TRES GRANS CHANDELIERS D ARGENT EN PIE, POUR TORCHE ET TOISE

2487. Un grant chandelier ou toisier d'argent \ porté de quatre pâtes dorées ; et les hors du pié sont dorez à pluseurs souages et orbevoies à jour, et est à viii costes pointues ; et dessus ledit pié est un haut piler garni de pluseurs souages dorez, et ou milieu a un gros pommel ouquel a vi esmaus de nos armes. Et ledit toisier est ront, de la façon d'une tour ronde ; et la couverture est tailliée au cisel en façon de couverture de tuille, et y a quatre fenestres flamanges à chapiteaus, et sur le bout d'en haut a une eschauguete crenellée, en laquelle a un homme en estant, qui fait le guet et tient une trompeté à sa bouche. Et quant l'en veult mettre la toise dedens, l'en lieve toute la couverture qui se rassiet au dedens des grans creneaus. Et poise Li marc iiii onces.