COUPES DE CRISTAL ET DE JASPE

laquelle a vi esmauls fais en manière de treffle, à diverses bestes et à arbrisseaus. Et ladicte coupe est repliée en manière de godet et est creuse par girons. Et le couvercle, qui est d'argent doré, est de semblable façon et a l'un des girons cizellé et l'autre esmaillié; et dessus a un fretel à fueillages, desquels il yst un boutonnet doré. Et poise en tout ini mars vi onces xii deniers.

895. Une coupe de cristal, garnie d'argent doré et esmaillié, dont le pié est fait à orbevoies autour ; et sur le plat est esmaillié tout d'azur à oteaus d'esmail rouge et bleu, esquelz a genz et diverses bestes ; et sur vi pointes du pié a vi serpens gisans. Et le piler est tout esmaillié, et ou milieu a un chastel de maçonnerie. Et la coupe est ondoiée, bordée d'argent doré, et ou fons a un esmail ront d'azur ouquel a une bécasse. Et le couvercle est tout esmaillié de la devise du pié, et dessus a un fretel à une pommete esmailliée et dessus a fueilles enlevées, les unes montans et les autres avalans. Et poise en tout iiii mars un onces xii deniers.

896. Une coupe de jaspe, garnie d'argent doré '; et sur le pié, qui est à pluseurs souages a quatre esmaus azurez, enlevez en manière de fueilles, esquels a hommes et femmes faisans pluseurs contenances, et est cizellé tout autour desdis esmauls; et dessus a un piler quarré, et autour d'icelui a trois portes faictes de maçonnerie à fenestrages esmaillez d'asur. Et sur le couvercle, dont les bors sont créneliez, a quatre esmaus pareux à ceulz du pié; et au plus haut y a un fretel ront assis entre fueilles dorez. Et poise en tout m mars vi onces.

897. Une coupe de cristal, sans couvercle % garnie d'argent doré, dont le pié est à viii quarrés, et dessus a fueillages enlevez esmailliés d'asur. Et ou milieu du piler a un pommel sur lequel a deux oyseaus et une serpentelle entailliez à fueillages. Et ladicte coupe est faicte en manière d'une rose reploiée dedens par les bors et garnie d'argent doré, et par dehors a comme un fil d'argent en tucrs. Et poise 11 mars vu onces.

898. Une coupe de cristal \ garnie d'argent doré, dont le pié