CHAPERONS OUVRES A PERLES

3598. Un chaperon lonc pour dame, lequel est de velueau violet, tout brodé dehors à pluseurs euvres de fil d'or qui sont comme d'un fenestrage d'un compas sur le roont ou millieu et

6o6 CHAPERONS BRODÉS DE"pERLES

agùs dessus et dessous, et vont en montant l'un sur l'autre ; et entre les reprinses de l'un sur l'autre a couronnes de perles de once de deux sortes; et dedens chascune d'icelles euvres d'une terrace de borderie de soie bordée dessous d'une voie de menues perles et semée dessus d'autres plus grosses, là où en aucunes en a vi seulement et en autres x, pert un arbre à trois branches, dont la tige et lesdictes branches sont de menues perles et les fueilles sont d'or ; et sur le bout de la haute branche, entre fueilles vers, est une rose de perles menues dessous, et dessus en a cinq grossetes coquûes, et ou millieu est, en un chaston, un bouton roont de voirre vermeil. Et entre lesdictes euvres a pluseurs bestes rampans, qui sont de menues perles dessous, et dessus en sont semées sur chascune beste sur les unes VI, sur les autres v et sur les autres un grossetes et coquiies ; et ont lesdictes bestes yex noirs et les aucunes les bous des queues de pierres noires et semblent ermines, et les autres ont sur elles, entre les perles, semez en chaastons de petites pierres de voirre vermeil, vert et bleu, et sont comme liepars. Et partout sur ledit chaperon de toutes sortes de perles y puet avoir environ i marc un onces de perles.

3599. Un autre chaperon de velueau noir, brodé à pluseurs neux de menues perles, des cantons desquels, qui sont de quatre fueillages, chascun de trois fueilles, partent quatre lis dont les aucuns sont de pluseurs grosses perles que les autres, et sur fil d'or trait menu ont, entre leurs fueillages, petites treffles de trois perles chascune, saillans dessus, et les pluseurs en sont cheues ; et entre iceuls lis a papeillons brodez d'or et de soye, dont les esles sont haussées sur le millieu. Et sur ledit chaperon a perles de trois sortes, et de toutes y en puet avoir semble environ 11 mars un onces de perles.

3600. Un autre chaperon de velueau vermeil, brodé à un chanfreteiz losengié d'assés grossetes perles assises entre fil d'or ; et en chascune losenge a un solail brodé, dont la moitié sont de perles menues assés et aucunes rayes y a de fil d'or, et les autres sont de fil d'or et aucuns rays y a de menues perles ; et sur le milieu de chascun solail a une grosse perle de compte coquiie, fors que d'aucuns elles sont cheues; et sur les croix dudit chanfreteiz en a sur chascune une grosse aussi, de ladicte devise.