GRANS POS D ARGENT DORES APPELLES ESTAMACX

AUTRES ESTAMAUX BLANS.

i853. Un grant pot, appelle estamail, d'argent blanc à VIII quarrés, garni par le pié, le ventre, le col, la gueule et les hors du couvercle de pluseurs souages dorez; et l'anse dessus est blanche dessous et dorée dessus; et le martellet est doré à deux grosses fueilles ; et sur le milieu du couvercle est un lion doré séant. Et l'anse de dessus, à quoy l'en porte ledit estamail, est à quatre endenteures, deux dehors et deux dedens; et y a trois testes dorées à doubles visages, dont l'une est ou milieu de ladicte anse et a grans cheveux, et deux aus deux bous de l'anse, qui se ferme à deux membres sur les hors de l'estamail, qui sont fais par dehors en manière de compas dorez et cizellez à fueillages; et ou milieu a un escuçon de noz armes. Et poise xiiii mars vi onces xxi denier.

1854. Un autre pot estamail d'argent blanc, pareil sans différence. Et poise xiiii mars vi onces xviii deniers.