COUPES D ARGENT SEMEES D ESMAUX

899. Une coupe d'argent, dorée ' cizellée et semée d'esmaus d'azur à grans boulions à queue pointus, et y a serpentelles d'or sur le pié, la coupe et le couvercle. Et ou fons de la coupe a un esmail ront pointu de la devise des autres. Et dedens le couvercle a un esmail pareil, et dessus a un fretel doré à fueillages et à quatre pommetes d'azur. Et poise en tout viii mars vi onces.

900. Une coupe d'argent dorée et esmailliée ^ dont le pié est ront garni, de souages grenetez; et sont le pié, la coupe et le couvercle semez d'esmaus à oyselez et rozetes ; en entre les esmaus a comme un compas à testes de marmoux. Et le piler est fait de maçonnerie à fenestrages et oteaus esmailliés parle bas; et le pommel est de vi costes esmaillées. Et ou fons de la coupe a un esmail ront ouquel est saint Martin sur un cheval noir. Et l'esmail du dedens du couvercle est de la devise des autres esmaus. Et sont la coupe et le couvercle cizellez dedens à fueilles de vingne, et le fretel est esmaillié et est d'un bouton assis entre fueillages. Et poise en tout viii mars v onces.

901. Une coupe d'argent, doré ^ cizellé dehors et dedens, et dehors semée d'esmaus, pié, coupe et couvercle; et es dis