qui pour avoir long-temps vescu, sont plus fines et ont plus d'expérience que les jeunes barbes ; mesmes j'ay ouy prescher cest advent dernier que le diable est fin pour ce qu'il est vieil.

Nivelet. — Voylà comment il faut faire son profit des sermons. 0 quelle belle instruction !

Françoise. — M'amie, en ma conscience, je ne vous conseille rien qui ne soit bon, et pouvez bien penser qu'estant sur le bord de ma fosse, preste de rendre conte à Dieu de ce que j'ay fait en ce monde, ne vous voudrois induire à faire chose qui peust tant soit peu souiller mon ame ou la vostre, car autant vaut celuy qui tient que celuy qui escorche. La demande de Basile qui vous ayme de si bon amour, est sainte, juste et raisonnable. Vous avez ouy dire souvent à vostre confesseur, comme je croy, qu'il faut aymer son prochain comme soy-mesme, et qu'il se faut bien garder de tomber en ce vilain vice d'ingratitude, qui est l'une des branches d'orgueil, lequel a fait tresbucher au plus creux abisme d'enfer les anges, qui estoient les plus belles et les plus heureuses créatures que Dieu eust faites. Ne seriez-vous pas une ingrate, une glorieuse, une outrecuidée, si vous ne faisiez conte des justes prières de celuy qui ne voit par autres yeux qne par les vostres?

Geneivefve. — Vos raisons me semblent si bonnes, que je pense-