DEMIS CEINS D OR SLR TISSU, SANS PIERRES ET PERLES

3569. Un demi ceint à tirant d'or, dont la boucle est de deux gros filz tuers sur le roont, en agreslissant par les deux bous, sur lesquieulx a deux lions, c'est assavoir l'un sur les bous qui font la charnière, et l'autre devant où se assiet le ranguillon; lequel ranguillon tient à une broche roonde hachiée qui va au travers de ladicte boucle par le milieu. Et sur la chape de ladicte boucle a un clou fait de deux fils tuers, assés grosset, laciez par les deux bous, ou mileu duquel a un esmail blanc sur quoy est assise une crois de nostre Ordre. Et est toute ladicte ceinture ferrée de tels clous, aus costez desquelz adeux aig les bien plumetées, qui ont leurs testes retournées sur leurs elles; et entre chascune assiete desdis clous et aigles a un croissant de rouge cler, sur lequel a deux rosetes d'or et lettres qui font : « Je le doy », toutes dorées; et dedens chascun desdis croissans a une fleur de lis enlevée d'orfaverie, dont les pointes des deux grans fueilles joingnent aus elles desdictes aigles. Et a oudit demi ceint, depuis la chape de la boucle jusques à la charnière dudit tirantxiiii clous où sont les esmaus blans et l'Ordre de la Crois et xxx aigles, xv croissans et xv fleurs de lis. Et sur la chape dudit tirant a un clou esmaillié de blanc, où est la crois de nostre Ordre, de la devise des autres clous dudit demi ceint : sur lequel tirant a une aigle regardant au mordant, et cinq croissans esmailliés de rouge cler avecques cinq fleur de lis de la devise des autres devantdis. Et poise '.

3570. Un demi ceint d'or, d'orfaverie d'or sans pierrerie et