LIVRE IV
Desjà la corpulence de Balde commençoit fort à s'accroistre, et ses membres s'estendoyent grandement, tellement qu'il avoit cinq brasses de haut, les espaules larges, et la poitrine relevée, le foye du corps serré, les jambes nerveuses, le pied petit, les reins fermes, et estoit droit au marcher; le pas si legier, qu'il n'eust pas esté bien aisé d'en remarquer le vestige sur du sablon. Il avoit l'œil vif, et tousjours prompt à regarder çà et là, brillant comme fait le soleil quand il donne sur un miroir. Il n'avoit encores gueres de barbe, et n'en avoit le poil rude; mais seulement avoit une moustache sur la lèvre de dessus d'environ trente petits poils ressemblant à de la laine, ayant ceste lèvre un peu plus eslevée que celle de dessoubs, qui le denotoit devoir estre quelque jour plus sage. Or, parce
5à HISTOIRE MACGARONIQUE.
qu'il n'avoit point en cet aage aucun ma'stre pour l'instruire, il n'avoit pour compagnons que des ruffiens, des bravaches, des coureurs, des guetteurs de chemins, e[ certains bons vautneans, qu'on appelloit fendeurs de nazeaux, et mâchefers. Avec telles gens Balde vivoit plus aise qu'un pourceau à l'auge, l'aage transportant ceste jeunesse hors les bornes de raison, comme un poulain qui n'a encore gousté en l'eslable que c'est d'un licol. Car ces poulainscy desbauchez, pendant que le sang chaut bout encore en eux, et que leur estomach est tousjours presl à digérer, ils ne sçavent user d'huile, ou de sel en leurs affaires. Ils ne considèrent aucune chose la longueur de leur nez. On ne parle en la ville que de Balde, qui avec une force démesurée abaltoit tout le monde, ne se soucioit des saincts, de Dieu, ny du diable. Mille pertuisanes, mille espées, Sergens, ny Archers, ne le pouvoyent estonner; ny mesme Gaioffe, premier Juge de la ville, ne pouvoit dompter son fier courage. Son nom, et sa renommée estoit si grande, qu'il n'y avoil bras si fort, ny eschine de géant si puissante, ny aucun regard pareil à celuy de Roland, ny mille autres semblables à Renaud, qui n'embrenassent leurs chausses de peur, oyant seulement parler de luy. Il portoit à son costé une merveilleuse espée, qui estoit sortie de la boutique obscure de Vulcan, et les ouvriers l'avoient trempée en la forgeant dedans le foudre de Jupiter. Le boiteux Bront, le bigle Sterops, et le bossu Pyrazze» l'avoyent battue sur leur enclume. Il avoit en luy une telle légèreté corporelle, que la chatte sautant après la souri, ou la lionne après le chevreuil, n'approchoient aucunement à ses saults, et en faisoit (sans s'en donner aucune peine) autant et plus que pourroyent faire telles bestes. Les Gipadiens, et les plus braves d'entr'eux, et qui avoyent juré une fraternité ensemble en leurs ribleries, forcent Balde de faire serment de vouloir estrc leur Roy, et prendre le gouvernement des compagnons, sans faire cas de leur vie, non plus que d'un oignon : Car, disoient-ils, quand il y a faute d'un Roy, toutes affaires vont sans dessus dessoubs. E^ntre iceux, Balde en avoit trois principaux, esquels il se fioit le plus; la race desquels ne sera ennuyeux de mettre pnr escrit. Le premier estoit le grand Fracasse, descendu des anciens geans; la haulteur
* Noms de trois Cyclopes, compagnons de Vulcain.
