PETIS RELIQUIAIRES D OR A PORTER SUR SOY

3572. Un très petit reliquiaire d'or, de très bel ouvraige, garni de pierrerie et de perles et très finement esmaillié, lequel a son tour comme bellonc, garny tout à l'environ d'une branche, roonde enlevée à jour, à laquelle tiennent plusieurs fueilles enlevées, et est ladicte branche lovée d'une pièce d'or plate tournée tout autour d'icelle branche ; et de ladicte loyeure partent XI brochettes d'or, auquelles sont rivées xi grosses perles toutes blanches et de clere eaue et bonne pel ; mais les aucunes sont roondes, les autres longuettes, et les autres un pou coqiiues et y en a de plus blanches les unes que les autres; et pevent peser chascune, l'une par l'autre, environ ii caras et demi. Et sur le bout dudit reliquiaire est un petit anelet à mettre un las à le porter. Et se euvre icelli reliquiaire sur le devant à deux fenestres qui se acouplent à une charnière, laquelle se ferme à une longue espinette d"or bien déliée qui est sur le tour d'une espingle, au bout de laquelle est rivée une assez grosse perle longuette, et bonne et blanche, qui est bien de la carate des xi dessusdictes ou de plus. Le derrière dudit reliquiaire est esmaillié de rouge cler à chérubins en orbeur, ouquel esmail est le demi corps de Nostre Seigneur tout nu. les bras croisiez devant, et son dyademe est de fin asur ; et dessous a une pièce d'or qui se lieve à une charnière, pour mettre reliques dedens. Les deux fenestres, qui euvrent le reliquiaire devant, sont dehors esmailliées très finement de vert, et y est l'Annunciacion Nostre Seigneur, là où Nostre Dame est vestue de fin asur sur rouge cler, et l'angle est vestu de rouge cler. Et sur le haut et le bas desdictes fenestres sont, sur deux chaastons, chascun entre un crampons, ii balais dont le haut est quarré à plate face, de fine couleur sur Tardant et de gentille eaue, toute nette pierre, extimé peser de ii caras et demi en m caras; et le bas est sur le roont à plate face de fine couleur sur le rose et de gentille eaue, toute nette pierre, fors que

DOb PATENOTRE D OR

sur son haut costé, près du crampon, a une traisse qui se tourne et fait comme un cercle bellonc d'elle mesmes peu parant, et puet peser environ m caras. Les fenestres sont sur le dedens esmailliées de fin azur et y sont saint Pierre et saint Paul vestus de rouge cler et de cendre obscur. Et le fons du dedens dudit reliquiaire est tout esmaillié de rouge cler. Et dedens ycelli reliquiaire est dedens un lis blanc, dont le bas est couvert pour un drap d'or à pluisieurs plois, qui pent devant une petite ymaige de Nostre Dame, affublée d'un mantel d'or, qui tient son enfant entre ses bras, lequel est vestu d'un drap blanc, et est tout d'or enlevé; et aux costez de ladicte ymaige sont, de chascune part, sur un chaaston entre un crampons, un petit rubi bon et fin, dont chascun puet peser i carat et i quart; et dessus et dessous chascun chaaston sont rivées ii petites perles. Et ainsi appert que oudit reliquiaire a ii balais, ii petis rubis, xii grosses perles et un petites. Et poise en tout, pierrerie, perles, esmail et or, une once xiiii esterlins et m quars d'esterlin.

PATERNOSTRES D OR ESMAILLIÉES ET A PETITES PERLES.

3573. Unes paternostres d'or, qui sont de xxi petites pièces quarrées et encavées d'une part et d'autre; et sur l'une des pars sont ouvrées et esmailliées à façon de tabliers, et sur l'autre à façon d'eschiquiers; et sur les cantons de chascune pièce sont rivées et assises viii très petites perles, quatre de chascune part. Et oultre a esdictes paternostres vu flascons d'or bien petis, qui sont ouvrés à osteaux à jour d'un leiz et d'autre; et sur la bosse sont comme tuers et sont garnis de prez d'anelez à courroies et de buhos dessus. Et entre lesdictes xxviii pièces, tant de tabliers comme de flascons, sont xxviii buhos d'or roons et longues, esmailliées de rouge cler, à rôles et fleurettes blanches. Et parmi toutes lesdictes pièces, tant tabliers et flascons comme buhos, passe un petit cordon de soie qui les assamble et en fait patrenostres. Et poisent en tout, avec ledit cordon, 11 onces XVII esterlins et m quars ',

I. A la suite de ce chapitre devaient se placer les « Pippes et fermoers d'or à livres... ». Le texte publié par M. de Laborde sous le n" 267 donne

TABLEAUX d'oR 58q