PETIS CERCLES

3529. Un cercle d'or de très ancienne et estrange façon ', lequel est de XVIII euvres acouplées à charnières, dont les quatre sont garnies de quatre très grandes esmeraudes, les cinq de v gros balays et les nuef chascune de trois grosses perles et d'un diamant ou millieu. Et la première euvre qui est devant, est d'un grant chaaston quarré à planche dessous, sur lequel a une très grande esmeraude quarrée sur le lonc, assise entre quatre crampons

Et ainsi sont en somme sur ledit cercle un esmeraudes, V balais, xxvii perles et ix diamans ; et oultre, sur les charnières dudit cercle, a xxviii petis grenas rons. Et poise en tout ledit cercle, pierrerie, perles et or, ii mars vu estellins.

3530. Un autre cercle d'or lequel est de xxi roses d'or qui font XXI euvres ''. Et sont ycelles roses de vi fueilles sengles, chascune dreciées sur le haut, et samblent les roses sur le tour de pièces parfondes et creuses en manière de tasses à boire. Et ou fons de chascune est une pièce ronde et plate, haichiée bien menuement. Et est chascune desdictes roses rivée sur une pièce plate d'or quarrée, garnie dessus, autour du fons de la rose, d'un souaige tuers. Et sur le dehors est haichiée comme à un osteau roont, dont partent un fueilles; et se entretiennent toutes lesdictes pièces à charnières à xxi autres petites pièces d'or quarrées sur le lonc, qui font entredeux des euvres; et sont toutes esmailliées sur le dehors de vert et garnies autour, chascune, d'un souaige tuers, et sur le dedens sont haichiées bien menuement. Ledit cercle est garni dedens lesdictes roses de cinq balais, de cinq esmeraudes et de xi grosses perles comme il s'ensuit

Et ainsy a, comme dit est dessus, sur ledit cercle v balays, v esmeraudes et XI perles. Et poise en tout, pierrerie, perles et or I marc v [onces] xv esterlins.

1. La description occupe les f" 816 r" à 818 v° du manuscrit.