COIFFES ET GUIRLANDES

assez d'une sorte, fors que il en y a aucunes plus roondes, plus clercs, plus blanches et meillieurs que les autres : et en y a plusieurs coquues; et sont extimées peser chascune, l'une par l'autre, ii caras et demi. Et poise en tout ladicte coiffe, perles, or, tissu, ruben et fil i marc m onces xvi estellins.

3540. Une autre coiffe de perles assamblées quatre et quatre en manière de troches, entre lesquelles troches a petis et menus buhos d'or qui les tiennent un po loingnet les unes des autres; et leur assiete est en manière d'un chanfretteiz losengié ; et tiennent tant les perles comme les buhos à fil de soie blanche qui passe parmi leurs pertruis. Et est ladicte coiffe à deux pendans sur les costez, pour mettre sur atour de France. Et en tout sont sur ladicte coiffe iicxix troches, chascune de un perles assés grosses, bonnes et roondes , les aucunes plus que les autres et plus blanches aussi. Et ainsi sont en somme toute, sur ladicte coiffe, viiiclxxvi perles, qui pueent peser chascune, l'une par l'autre, environ i carat et demi, et y puet avoir environ iiiicxL buhos d'or. Et poise en tout ladicte coyffe, perles et or, I marc 11 onces m estellins.