C'est le n° 644 de l'Inventaire publié par M. de Laborde

482 THIPHENIES d'argent DORÉ

d'esmaus dont les hors sont fais à fueillages de rose, et y en a XVI sur le demi roont garnis autour d'un souage greneté, et dedens esmaillié à chevaliers et dames anciens, là où sont escrips : Hercules, Jason, Anthenor, Trorolus, Dyomedes, rex Agamenon, Patrocolo,rexTalamon, rex Menelaus, Panthacilea, Ulixes, Hector, Achile, Paris, Enea, rex Priamus. Et entre lesdis fueillages a pointes esmailliés faites comme losenges, et en chascune a une teste. Le bacin de ladicte tiphenie est encavé sur le descendant des hors; ou fons a xvi fueillages garnis autour d'un souage greneté entre autres, et entre chascun d'iceuls fueillages dessus a un triangle esmaillié, qui sont xvi en nombre, et y a diverses bestes et estranges. Et ou fons de ladicte tiphenie a une ceinte de lettres latines hachiées, là où il a escript : « Verbum caro factum est et habitavit in nobis et vidimus gloriam » ; et ou milieu d'icelle ceinte a un grant esmail enlevé, fait comme une rose de viii fueilles à demi roont, garnies de souages grenetez autour, et esdis fueillages a diverses bestes : et ou milieu dudit esmail, qui est roont et garni autour d'un souage greneté, a comme un chastel ; et sur deux chevaus y sont oultre le roy Priamo et Hector armé, et devant ledit Hector deux damoiselles, dont l'une est à genous et l'autre tient les mains à la teste de son cheval; et dessous le cheval dudit Hector a escript : Andromacha, Pulisena. Et poise xiiii mars une once.

2268. Une autre thiphenie, toute semblable de façon à la dessus escripte, fors que les ymages des esmaus des hors sont : rex Charles, Régnant, Bordo, Geffroit, Orlando, Atsofo, Galeotho, Febus, messire Yvain, Galaas, Lancelot, Tristan, Palamedes, rex Artus, Piercivale, Olivier. Et en la ceinte hachiée du fons, qui va autour de l'esmail grant, a escript : « Ejus gloriam quasi unigeniti a pâtre plénum gracie et veritatis. Amen ». Et ou milieu dudit grant esmail a, sur une terrace grise semée d'erbe vert, deux hommes armez à pié, qui se combatent de bastons esbochiés, dont l'un a perdu le sien; et auprès d'iceuls a un escu et deux arbres, et deux hommes qui sont tous espoventez, et dessous a escript : « Comment Hercules ocist Antheo aus bras ». Et poise xmi mars.

THIPHENIES d'argent DORÉ 483

THIPHENIES D ARGENT A ESMAUS, CISELLEES OU HACHEES.

2269. Une thiphenie d'argent, dorée dedens et dehors, bordée autour d'un souage greneté. Et sur les hors a esmaus asurez à pluseurs bestes et abriceaus ; et le fons de la thiphenie est à coquilles et enlevé entre les coquilles et cizellé à compas, fleurs de lis et fueillages; et ou milieu dudit fons a un esmail ront asuré, ouquel a un homme sauvage qui fait semblant de ferir de une massue un lion, et derrière a un cerf que un chien mort ou col, et entour a aucunes fueilles et arbriceaus; et est ledit esmail bordé de souage, tout autour desquels a une bordeure à lettres de Dammas. Et poise xix mars une once v deniers.

2270. Une autre thiphenie pareille, sans différence, fors que en Tesmail du fons a une femme qui a une unicorne en son giron, et la tue un homme qui est sur un arbre, et tient un miroer. Et poise xviii mars m onces xv deniers.

2271. Une thiphenie d'argent doré, à haus hors rons. Et le plat du bon est cizellé à lettres de Dammas; et y a aucunes fueilles, et autour a un souage greneté. Et le dedens est à coquilles longues, cizellées à lettres de Dammas, lesquelles coquilles sont aux deux bous plaines. Et ou fons, autour d'un grant esmail enlevé lequel est à nos armes, a un cercle cizellé à lettres de Dammas ; et auprès de l'esmail a un souage ront et un greneté. Et poise xii mars vu onces.

2272. Une autre thiphenie pareille, sanz aucune différence, à la dessus escripte derrenierement. Et poise xi mars vu onces XII deniers.

2273. Une thiphenie d'argent, dorée ', dont les hors sont esmailliez d'asur à chace de lévriers et de connins et à pluseurs arbriceaus. Et sont les costez de ladicte thiphenie cizellez à fueillages de treffle. Et ou fons a un esmail ront, ouquel a deux hommes armez à cheval qui tuent un lion jaune; et autoUf dudit esmail a pluseurs bestes qui ont testes de hommes et de femmes. Et ladicte thiphenie est blanche par dehors, et poise VIII mars un onces xii deniers.

I . C'est le n» 65 1 de l'Inventaire publié par M. de Laborde.

484 THIPHENIES d'argent DORÉ

2274. Une autre thiphenie pareille \ sans différence, excepté que en l'esmail du fons a deux hommes armés à cheval, dont l'un a donné à l'autre un coup d'un glaive si qu'il Ta fait ploier sur la crupe de son cheval. Et poise viii mars un onces.

2275. Une thiphenie d'argent, dorée et cisellée, dont les hors sont garnis d'esmaus sur le plat, et y en a xx roons et hautelez, à angles, à ymages jouans de instrumens et à autres faisans pluseurs contenances; et entre yceuls a plas esmaus sur le quarré, qui sont de vert et d'asur, là où il a branches, fueilletes et rosettes. Ladicte thiphenie est dedens encavée comme à fueilles ploiées, faites en manière de couhourdes toutes hachiées dedens à fueillages grans. Et autour d'un grant et haut esmail qui est ou milieu, a une eschequeteure hachiée ; ledit esmail est garny autour de pluseurs souages, et d'un lez et d'autre des hors dudit esmail, qui sont comme festez, a deux souages cordelez ; et sont iceuls hors esmailliés de vermeil et de noir à lettres, là où il a escript : « Pour grant plaisir, j'ajy grant désir ». Et l'esmail dedens est d'asur très bon, et dedens a deux chevaliers qui joustent et deux escuiers qui leur baillent leurs lances : et sur leurs testes a escript : « A mon pooir ». Et poise x mars iiii onces xviii deniers.

2276. Une autre thiphenie assés grande, d'argent doré dedens, à larges hors semez d'esmaus, desquels en y a xx à bocetes roondes à divers ymages, à demis corps d'ommes et de femmes et à aucuns angles jouans d'instrumens. Et les autres esmaus qui sont entre deus sur le bas, de vert et d'azur, sont à branchetes dorées, reploiées en façon de compas; et ou millieu de chascun a une losenge en laquelle a une rozete dorée. Et le dedens de ladicte thiphenie est comme à fueillages encavez et reploiez à tour de raix de solail ; et dedens les encaveures a branches et fueillages hachiez. Et sur le millieu, autour de l'esmail, a une ceinte eschequetée, dedens laquelle est un haut esmail, garni autour de pluseurs souages et d'une coste esmaillié en laquelle a escript sur les pendans dedens et dehors : « Pour grant plaisir^ fay grant désir » ; et oudit esmail, qui est roont, a comme un eschafaut creneté sur un pié vert, sur lequel a deux hommes et