POTS À AUMÔNE EN ARGENT DORÉ

et garnis dessus autour d'un gros souage greneté ou milieu. Le corps et le col dudit pot sont tous cizellez à grains et fueillages et semez dessus le corps de grandes coquilles, et le col d'un tour de plus petites; et sur deux des coquilles du col assises entre les anses, comme ou mileu, a deux escuçons esmailliés de nos armes; et autour de la gueule d'icelli pot a comme une couronne renversée à fleurons saillans, qui font comme demis fenestrages entre deux; et le cercle d'icelle couronne est garni, dessus et dessous, de deux souages haus grenetez, et est ou milieu à losenges et demies, ouvrées dedens à compas. Et les anses d'icelli pot sont de deux gransserpens escailliés, qui ont chascun queue, ii piez, II esles enlevées, crettes comme de bouillons sur le col et grosses testes à dens et à langues doubles, desquelles il engoulent ladicte couronne, qui fait le bort du pot. Et le couvercle dudit pot est haut et agu dessus de la façon d'un chapel de Sarrasins à haus hors retournez et levez comme d'un tour de bacin; et le comble dudit couvercle est ouvré de la devise du corps du pot, mais que les coquilles ne sont pas semblables, et sur le haut a vi grandes fueilles droites en cizelleure ; sur le bout dudit couvercle a un grant et haut fretel à un pommel à cotes par le bas, et ledit fretel est entre iiii grans fueilles d'espine enlevées et reploiées en II liex, qui soustiennent i chapel tuers, sur lequel a une terrace vert semée de marguerites, et sur icelle, en piez, i aigle à esles extendues qui tient en son bec i annelet, ouquel pent i escu

esmaillié ànozarmes.Et poise ledit pot et ledit couvercle '

1859. Un très bel et grant pot à aumosne couvert, d'argent doré et cizellé, dont le pié est assés haut, garni sur le tour bas de pluseurs souages et de deux grenetez, haut et bas, et entre iceuls d'une grant orbevoie de fenestrages à jour; et sur le montant dudit pié a tout autour grans fleurs de lis embouties, et entre icelles a branches à fueilles comme de treffle cizellées; et sur le haut dudit pié, dessous le ventre du pot, a comme une couronne renversée de demis fenestrages de renvalemens, et dessus a un haut souage greneté tout autour. Et le ventre et le col dudit pot sont semez de grans fleur de Hz embouties et de fueillages entre icelles de la devise du pié; et sur le col, devant et derrière, sont

I, Les poids n'ont pas été inscrits.

POTS À AUMÔNE d'argent SgS

assis entre souages deux haus escus csmailliés à nos armes. Et la gueule dudit pot est garnie autour d'un couronnement renversé à demis fenestrages enlevez, qui font fleurons à jour, et le cercle est à losenges de ravalemens, comme à compas entaillie's dedens ; et sur le haut a tout autour un soage greneté. Et les anses dudit pot sont de deux grans serpenz qui se loient aus pies et à leurs queues au ventre du pot; et ont leurs esles sur tout d'esles de chauvessouris, et leurs crupes sont du lonc toutes crettées à bocetes roondes; et à leurs gueules, qui sont grandes, barbues et ouvertes, engoulent sur le dehors ledit couronnement à leur endroit, qui fait le tour de la gueule du pot. Et le couvercle dudit pot est comme de façon et du tour d'un tiaire à hors reploiez et encavez pour joindre au pot; et sur le comble est ouvré à fleur de lis embouties et à fueillages cizellez de la devise du pot, fors que les fueillages du haut sont de chesne descendans ; et sur le bout, sur un pommel à costes, siet entre vm fueilles, quatre grandes et quatre petites, une grosse pomme roonde, qui fait fretel, esmailliée de vert et semée dessus de rosetes blanches et vermeilles et de goûtes de ladicte couleur ; et sur ladicte pomme est un aigle à esles levées, qui tient à son bec un escuçon esmaillié de nos armes. Et poise en tout xxxvii mars un onces.