BOUTEILLES D ARGENT, DORÉES, A YMAGERIES ET A ESMAUX

2208. Une grant bouteille ou barril, d'argent doré, porté de VIII lionceaus dorez, seans sur doubles entablemens, dont ceuls de dessus sont dorez et ceuls de dessouz sont esmailliez et fais à demi frons; ou milieu du ventre dudit barril, dessous grans chapiteaus, dorez a un roy et une royne seans comme sur un banc, et tient le roy, à sa main destre, la main senestre de ladicte royne, et à la senestre main tient ledit roy un septre, et ladicte royne tient un autre septre à sa main destre; et derrière euls a un homme en estant, qui à sa main destre porte une coupe dorée et fait semblant de présenter le vin au roy ; et sur les bous des chapiteaus de dessus leurs testes a trois fueillages fais comme fleurs de lis et pommetes en montant, et au dessus de leursdictes testes est comme à trois demi rons. Derrière le roy, devers senestre, a un esmail fait à chapiteaus, ouquel a un chevalier armé et une dame vestue de vert, qui tient un heaume ; et derrière la royne a une femme qui baie et une qui joue du tabour ; et au dessus dudit chapitel, du lonc du barril, a vi esmaus d'asur, chascun de quatre demis rons, es quels il a hommes et femmes faisans pluseurs contenances. Ou plat dudit barril, ou milieu, est une dame couronnée, et à sa main destre fait semblant de donner à un homme, qui est emprès lui, une coupe couverte, et à la main senestre tient une aiguière et en verse en un hennap que tient un autre homme qui est emprès lui; et dessus sa teste a une courtine, et y a escript : Largesce; et est tout cizellé et y a trois chapiteaus et cinq testes de lion, sur deux desquelles a deux dames qui jouent, l'une de la guiterne, l'autre du salterion ;

464 BOUTEILLES d'aRGENT DORÉ

et à chascun des costez de ladicte dame a vi esmaus d'asur trois grans et trois petis, chascun de quatre demis rons; es grans esmaus a femmes faisans pluseurs contenances, et es petis a serpentellesemmantellées; et au plus haut, au dessus de la teste de ladicte dame, a deux oteaux de quatre demis rons esmailliés d'asur et deux hommes qui jouent du boucler. Sur l'un des bous dudit barril a un grant esmail de quatre demis rons, ouquel [est] Sanson à chevauchons sur un lion et lui euvre la gueule; et en Tautre esmail a un homme qui tue un lion d'une espée. Et le col dudit barril est du visage d'une femme d'une part, et de l'autre part du visage d'un lion, qui font comme une assise sur le col d'une femme, et y a treces de femme; et dessus ladicte teste a une litte tout autour en manière de chapellet esmaillié d'asur. Et l'estoupail est comme le sommet d'une teste tout esmaillié d'asur, à compas de gueules es quels a rozetes d'or, et entre dedens ladicte teste et se ferme à demi tour comme une boiste à mettre pain à chanter; et dessus a un lioncel sur ses quatre pies, sur le dos duquel a un membret, auquel tient une chaiennete de fils d'argent, qui se ferme au passant de la courroie où est la boucle. Les courroies dudit barril sont larges, de fil d'argent blanc; et emprès la boucle a un grant esmail d'asur, semé de petites croisetes d'or, et oudit esmail a une dame qui tient un escuroil entre ses mains; et si y a deux autres esmaus quarrez et aucuns membrez dorez ; et le passant est comme de fueillages, cizellé et doré; et à l'autre bout de ladicte couroie, auprès du membret, a un homme et une femme qui se entrebaisent; et se ferme ladicte courroie à un anel quarré et doré qui se ferme à un membret sur le dos d'un lion qui est sur quatre piez, et de la poitrine en amont a le corps du homme vestu et enchaperonné et joue des cimbales. Et l'autre courroie d'icelui barril est garnie de mordant esmaillié, ouquel a une femme qui joue de la vielle ; et est ladicte courroie semée de vi esmaus à quatre demis rons sur asur, à serpentelles emmantellées et d'autres petis membrez dorez; et ou bout de la courroie devers le barril a un esmail quarré, ouquel a une dame qui porte un faucon sur son poing, et se ferme, comme la courroie de la boucle, à un membret sur le dos d'une beste semblable à celle devers ladicte boucle ; et est ladicte courroie bien longue et toute de fil d'argent; et ladicte

BOUTEILLES d'aRGENT DORÉ ET DE CRISTAL 405

beste joue de la chifonie. Et poise en tout xxi marc un onces. 2209. Une autre bouteille ou barril d'argent doré, tout pareil et semblable en devise et en façon en toutes choses, excepté que ou milieu du barril, devers le ventre, a dessous chapiteaus, un duc et une duchesse jouans aus tables et un homme derrière euls, qui porte un faucon et les regarde jouer. Et ou plat a un roy séant en une chaiere, qui à sa main destre tient une pomme, et à la senestre un septre ; et à sa senestre a une foyne qui tient un heaume, et à sa senestre a une autre royne qui tient une espée à tout le fourrel et un glaive ; et au dessus de la teste du roy a escript : Victoria ; et les autres esmaus sont pareuls en façon à ceulsde l'autre barril, mais que es contenances des gens a aucune différence. Et poise xxi marc ii onces.

BOUTEILLES D ARGENT, DOREES, CISELLEES ET HACHEES.

2210. Une bouteille d'argent dorée, portée de quatre pâtes de lion, et est tout autour cizellé à vingnete et ceinte de cinq souages trenchans et grenetez; et es deux bous a deux esmaus fais en manière de treffle, et en chascun a une bestelete sauvage. Et dessus ladicte bouteille a deux aneaus ronz cizellez; et le tuiau de ladicte bouteille est doré tout plain, et l'estoupail est crénelle et esmaillié d'asur à quatre rosetesd'or, dont la graine est vermeille, et tient a une chaiennete et à une longue courroie de soie noire à une litte gresle de soie vermeille; et est ladicte courroie garnie de clous dorez fais en manière de J tourné; et le boucle et le mordant sont dorez tous plains. Et poise vu mars une once xii deniers,

221 1. Une autre bouteille d'argent, dorée, pareille sanz aucune différence. Et poise vu mars une once xii deniers.