UN TRES GRANT POT D ARGENT A AUMOSNE D UN TONNELET

i863. Un tonnel d'argent assis sur quatre chantiers dorés ; et est ledit tonnel lié de xii cercles dorez; et aus costés dudit tonnel, sur chascun des fons, a deux hommes d'argent, comme deschargeurs, qui assieent ledit tonnel; et lesdis hommes sont dorez, et sur chascun des fons dudit tonnel a une barre dorée. Et en l'un des fons a une broche au dessus de la barre, et en l'autre fons a une broche au dessous de la barre ; et le bondonnail se ferme à une petite viz; et l'entonnoer à mettre le vin oudit tonnel; sur lequel il a par dehors une bende dorée et bors dorez, a un tuiau, qui part du fons de l'entonnoer. Et poise le tonnel Lxxviii mars iiii onces, et l'entonnoer v mars v onces; poise en tout iiii^'^iiii mars une once.