La description complète occupe les f°» 892 v" à 894 r

576 FERMAUX d'or

embouti en une creste, féru en estampe, bordé tout entour à dentelettes. Et ledit croissant s'afine en une vergeté greslete, plate, retournée, et ou bout, une fueille d'espine. Le secont demi roont est comme un croissant par le bort dehors, tout plain sur le roont, bordé tout entour à dentelettes. Dessous la vuidenge dudit croissant partent deux planchettes recoquillées en manière de crosse, ainsi comme celles devantdictes, un pou plus grandetes; et entre deux, dessous ledit croissant, comme ou milieu, a une treffle entre les deux .crossetes telle comme en l'autre; et pareillement s'afine en une vergeté greslete, plate, retournée, et ou bout a une fueille d'espine telle comme en l'autre. Le tiers demi roont est pareil au premier et le quart au second, le v^ au premier et le vi^ au second sans aucune différence. Audessous desdis demis roons se lieve un souage double et hautelet, du tour d'une rose, comme à vi fueilles demi roondes et à vi demies pointeletes, qui se lacent par dedens à demis oteaus; et dedens a esmaus roons, esmailliés de vert et de noir, en lettres espargniés d'or passant l'un par dessous l'autre et faisans une manière de compas. Ou milieu de ladicte euvre a un oteau à vi costes, fait de fenestrages voltans en manière de solail; et ou milieu se afinent ensemble sur le roont. Entour ledit compas a demis compas longuez, agiiez et clos par dehors et ouvers par dedens; et ou milieu a petis oteaus sur le roont; au dessus un pointu a petis archez en trèfle et entre yceuls a un fenestrage bien enarchié et pointu en amont et dessous quarré, les esmaus de tout le fons dudit esmail sont asurez. Et le fons dudit fermail si est d'un grant oteau fait de plusieurs petis oteaus, archez et fenestrages comme d'église, afinansenun petit roont ou milieu; et par dehors tout entour est comme fueilles de roze et pointeletes doubles. Et tout entour est comme d'un chaaston bien relevé, tout plain, creus et féru en estampe sur un esmail vert. Et a son aguille comme d'un autre fermail fermant à un crochet; et l'anelet dessous est d'une trèfle. Ou millieu dudit fermail a un balay, longuet sur le roont, en un haut chaston à quatre crampons par les deux bous, de belle taille, et son bizel moult net entour, mais que de la part senestre d'embas a un esclat longuet et assés larget, tenant par le travers ledit bisel et delà face aucun pou, sa face plate, plaine

FERMAUX d'or 577

et onnie et assés grande, selon son pois, sans aucune glace, gresse, fosse ou pertuis, de très gentile eaue et de fine couleur de balay, bien parfaite pierre et belle; et poise de xvii à XVIII caras. De Tun costé dudit balay, audessus, à la part destre assés longuiet a un ruby sur le roont en un bien haut chaaston, de l'un costé comme à trois pointes,

Oudit fermail a m rubys d'orient, i balay, m saphirs, III esmeraudes, m dyamans et xii perles. Et poise en tout, pierrerie, perles et or, v onces xi estellins.

3554. Un fermail d'or, d'un cercle roont ', qui est embouti sur le dessus comme à viii ondes haichiées à fueillaiges, et sur les bors dehors sont haichiées à couronnes ; et le plat dudit cercle est tout plain. Et dessus est l'espinette tenant à une charnière qui se ferme en un crochet qui y est ; et dedens ledit cercle est un solail à pluiseurs raix, qui a haute bosse ou milieu. Sur ledit cercle est ledit fermail garni de vi balaiz, de vi saphirs et de xii perles de la devise qui s'ensuit ; c'est assavoir que il y a rivés un haus chastons pointus au bas, dont chascun fait m dessus, là où siéent es deux, en chascun, m petis balais, chaascun entre iiii crampons, lesquelz sont tous très pales et tous glaciés et diffamez, et sur l'un a un let pertuis; et pevent peser chascun l'un par l'autre environ un ou v caras. Et es deux autres chaastons, composés, comme dit est, chascun de trois, siéent en chascun m petis saphirs, chascun entre un crampons, dont les un sont persiés et glaciés de pale couleur et de clere eaue

Et ainsi appert que sur ledit fermail sont vu balais vi saphirs et XVI perles ; et ainsi appert que sur ledit fermail sont vu balais, VI saphirs et xvi perles. Et poise en tout, pierrerie, perles et or, III onces I esterlin et demi.

PETIS FERMAULZ d'oR À PIERRERIE ET PERLES, ET À PERLES SANS PIERRES.

35 5 5. Un fermail d'or roont, tout plain sur son siège, fors que il y a trois anelez à jour pour le atachier, qui sont rivez sur